គិតមកត្រឹមថ្ងៃទី 30 ខែវិច្ឆិកា ឆ្នាំ 2020 ត្រឹមម៉ោង 14:00 រសៀល អ្នកពុលស្រាសរុបចំនួន 131 នាក់ ស្រី 6 នាក់អ្នកជាសះស្បើយចំនួន 90 នាក់ កំពុងសម្រាកព្យាបាលនៅមន្ទីរពេទ្យខេត្ត កំពង់ឆ្នាំង បុរសចំនួន 31 នាក់ សម្រាប់អ្នកព្យាបាលនៅមន្ទីរពេទ្យ កាលម៉ែត្រមកចំនួន 3 នាក់ នឹងអ្នកស្លាប់ចំនួន 7 នាក់ នៅមន្ទីរពេទ្យខេត្ត 2នាក់ ស្លាប់ ពេលបញ្ជូនទៅភ្នំពេញ 2អ្នក ហេីយស្លាប់នៅផ្ទះ 2នាក់ និងស្លាប់នៅមន្ទីរពេទ្យ កាល់ម៉ែត្រ1នាក់។
នៅរសៀលថ្ងៃព្រហស្បតិ៍ទី 26 ខែវិច្ឆិកា ឆ្នាំ 2020 នេះឯកឧត្តម នាយឧត្តមសេនីយ៍ សន្តិបណ្ឌិត នេត សាវឿនអគ្គស្នងការនគរបាលជាតិនិងឯកឧត្តម បណ្ឌិត ថោងខុនរដ្ឋមន្ត្រី ក្រសួងទេសចរណ៍ អញ្ជើញជាអធិបតីក្នុងពិធីប្រគល់និងទទួលរថយន្តពន្លត់អគ្គីភ័យចំនួន 12 គ្រឿងដែលជាជំនួយដ៏ថ្លៃថ្លារបស់រដ្ឋបាលខេត្ត ឃ្យុងគី នៃសាធារណរដ្ឋ កូរ៉េនៅអគ្គស្នងការ នគរបាលជាតិ។
តើអ្នកយល់អារម្មណ៍មួយនេះទេ ? (កូនគេកូនយើង ) ក្មេងស្រីដែលត្រូវបានស្ត្រីចិត្តដៃឆៅ ឆូតមុខបានសួរទៅម៉ាក់ថា ម៉ាក់មុខអូនពេលណាស្អាតដូចមុនវិញ ម៉ាក់ឆ្លើយមិនរួចបានត្រឹមតែស្រក់ទឹកភ្នែកព្រោះម៉ាក់ក៏មិនដឹងថាពេលណាដែរឲ្យម៉ាក់សុំទោសដែលមើលថែកូនមិនបានល្អគ្មានថ្ងៃណាដែលម៉ាក់មិនយំអាណិតកូនទេ។ ចំណែកស្រីចិត្តឆៅ ដែលយកកាំបិតវះមុខក្មេងស្រីអាយុ 5 ឆ្នាំយ៉ាងឃោរឃៅនៅបុរីពិភពថ្មី ឈូកវ៉ា 2 សង្កាត់ សំរោងក្រោមខណ្ឌ ពោធិ៍សែនជ័យ រាជធានី ភ្នំពេញ នៅពេលនេះត្រូវបានតុលាការសាលាដំបូង រាជធានី ភ្នំពេញ សម្រេចផ្តន្ទាទោសដាក់ពន្ធនាគាររយៈពេល 12ឆ្នាំ ពីបទទារុណកម្មនិងអំពើឃោរឃៅមានស្ថានភាពទម្ងន់ទោស បើតាមមន្ត្រីតុលាការ កាលពីថ្ងៃទី 25 ខែវិច្ឆិកា ឆ្នាំ 2020។
ភ្នំពេញ : នៅព្រឹកថ្ងៃទី 23 ខែវិច្ឆិកា ឆ្នាំ 2020 នេះ ឯកឧត្តមនាយឧត្តមសេនីយ៍ សៅ សុខា ប្រជុំរៀបចំបូកសរុបលទ្ធផលការងារឆ្នាំ 2020 និងទិសដៅឆ្នាំ 2021 នៅបញ្ជាការដ្ឋានកងរាជអាវុធហត្ថលើផ្ទៃប្រទេស ។ អញ្ជើញចូលរួមក្នុងកិច្ចប្រជុំនេះមានឧត្តមសេនីយ៍នាយសេនាធិការ នាយរងការិយាល័យ ឧត្តមសេនីយ៍ស្នងការស្នងការដ្ឋាន ឧត្តមសេនីយ៍ នាយខុទ្ទកាល័យ វិរៈសេនីយ៏នាយការិយាល័យ។
សេចក្ដីជូនដំណឹង: សម្ដេច តេជោ ហ៊ុន សែន ប្រកាសដល់អភិបាល រាជធានី ខេត្ត ទាំងអស់ពីការបិទបញ្ចប់ព្រឹត្តិការណ៍ 3 វិច្ឆិកា ដោយតម្រូវឲ្យក្រសួងអប់រំ យុវជន និងកីឡា បេីកសាលារៀនឡើងវិញនៅថ្ងៃទី 23 ខែវិច្ឆិកាខាងមុខ បើកឲ្យដំណើរការពហុកីឡាដ្ឋានជាតិអូឡាំពិច ព្រមទាំងធ្វើឲ្យសភាពការណ៍គ្រប់ផ្នែក គ្រប់វិស័យ វិលទៅរកភាពប្រក្រតីដូចមុនថ្ងៃទី 3 វិច្ឆិកា ឡើងវិញ ការប្រយុទ្ធប្រឆាំងកូវីដ19 នៅតែជាអាទិភាពនៃការងារ របស់យើងទាំងអស់គ្នាដដែល។
