Month: June 2022

រតនគិរី៖ យ៉ាងហោចណាស់មនុស្ស 5 នាក់ ដែលបានចែកចាយនិងរក្សាទុកនូវសារធាតុញៀនត្រូវបានកងរាជអាវុធហត្ថក្រុង បានលុង ចុះបង្ក្រាបបាន។ នៅវេលាម៉ោង 13,00នាទី ថ្ងៃទី29 ខែមិថុនា ឆ្នាំ2022នេះ កម្លាំងមូលដ្ឋាន កងរាជអាវុធហត្ថក្រុង បានលុង ដឹកនាំដោយលោក វរសេនីយ៍ត្រី ហៃ វណ្ណារ៉ា មេបញ្ជាការមូលដ្ឋានកងរាជអាវុធហត្ថក្រុង បានលុង និងមានការសម្របសម្រួលដោយលោក កែវ ភក្តី ព្រះរាជអាជ្ញារង អមសាលាដំបូងខេត្តបានចុះបង្រ្កាបជាក់ស្តែងករណី ចែកចាយរក្សារទុកឬជួញដូរដោយខុសច្បាប់នូវសារធាតុញៀន ស្ថិតនៅក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ។ យ៉ាងណាមិញលទ្ធផលឃាត់ខ្លួនជនសង្ស័យ ចំនួន5នាក់ និងចាប់យកវត្ថុតាងមាន ម្សៅក្រាមសថ្លា ចំនួន2កញ្ចប់ ទូរសព្ទដៃចំនួន4 គ្រឿង ម៉ូតូ1គ្រឿង ម៉ាស៊ីនថ្លឹងថ្នាំញៀន 1គ្រឿង អត្តសញ្ញាណប័ណ្ណ 1សន្លឹក បណ្ណបើកបរ 1សន្លឹក កាតវីង 1សន្លឹក ប្រាក់រៀលចំនួន 5,000រៀល ។ ហើយបច្ចុប្បន្នជនសង្ស័យ និងវត្ថុតាងត្រូវបានការិយាល័យជំនាញ កងរាជអាវុធហត្ថខេត្ត កំពុងចាត់ការតាមនីតិវិធី។

ជនសង្ស័យម្នាក់ត្រូវបានកម្លាំងកងរាជអាវុធហត្ថក្រុង ប៉ោយប៉ែត បញ្ជូនខ្លួនទៅកាន់សាលាដំបូង រួមនិងវត្ថុតាងកាំបិតចុងស្រួចដងជ័រពណ៌ខ្មៅ ប្រវែង 32សង់ទីម៉ែត ចំនួន1ដើម ក្នុងករណីហិង្សាដោយចេតនា មានស្ថានទម្ងន់ទោស ដែលប្រព្រឹត្តកាលពីវេលាម៉ោង19 និង30នាទី ថ្ងៃទី28 ខែមិថុនា ឆ្នាំ202នេះ នៅចំណុចម្តុំផ្សាររ៉ា ស្ថិតក្នុងភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

សម្រាប់ថ្ងៃទី 29 ខែមិថុនា ឆ្នាំ 2022នេះ មានករណីឆ្លងវីរុសកូវីដ19 ថ្មី ចំនួន 7 នាក់ និងករណីជាសះស្បើយ 0 នាក់ ករណីស្លាប់ 0នាក់។

សេចក្ដីប្រកាសព័ត៌មាន របស់រាជរដ្ឋាភិបាលកម្ពុជា ចេញ​សេចក្តី​សម្រេច​ កំណត់យកថ្ងៃអាទិត្យ ទី23 ខែកក្កដា ឆ្នាំ2023 ជាថ្ងៃបោះឆ្នោតជ្រើសតាំងតំណាងរាស្ត្រ សម្រាប់នីតិកាលទី7 នៃរដ្ឋសភា។

នៅថ្ងៃទី28 ខែមិថុនា ឆ្នាំ2022នេះ លោកបាន ប៊ុន ធឿន ទទួលស្គាល់ថា លោកពិតជាបានចាក់ដីហៀរចូលទៅក្នុងប្រឡាយ ជាងមួយម៉ែត្រពិតប្រាកដមែន។ ក្រោយពីក្រុមអ្នកសារព័ត៌មានជាច្រើនបានផ្សព្វផ្សាយពាក់ព័ន្ធទៅនិងករណីលោក បាន ប៊ុនធឿន ចាក់ដីរំលោភលើប្រឡាយសាធារណៈនោះក៏ត្រូវបានអាជ្ញាធរស្រុកអង្គស្នួល ដែលដឹកនាំដោយលោក ខុន សេរីរដ្ឋា ជាអភិបាលស្រុក បានបញ្ជាឲ្យមន្ត្រីក្រោមឱវាទចុះទៅត្រួតពិនិត្យទីតាំងចាក់ដីរំលោភលើប្រឡាយនោះប្រកបដោយភាពយុត្តិធម៌ ហើយក៏ត្រូវបានប្រជាពលរដ្ឋយ៉ាងច្រើនមានការសប្បាយរីករាយចំពោះចំណាត់ការរបស់លោកអភិបាលស្រុកអង្គស្នួល។ យ៉ាងណាមិញ លោក បាន ប៊ុនធឿន ក៏បានទទួលស្គាល់កំហុសនិងយកគ្រឿងចក្រមកកាយអាចម៍ដីឡើងវិញបន្ទាប់ពីមានការសម្របសម្រួលពីអាជ្ញាធរស្រុកអង្គស្នួល។

