Month: July 2022

នៅព្រឹកថ្ងៃព្រហស្បតិ៍​ ១៥រោច ខែអាសាឍ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី28 ខែកក្កដា ឆ្នាំ2022នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមកិច្ចប្រជុំរដ្ឋសភា។ សម័យប្រជុំរដ្ឋសភាលើកទី7 នីតិកាលទី6នេះ បានពិភាក្សាលើរបៀបវារៈមួយចំនួនដូចខាងក្រោម៖ 1 – ការសម្រេចអំពីសពុលភាពនៃអាណត្តិរបស់ឯកឧត្តម ចាប ម៉ុង ជាតំណាងរាស្ត្រមណ្ឌលខេត្តកណ្តាល ជំនួសឯកឧត្តមសន្តិបណ្ឌិត ឌុល គឿន ដែលបានទទួលមរណភាព។ 2 – ពិភាក្សានិងអនុម័តសេចក្តីព្រាងច្បាប់ធម្មនុញ្ញស្តីវិសោធនកម្មមាត្រា19ថ្មី (មួយ) មាត្រា89 មាត្រា98ថ្មី មាត្រា102ថ្មី មាត្រា119ថ្មី (មួយ) និងមាត្រា125ថ្មី នៃរដ្ឋធម្មនុញ្ញនិងមាត្រា3ថ្មី និងមាត្រា4ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ។ 3 – ពិភាក្សានិងអនុម័តសេចក្តីព្រាងច្បាប់ស្តីពីការគ្រប់គ្រងចំណូលមិនមែនសារពើពន្ធ។ 4 – ពិភាក្សានិងអនុម័តសេចក្តីព្រាងច្បាប់ស្តីពីការអនុម័តយល់ព្រមលើ៖ 1) កិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលនៃតំបន់សេដ្ឋកិច្ចពិសេសម៉ាកាវ នៃសាធារណរដ្ឋប្រជាមានិតចិន ស្តីពីការលុបបំបាត់ការយកពន្ធត្រួតគ្នាពាក់ព័ន្ធនិងពន្ធលើប្រាក់ចំណូល និងការបង្ការការគេចវេះពន្ធនិងការចៀសវាងពន្ធ 2) […]

ឯកឧត្តម គឹម រិទ្ធី ដែលជាអភិបាលរងខេត្តកណ្ដាល ត្រូវបានតែងតាំងមុខតំណែង ឋារន្តរស័ក ក្រុមមន្ត្រីថ្នាក់លេខ 3 និងជាអភិបាលនៃគណៈអភិបាលខេត្តព្រះវិហារ។

សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹកថ្ងៃទី 28 ខែកក្កដា ឆ្នាំ 2022 នេះ បានអញ្ជើញដឹកនាំសម័យប្រជុំលើកទី7 នីតិកាលទី6 នៃរដ្ឋសភា ដោយលើកយករបៀបវារៈចំនួន5 មកពិភាក្សានិងអនុម័ត។

សេចក្ដីប្រកាសព័ត៌មាន របស់ក្រសួងធនធានទឹក និងឧតុនិយមចាប់ពីថ្ងៃទី 27 រហូតដល់ថ្ងៃទី 2 ខែកក្កដា ឆ្នាំ 2022 នេះ កម្ពុជារងឥទ្ធិពលពីកម្រិតសម្ពាធទាបខ្សោយ និងរងឥទ្ធិពលពីជ្រលងសម្ពាធទាប ប្រព័ន្ធសម្ពាធទាប ( ITCZ ) ដែលស្ថាបភាពបែបនេះ បណ្តាលឲ្យកម្ពុជាអាចមានភ្លៀងក្នុងកម្រិតពីខ្សោយទៅមធ្យម លាយឡំទៅដោយផ្គររន្ទះ និងខ្យល់កន្ត្រាក់ ដូច្នេះបងប្អូនប្រជាពលរដ្ឋត្រូវមានការប្រុងប្រយ័ត្នជានិច្ច។