ភ្នំពេញ: ការប្រយុទ្ធប្រឆាំងគ្រឿងញៀនខុសច្បាប់ទូទាំងប្រទេសនៅថ្ងៃទី 18 ខែវិច្ឆិកា ឆ្នាំ 2020 នេះ បានបង្ហាញថាកម្លាំងសមត្ថកិច្ចបានបង្ក្រាប បាន 62 ករណី ក្នុងនោះករណីប្រើប្រាស់ចំនួន 24 ករណី នឹងករណីជួញដូរ 38 ករណី នឹងឃាត់ខ្លួនជនសង្ស័យបានចំនួន 132 នាក់ នេះបើគិតតាមរបាយការណ៍ចាប់ពីថ្ងៃទី 1 មករា ដល់ថ្ងៃទី 18 វិច្ឆិកា ឆ្នាំ 2020 សរុបទាំងអស់មានចំនួន 9303ករណី ឃាត់មនុស្សបាន 18952ដោយឡែក ស្រីចំនួន 1181 អ្នក។
សមិទ្ធផល ឆ្នាំ 2023 គឺជាពេលវេលាដ៏សំខាន់មួយនៅក្នុងមាគ៌ារីកចម្រើនរបស់ប្រទេសកម្ពុជា ដើម្បីដំណើរការព្រឹត្តិការណ៍ស៊ីហ្គេមឆ្នាំ 2023 ហើយនិងអាកាសយានដ្ឋានអន្តរជាតិភ្នំពេញថ្មី និងចាប់បញ្ចប់នៅឆ្នាំ 2023 ដែរ ។ ក្នុងពេលជាមួយគ្នានេះរាជរដ្ឋាភិបាលកម្ពុជាក៏ ចាប់ផ្ដើមសាងសង់ផ្លូវ ហាណូយ ពីព្រលានយន្តហោះ រហូតដល់កណ្ដាលទីក្រុង គម្រោងសាងសង់ផ្លូវភ្ជាប់ក្រវាត់ក្រុងទី 3 និងទី 4 នៃរាជធានី ភ្នំពេញ អាចបំពេញតម្រូវការដល់ភ្ញៀវទេសចរមួយចំនួនធំដែលមកមើលការប្រកួតកីឡាអន្តរជាតិទន្ទឹមគ្នានោះដែរក៏ជួយដល់ភ្ញៀវទេសចរណ៍និងអ្នកជំនួញធ្វើដំណើរពីព្រលានយន្តហោះ ទៅកាន់ទីក្រុងបានយ៉ាងងាយស្រួលផងដែរ។ ហើយកម្ពុជាក៏បង្ហាញមុខមាត់នៅលើឆាកអន្តរជាតិ ពីភាពខ្លាំងរបស់ខ្លួននិងបង្វែរមុខមាត់របស់ខ្លួនទៅកាន់ពិភពលោកឡើងវិញសូមកុំភ្លេចថារាជរដ្ឋាភិបាលកម្ពុជាមានវិស័យឯកជនបានចូលរួមវិនិយោគទុនរាប់ពាន់លានដុល្លារដើម្បីអភិវឌ្ឍគម្រោងវិស័យធំៗនៅកម្ពុជា។
សាររបស់ សម្ដេច អគ្គមហាសេនាបតី តេជោ ហ៊ុន សែន នៅព្រឹកថ្ងៃទី 14 ខែវិច្ឆិកា ឆ្នាំ 2020 នេះក្រុមគ្រូពេទ្យបានយកសំណាកទៅធ្វើតេស្តជាលើកទី 3។ ជាលទ្ធផលទាំងខ្ញុំនឹងភរិយា ក៏ដូចជាបងប្អូននៅជុំវិញគឺអវិជ្ជមានកូវីដ19 ទាំងអស់។ ខ្ញុំកំពុងរង់ចាំលទ្ធផលនៃការធ្វើតេស្តរបស់បងប្អូនផ្សេងទៀតដែលពាក់ព័ន្ធជាមួយព្រឹត្តិការណ៍ 3 វិច្ឆិកា ហើយសង្ឃឹមថាលទ្ធផលនឹងអវិជ្ជមានទាំងអស់គ្នា។ ទោះយ៉ាងណាក៏ដោយខ្ញុំនឹងបន្តធ្វើចត្តាឡីស័ក រហូតដល់ថ្ងៃទី 18 ខែវិច្ឆិកា ដែលនឹងត្រូវធ្វើតេស្តលើកទី 4 និងជាលើកចុងក្រោយ ដែលខ្ញុំសង្ឃឹមថានឹងមានលទ្ធផលអវិជ្ជមានទាំងខ្ញុំនិងភរិយាព្រមទាំងបងប្អូនប្រមាណ 900 នាក់ដែលធ្វើចត្តាឡីស័កក្នុងពេលជាមួយគ្នាពីថ្ងៃទី 4 វិច្ឆិកា ឆ្នាំ 2020 ដែលនឹងធ្វើឲ្យការព្រួយបារម្ភអំពីកូវីដ19 ត្រូវបានកាត់បន្ថយនៅក្នុង រាជធានីភ្នំពេញ និងខេត្ត កណ្ដាល ដែរនិងអាចឈានទៅបើកសាលារៀនឡើងវិញសម្រាប់ការសិក្សារបស់កូនចៅយើង។ ខ្ញុំនិងភរិយាសូមថ្លែងអំណរគុណចំពោះបងប្អូនជនរួមជាតិដែលបារម្ភអំពីសុខភាពនិងជូនពរដល់ខ្ញុំនិងភរិយា។