Month: December 2022

Update៖ នៅព្រឹកថ្ងៃទី 30 ខែធ្នូ ឆ្នាំ 2022 នេះ ក្រុមអ្នករុករក កម្ពុជា-ថៃ បានរកឃើញសាកសពជនរងគ្រោះក្នុងករណីឆាបឆេះអគារកាស៊ីណូ នៅក្រុងប៉ោយប៉ែត ខេត្តបន្ទាយមានជ័យចំនួន 3នាក់បន្ថែមទៀត ហើយនៅយប់ថ្ងៃទី 29 ខែធ្នូ ឆ្នាំ 2022 នេះ សរុបអ្នកស្លាប់មានចំនួន 14 នាក់និងអ្នករងរបួសចំនួន 84 នាក់ (របួសស្រាល 61 នាក់)។ #dolynews

មនុស្សយ៉ាងតិច 10 នាក់ស្លាប់ និង 30 នាក់ទៀតរងរបួសដោយសារការឆាប់ឆេះយ៉ាងសន្ធូរសន្ធៅក្នុងកាស៊ីណូក្រុងប៉ោយប៉ែត។ គិតរហូតមកត្រឹមព្រឹកថ្ងៃទី 29 ខែធ្នូ ឆ្នាំ 2022 នេះ អគ្គីភ័យនៅមិនទាន់រលត់នៅឡើយទេ។ដោយកម្លាំងសមត្ថកិច្ចកំពុងធ្វើការបាញ់ទឹកពន្លត់ក្រោមការបញ្ជាផ្ទាល់ដោយ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោកឧត្តមសេនីយ៍ទោ សិទ្ធិ ឡោះ ដោយប្រើប្រាស់កម្លាំងសរុបចំនួន 360 នាក់ រថយន្តពន្លត់អគ្គីភ័យចំនួន 11 គ្រឿង និងរត់រថយន្តសម្រាប់ដឹកជនរងគ្រោះដែលស្លាប់ចំនួន 10 នាក់ និងរងរបួសជាង 30 នាក់។ #dolynews

មកទល់វេលាព្រឹក ថ្ងៃទី29 ខែធ្នូ ឆ្នាំ2022នេះ ករណីអគ្គិភ័យឆាបឆេះអគារកាស៊ីណូឈ្មោះ Grand Diamond City នៅក្រុងប៉ោយប៉ែត ខេត្តបន្ទាយមានជ័យ នៅមិនទាន់រលត់នៅឡើយទេ។ដោយមានការចូលរួមពីកម្លាំងឧទ្ធម្ភាគចក្រដើម្បីជួយសង្គ្រោះពលរដ្ឋដែលជាប់នៅលើអគារកាស៊ីណូនៅខណៈនេះ កម្លាំងអន្តរាគមន៍បង្ការពន្លត់អគ្គិភ័យ គណៈកម្មាធិការជាតិគ្រប់គ្រងគ្រោះមហន្តរាយ, អាជ្ញាធរដែនដី កំពុងអន្តរាគមន៍ពន្លត់ និងជួយសង្គ្រោះជនរងគ្រោះក្នុងហេតុការណ៍ដ៏អាក្រក់នោះ។ #dolynews

សេចក្តីជូនដំណឹង របស់ក្រសួងវប្បធម៌និងវិចិត្រសិល្បៈ ស្តីពី ករណីវាយកម្ទេចកុដិបុរាណចំនួន3 ក្នុងបរិវេណវត្តឧណ្ណាលោម ដូចតទៅ។ #dolynews

សេចក្ដីជូនដំណឹង របស់ក្រសួងអប់រំយុវជននិងកីឡា បានសម្រេចលើកថ្ងៃប្រកាសលទ្ធផលប្រឡងសញ្ញាបត្រ ទុតិយភូមិ ឬបាក់ឌុប សម័យប្រឡងថ្ងៃទី 5 ខែធ្នូ ឆ្នាំ 2022 នៅរសៀលថ្ងៃទី 22 ខែធ្នូ វិញ សម្រាប់រាជធានីភ្នំពេញ និងខេត្តកណ្ដាល និងនៅព្រឹកថ្ងៃទី 23 ខែធ្នូសម្រាប់បណ្ដាខេត្តផ្សេងៗទៀត។ #dolynews

សេចក្ដីជូនដំណឹង របស់ក្រសួងពាណិជ្ជកម្មស្ដីពី តម្លៃប្រេងចាប់ពីថ្ងៃទី 21 រហូតដល់ថ្ងៃទី 31 ខែធ្នូ ឆ្នាំ 2022 នេះ សម្រាប់សាំងធម្មតា EA92 ត្រូវលក់ក្នុងតម្លៃ 4,050 រៀល (ចុះ 50 រៀល) និង 4,500 រៀល/ក្នុង1លីត្រសម្រាប់ប្រេងម៉ាស៊ូត DO 50ppm (ឡើង 50 រៀល)។ #dolynews

ឯកឧត្តម សៅ សុខា អញ្ជើញចុះត្រួតពិនិត្យទីតាំងដីក្នុងតំបន់2 និងតំបន់3 ។ ខេត្តកំពង់ឆ្នាំង ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញចូលរួមក្នុងកិច្ចប្រជុំ ស្តីពីការចុះពិនិត្យទីតាំងដីដែលរដ្ឋបាលខេត្តស្នើសុំកែសម្រួលតំបន់2 និងតំបន់3 នៃតំបន់ទន្លេសាបក្នុងភូមិសាស្ត្រខេត្តកំពង់ឆ្នាំង កិច្ចប្រជុំនេះក្រោមអធិបតីភាព ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ ដោយមានការចូលរួមពីក្រសួងស្ថាប័នដែលមានការពាក់ព័ន្ធជាច្រើនរូបផងដែរ។ #dolynews

នៅព្រឹកនេះដែរសម្ដេចអគ្គមហាសេនាបតីតេជោ ហ៊ុន សែន បានមានប្រសាសន៍ថា រយៈពេលប្រមាណ4ខែដែលភរិយាមិនបានដើរជាមួយប្តី។ថ្ងៃនេះចេញមុខចូលរួមរៀបការកូនឯកឧត្តម គន់ គីម។

នៅព្រឹកថ្ងៃទី 16 ខែធ្នូ ឆ្នាំ 2022 នេះ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យអគារទីចាត់ការវិទ្យាស្ថាន ដែលបានសាងសង់រួចរាល់ ១០០% ស្ថិតក្នុងខណ្ឌកំបូល រាជធានីភ្នំពេញ។ #dolynews

សេចក្ដីប្រកាស របស់ក្រសួងធនធានទឹក និងឧតុនិយមចាប់ ពីថ្ងៃទី18 រហូតដល់ថ្ងៃទី 20 ខែធ្នូ ឆ្នាំ2022នេះ អាកាសធាតុអាចចុះត្រជាក់ខ្លាំង ជាពិសេសបណ្តាខេត្តនៅតំបន់ភ្នំ និងជាប់ជួរភ្នំដងរែក និងខ្ពង់រាបភាគឦសាននៃប្រទេសកម្ពុជា ដូច្នេះសូមបងប្អូនមានការប្រុងប្រយ័ត្ន។ #dolynews