សេចក្ដីប្រកាសព័ត៌មាន របស់ក្រសួងប្រៃសណីយ៍ និងទូរគមនាគមន៍ ប្រកាសឱ្យបញ្ឈប់ការប្រើប្រាស់ឧបករណ៍បង្កើនកម្លាំងសេវា និង/ ឬឧបករណ៍ពង្រីកសេវា ដែលបង្កផលប៉ះពាល់យ៉ាងខ្លាំងដល់សេវាទូរសព្ទចល័ត ជៀសវាងការប្រឈមមុខនឹងវិធានការច្បាប់។

នៅព្រឹកថ្ងៃទី 25 ខែកក្កដា ឆ្នាំ 2022 នេះ ឯកឧត្តម ស សុខា តំណាងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ជួបសំណេះសំណាលជាមួយគណៈប្រតិភូកីឡា អាស៊ានប៉ារ៉ាហ្គេម ។ នៅក្នុងឱកាសនោះ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ក៏បានប្រគល់ជូននូវថវិការបស់ឯកឧត្តមដល់គណៈប្រតិភូ គ្រូបង្វឹក កីឡាករ កីឡាការិនី ទាំង 26នាក់ ក្នុងម្នាក់ៗ ចំនួន 200ដុល្លារ និងបន្ថែមជូននូវថវិការបស់ឯកឧត្តមស សុខា និងក្រុមគ្រួសារ ចំនួន 500ដុល្លារ ដល់គណៈប្រតិភូ សម្រាប់សម្រួលការចំណាយលើបញ្ហាទូទៅក្នុងអំឡុងពេលស្នាក់នៅ ក៏ដូចជាប្រកួតនៅប្រទេសឥណ្ឌូនេស៊ី លើកទី 11 នៅទីក្រុងសូឡូ។

ឯកឧត្តម ហ៊ុយ វណ្ណៈ តើកោះហៅអ្នកកាសែតធ្វើអ្វីបើច្បាប់ស្តីពីរបបសារព័ត៌មាននៅឯណា? លោក ហ៊ុយ វណ្ណៈ រដ្ឋលេខាធិការក្រសួងមហាផ្ទៃ និងប្រធានសហភាពសហព័ន្ធអ្នកសារព័ត៌មានកម្ពុជា បានលើកឡើងក្នុងហ្វេសបុកផ្លូវការរបស់លោកថា «ខ្ញុំមានការចម្លែកចិត្ត ដែលឃើញមានអង្គភាព និងគណៈកម្មការខ្លះ បានប្រើសិទ្ធិអំណាចចេញដីការជាបន្តបន្ទាប់ កោះហៅអ្នកសារព័ត៌មាន ឬចាងហ្វាងសារព័ត៌មាន ឱ្យទៅបំភ្លឺចំពោះអត្ថបទកាសែតបានចុះផ្សាយ។ តើយើងកំពុងចង់បង្ហាញអ្វី? ការពារផលប្រយោជន៍អ្វី? តើយើងបានយល់ដឹងថាមាន ច្បាប់ស្តីពីរបបសារព័ត៌មានដែរទេ? ហើយតើយើងកំពុងចង់យកច្បាប់នេះទៅទុកឯណា?»។   ការលើកឡើងបែបនេះទំនងជាលោក ហ៊ុយ វណ្ណៈ យល់ឃើញថាអង្គភាព និងគណៈកម្មការខ្លះ បានប្រើសិទ្ធិអំណាចចេញដីការជាបន្តបន្ទាប់ កោះហៅអ្នកសារព័ត៌មាន ដោយមើលរំលងច្បាប់របបសារព័ត៌មាន ដែលជាច្បាប់ពិសេសសម្រាប់យកមកអនុវត្តន៍លើអាជីព និងវិជ្ជាជីវៈអ្នកសារព័ត៌មាន គ្រាដែលការផ្សាយរបស់ពួកគេមិនត្រូវបានមានការទាមទារឱ្យកែតម្រូវចុះផ្សាយស្រាយបំភ្លឺឡើងវិញពីសាមីជនដែលបានខកខានមិនបានចូលរួមបញ្ជាក់នៅក្នុងខ្លឹមសារនៃការផ្សាយកាលពីលេខមុន ដែលអ្នកកាសែតបានព្យាយាម ឬអំពាវនាវរកការស្រាយបំភ្លឺមុនពេលអស់លោកទាំងនោះប្រតិកម្ម។   បើតាមច្បាប់ស្ដីពីរបបសារព័ត៌មាន មាត្រា 10 បានចែងថា ៖ ជនណាម្នាក់ដែលយល់ថាអត្ថបទណាមួយ ទោះជាសរសេរបញ្ឆិតបញ្ឆៀងក៏ដោយ រូបគំនូរ ឬរូបថតណាមួយនៃសារព័ត៌‌មានណាមួយដែលមានលក្ខណៈខុសពីការពិតធ្វើឱ្យខូចខាតដល់កិត្តិយស និងសេចក្តីថៃ្លថ្នូររបស់ខ្លួន មានសិទិ្ធទាមទារអោយសារព័ត៌‌មាននោះធ្វើការកែតម្រូវ ឬមានសិទិ្ធឆ្លើយតប និងធើ្វបណ្តឹងពីបទបរិហាកេរិ៏្ត ពីបទមួលបង្កាច់ ឬពីបទជេរប្រមាថ ចំពោះការប៉ះពាល់កិតិ្តយស និងសេចក្តីថៃ្លថ្នូររបស់ខ្លួន។ ចម្លើយកែតម្រូវ […]