នៅព្រឹកថ្ងៃទី 29 ខែមិថុនា ឆ្នាំ 2020 នេះ ឯកឧត្តម សៅ សុខា អញ្ជើញដឹកនាំប្រជុំដកពិសោធន៍ក្នុងការប្រារព្ធពិធីខួបលើកទី45 នៅសាលប្រជុំកងរាជអាវុធហត្ថលើផ្ទៃប្រទេស។ ភ្នំពេញ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស និងជាអនុប្រធានប្រចាំការគណ:កម្មការអន្តរក្រសួង ដើម្បីរៀបចំពិធីរំលឹកខួបលើកទី45 នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត នៅតំបន់ប្រវត្តិសាស្រ្តយោធាតេជោ អ៊ិច 16។ នៅក្នុងពិធីនេះក៏មានការអញ្ជើញចូលរួមក្នុងកិច្ចប្រជុំរួមមាន ឯកឧត្តម លោកជំទាវ នាយឧត្តមសេនីយ៍ ឧត្តមសេនីយ៍ វរសេនីយ៍ មកពីក្រសួង ស្ថាប័ន ពាក់ពន្ធ័ ជាច្រើនរូបហើយ កិច្ចប្រជុំផ្តោតលើរបៀបវារ3 ទី1 របាយការណ៍ពីពិសោធន៍ការងាររៀបចំប្រារព្ធពិធីខួបលើកទី45 ទី2 របាយការណ៍ចំណាយ ការរៀបចំខួបលើកទី45 និងទី3 ការចូលរួមមតិយោបល់ ត្រួតពិនិត្យ វាយតម្លៃ ចំណុចចន្លោះប្រហោង ចំណុចខ្វះខាត។

សេចក្ដីជូនដំណឹង របស់ក្រសួងធនធានទឹកនិងឧតុនិយមស្ដីពី ព្រះរាជាណាចក្រកម្ពុជានឹងទទួលរងឥទ្ធិពលពីជ្រលងនៃសម្ពាធទាប ដែលអូសបន្លាយលើភាគខាងជើងប្រទេសថៃឡាវ និងវៀតណាម ដោយភ្ជាប់ទៅនឹងសម្ពាធទាបមួយនៅសមុទ្រចិនខាងត្បូង សម្ពាធទាបនេះនឹងវិវត្តខ្លួនជាបន្តបន្ទាប់ទៅជាព្យុះទី3ដោយមានដំណើរឆ្ពោះទៅកាន់កោះហៃណាំ។

នៅព្រឹក ថ្ងៃអង្គារ ១៤រោច ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី28 ខែមិថុនា ឆ្នាំ2022នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជានឹងអញ្ជើញជាអធិបតីក្នុងអង្គមិទ្ទិញអបអរសាទរខួប 71ឆ្នាំ ថ្ងៃកំណើតបក្សប្រជាជនកម្ពុជា(28មិថុនា 1951-28 មិថុនា 2022)។

នៅព្រឹកថ្ងៃទី 27 ខែមិថុនា ឆ្នាំ 2022 នេះ ឯកឧត្តម ហ៊ុន ម៉ានី អញ្ជើញជាអធិបតីក្នុងជំនួបជាមួយគណៈគ្រប់គ្រង បុគ្គលិក គ្រូឧទ្ទេស និស្សិត និងគរុនិស្សិតនៃវិទ្យាស្ថានជាតិអប់រំ។ រាជធានីភ្នំពេញ : ក្នុងពិធីសំណេះសំណាលបានប្រព្រឹត្តទៅដោយរលូន ជាមួយនឹងការផ្តោះផ្តងនូវមតិ យោបល់ ក្នុងវេទិកាសំណួរនឹងចម្លើយរវាងឯកឧត្តមប្រធានគណៈកម្មការ និង បុគ្គលិក គ្រូឧទ្ទេស និស្សិត និងគរុនិស្សិត វេទិការនេះ បានអនុញ្ញាតឱ្យគណៈកម្មការទី7 ស្វែងយល់ និងក្តាប់បានកាន់តែច្បាស់ពីឱកាស និងបញ្ហាមួយចំនួនដែលជាក្តីកង្វល់ក្នុងវិស័យអប់រំ។ យ៉ាងណាមិញ ឯកឧត្តម ក៏បានជំរុញលើកទឹកចិត្តដល់គរុនិស្សិត ឱ្យបន្តរក្សាស្មារតីលះបង់ដ៏ឧត្តមរបស់ លោកគ្រូ អ្នកគ្រូ គ្រប់ជំនាន់ តាមរយៈការបំពេញតួនាទីភារកិច្ចរបស់ខ្លួន ក្នុងនាមជាមន្រ្តីរាជការ ដោយយកចិត្តទុកដាក់គ្រប់កាលៈទេសៈ និងបរិបទណា ទោះនៅទីជិតឆ្ងាយ ឬនៅជនបទដាច់ស្រយាលក៏ដោយ ដើម្បីអនាគតសិស្សានុសិស្សគ្រប់រូបព្រមទាំងសហគមន៍ និងសង្គមជាតិកម្ពុជា។

នៅថ្ងៃទី 26 ខែ មិថុនា ឆ្នាំ 2022 នេះ អង្គការសមាគមក្រៅរដ្ឋាភិបាលចំនួន10 ចេញសេចក្តីថ្លែងការណ៍រួមគ្នា គាំទ្រលទ្ធផលការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី5 ដែលបានប្រកាសជាផ្លូវការដោយគណៈកម្មាធិការជាតិរៀបចំការបោះឆ្នោត (គ.ជ.ប) គឺបានន័យថាការប្រព្រឹត្តទៅប្រកបដោយលទ្ធិប្រជាធិបតេយ្យ សេរីពហុបក្ស យុត្តិធម៌ តម្លាភាព គ្មានអំពើហិង្សា និងគ្មានការគំរាមកំហែង ។