សួស្ដីថ្ងៃនេះមកចូលរួមចូលរៀនវគ្គបណ្ដុះបណ្ដាលស្ដីពីសុវត្ថិភាពនៃការប្រើប្រាស់អ៊ីនធឺណិតសម្រាប់អ្នកកាសែតនៅនៅថ្ងៃទី 21 ខែកក្កដា ឆ្នាំ 2022នេះ នៅសណ្ឋាគារឡឺរ៉ូយ៉ាល់ហើយក៏បានជួបជាមួយនឹងលោក ខៀវ កូឡា ដែលជាអ្នកសារព័ត៌មានជើងចាស់និងរៀមច្បងផងដែរ។

សម្រាប់ថ្ងៃទី 20 ខែកក្កដា ឆ្នាំ 2022 នេះ មានករណីឆ្លងមេរោគកូវីដ 19 ថ្មី ចំនួន13នាក់ ( សុទ្ធតែជាប្រភេទ អូមីក្រុង ) និងមានករណីជាសះស្បើយចំនួន 15នាក់ ហើយគ្មានករណីស្លាប់ថ្មីនោះទេ។

តើពិតទេច្រកប៉ោយប៉ែតត្រូវបានប្រជាពលរដ្ឋ រអ៊ូរទាំ រឿងប៉ាស្ព័រ បរិផាស អស់លុយច្រើន។ (បន្ទាយមានជ័យ)៖ប្រជាព​ល​រដ្ឋដែលធ្វើដំណើរ​ចេញចូលក្នុងទឹកដីថៃទាំងទេ​សចរណ៍ និងអាជីវករ​បាន​សម្តែងការហូសចិត្តទៅ​លើម​ន្ត្រីអន្តោប្រវេ​សន៍ច្រកទ្វា​អន្តរ​ជា​តិ​ប៉ោយប៉ែត ដែល​បានយកលុយ​តាម​ការនឹ​កឃើញ​ ទៅលើកា​របំពេញបែបបទ​ផ្សេងៗ​ ទាំង​ប៉ាស្ព័រ បរិ​ផាស ​។យ៉ា​ណាមិញដូ​ចជាប៉ា​ស្ព័រ​ចេញចូ​លតម្រូវ​ឲ្យបង់​លុយក្នុង1នាក់100បាត(ប្រាក់ថៃ) បើ​ពលរដ្ឋមាន​ការតវ៉ា​ប្រើពាក្យ​មនោ​ស​ច្ចេត​នា ​សុំថ្លៃ​ការហ្វេ គុយទាវ​ ​។ចំ​ណែកបរិផា​សវិញចូ​លប្រថាប់ត្រា​ជា​លើដំបូង​(ថ្មី)គឺ​តម្រូវ​ឲ្យ​បង់​លុយ​​ក្នុង​មួយនា​ក់(1ក្បាល) 100បាត​(ប្រាក់ថៃ​) ​ប្រថា​​ប់ត្រាលើ​កទី​2 យយក50បាត ចូល​ស្នាក់​នៅ​បា​ន​តែ2យប់ 3ថ្ងៃតែប៉ុណ្ណោះ​ សូមជំរា​បផងដែ​រថាកា​រ យក50បាត​នេះ​ ដោយ​សារ​តែ​មាន​ការ​រើបំ​រាស​តវ៉ា​ពីប្រជា​ព​លរដ្ឋ បើពុំដូច្នេះ​ទេគេ​នឹង​យក​រហូតទៅ​ដល់70បាតឯណ្ណោះ ។   សូមបញ្ជាក់ផ​ងដែរថា តាមសេចក្តីរាយ​ការណ៍បាន​ឲ្យដឹង​ថា កាល​ពីថ្មីៗនេះ​ ប្រជាព​លរដ្ឋថៃ បានលើកគ្នាតវ៉ានៅអគ្គកុង​សុលកម្ពុ​ជាប្រចាំខេត្តស្រះកែវ ប្រទេ​សថៃ ​ឲ្យជួយ​សម្រួល​ពាក់ព័ន្ធទៅនឹង​ការ​ចេញចូលបំពេញបែ​បបទ ត្រូវ​បាន​មន្ត្រីច្រកទ្វាអន្ត​រជាតិ​ប៉ោយប៉ែត(ខាងកម្ពុជា) យ​កលុយពី​ពួកគេ​រហូតទៅ​ដដល់200បាតឯណ្ណោះ រីឯកា​រស្នាក់នៅវិញ​បានតែ2យប់ 3ថ្ងៃដូច​ពលរដ្ឋខ្មែរ​ដែរ តែ​ក្រោ​យមកក៏ស្រាប់តែមា​នការសម្របសម្រួល រហូត​ទទួលបានជោគជ័យ ពោលគឺសម្រាប់ពល​រដ្ឋថៃ ស្នាក់​នៅខាងកម្ពុជាបានរ​យះពេល1សប្តាហ៏ ទាំង​នេះសបញ្ជាក់​ឲ្យឃើញថា កា​របំ​ពេញបែ​បបទ​ចេញ​ចូល​ហាក់បី​ដូចជាគ្មាន​ស្មើភាពគ្នា​រវាងប្រជាជនកម្ពុជានិ​ងថៃ។   គួរម្លឹកផង​ដែរថា ការមិនទាន់មានជំ​ងឺកូវីដ សម្រា​ប់ការប្រថាប់ត្រាបរិ​ផាស​សម្រា​ប់ប្រ​ជាពលរដ្ឋ​ខ្មែរ​ចូល​ស្នាក់នៅ​ក្នុងទឹកដី​ថៃ​ បាន​មួយ​ខេត្ត​រយះ​ពេពេ1សប្តាហ៍​ឯណ្ណោះ តែបច្ចុប្បន្ន​ននេះបា​ន តែ2យប់ 3ថ្ងៃតែ​ប៉ុណ្ណោះ​ ធ្វើ​ឲ្យពួកគាត់ជួប​ការលំបាក​ ព្រោះថាចំណាយលុយច្រើន ​ភ្លេចខ្លួន​ដល់ថ្ងៃ​ចេញមក​ប្រថាប់ត្រា( […]