សេចក្ដីប្រកាសព័ត៌មាន របស់អ្នកនាំពាក្យនៃអគ្គស្នងការដ្ឋាននគរបាលជាតិ បន្ទាប់ពីសមត្ថកិច្ចនៃអគ្គស្នងការនគរបាលជាតិបញ្ចប់ការស្រាវជ្រាវស៊ើបអង្កេតលើករណីដែលបានចោទប្រកាន់ថា មានការចាប់បង្ខាំងជនជាតិចិនធ្វើជាទាសករលក់ឈាម នៅតំបន់អូរត្រេះ ខេត្តព្រះសីហនុរួចមក ជាលទ្ធផលបង្ហាញថាការលើកឡើងនោះគឺជាការប្រឌិតព័ត៌មានដើម្បីបង្កចលាចលសង្គម។ ដោយឡែកជនសង្ស័យ និងអ្នកពាក់ព័ន្ធត្រូវបានសមត្ថកិច្ចឃាត់ខ្លួនបញ្ជូនទៅតុលាការចាត់ការតាមផ្លូវច្បាប់។
សេចក្ដីជូនដំណឹង របស់ក្រសួងសាធារណការ និងដឹកជញ្ជូនប្រកាសពីការងារពង្រីក និងជួសជុលផ្លូវជាតិលេខ4 ចាប់ពីឃុំបែកចាន ស្រុកអង្គស្នួល ខេត្តកណ្តាល រហូតដល់ឃុំបិតត្រាំង ស្រុកព្រៃនប់ ខេត្តព្រះសីហនុ ដោយប្រើរយៈពេល5ឆ្នាំ (ខែធ្នូ 2021-ខែធ្នូ2026) ដែលមានការងារពង្រីកស្ពាន និងលូចំនួន 46ទីតាំង ស្ថាបនាស្ពានថ្មីចំនួន 8ទីតាំង និងពង្រីងផ្លូវកៅស៊ូពី 7ម៉ែត្រទៅ10ម៉ែត្រ។
📣📣📣សេចក្តីជូនព័ត៌មាន 1- បន្ថែមលើព័ត៌មានដែលបានជំរាបជូនកាលពីថ្ងៃទី 25 កុម្ភះ ហើយនិងព្រឹក និងរសៀល ថ្ងៃទី 26 កុម្ភះ ខ្ញុំសូមជំរាបជូនថា ស្ថានទូតយើងប្រចាំនៅប្រទេសរុស្សី បានរក្សាទំនាក់ទំនងជាប់ជាមួយក្រុមអតីតនិស្សិតកម្ពុជាទាំងចំនួន23 នាក់ដែលកំពុងរស់នៅជាមួយក្រុមគ្រួសាររបស់ពួកគេនៅប្រទេសអ៊ុយក្រែន ។ 2- តាមព័ត៌មានដែលស្ថានទូតទទួលបាន នៅថ្ងៃទី 27 កុម្ភះ ពួកគាត់ទាំងអស់គ្នា មានសុវត្ថភាពជាធម្មតាទេ ។ ពួកគាត់ក៏បានអោយដឹងផងដែរថា បុរសអ៊ុយក្រែនអាយុពី 18ឆ្នាំ ទៅ 60ឆ្នាំ មិនអាចចេញពីប្រទេសបានទេ ដោយត្រូវនៅជួយការពារប្រទេស។ ភ្នំពេញ ថ្ងៃទី 28 ខែកុម្ភះ ឆ្នាំ2022 អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ជុំ សុន្ទរី
នៅព្រឹកថ្ងៃទី 28 ខែកុម្ភៈ ឆ្នាំ 2022 នេះ ឯកឧត្តមទេសរដ្ឋមន្រ្តី លី ធុជ អនុប្រធានទី1 តំណាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងជាប្រធានអាជ្ញាធរមីន បានអញ្ជើញប្រកាសខេត្តកែប ជាខេត្តទី1ដែលអស់មីន។ ឯកឧត្តមបញ្ជាក់ថា កម្ពុជាគ្រោងប្រកាសរាជធានី/ខេត្តចំចំនួន7ទៀត ដែលអស់មីនជាបន្តបន្ទាប់ក្នុងឆ្នាំ2022 រួមមាន ខេត្តព្រៃវែង ខេត្តកណ្តាល ភ្នំពេញ ខេត្តកំពង់ចាម ខេត្តព្រះសីហនុ ខេត្តរតនគិរី និងខេត្តតាកែវ។
គិតត្រឹមថ្ងៃទី27 ខែកុម្ភៈ ឆ្នាំ2022នេះ កំណើនអត្រានៃការចាក់វ៉ាក់សាំង covid-19 នៅកម្ពុជា។ -លើប្រជាជនអាយុពី 18ឆ្នាំឡើងមាន 102,39% ធៀបជាមួយចំនួនប្រជាជនគោលដៅ 10លាននាក់ -លើកុមារ-យុវវ័យអាយុពី 12ឆ្នាំ ទៅក្រោម 18ឆ្នាំ មាន 99,88% ធៀបជាមួយចំនួនប្រជាជនគោលដៅ 1,827,348 នាក់ -លើកុមារអាយុពី 6ឆ្នាំ ដល់ក្រោម 12ឆ្នាំ មាន 106,77% ធៀបជាមួយនឹងប្រជាជនគោលដៅ 1,897,382នាក់ -លើកុមារអាយុ 5ឆ្នាំ មាន 114,39% ធៀបជាមួយនឹងប្រជាជនគោលដៅ304,317 នាក់ -លើកុមារអាយុ 3ឆ្នាំ ដល់ក្រោម 5ឆ្នាំ មាន 20,57% ធៀបជាមួយនឹងប្រជាជនគោលដៅ 610,710នាក់ -លទ្ធផលចាក់វ៉ាក់សាំងធៀបនឹងចំនួនប្រជាជនសរុប 16លាននាក់ មាន 91,02% ៕
សារលិខិតរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានកិត្តិយសនៃគណៈ កម្មាធិការជាតិវាយតម្លៃទីក្រុងស្អាត នាឱកាសទិវាជាតិទីក្រុងស្អាតលើកទី 10 ក្រោមប្រធានបទ «ទីក្រុងស្អាត គាំទ្រការបើកទេសចរណ៍កម្ពុជា» អមជាមួយការប្រកាសយុទ្ធនាការ «កម្ពុជាស្អាត» ឆ្ពោះទៅស្វាគមន៍ព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ2023 (SEA Games 2023)។
នៅថ្ងៃទី 1 ខែមីនាឆ្នាំ 2022 នេះ រដ្ឋបាលក្រុងប៉ោយប៉ែត ខេត្តបន្ទាយមានជ័យ ប្រកាសផ្អាកការធ្វើចរាចរាចរ ចំពោះរថយន្តដឹកទំនិញគ្រប់ប្រភេទជាបណ្តោះអាសន្ន ក្នុងពិធីសម្ពោធដាក់ឲ្យប្រើប្រាស់ជាផ្លូវការអគារទីស្នាក់ការច្រកទ្វារអន្តរជាតិប៉ោយប៉ែត(ថ្មី) ក្រោមអធិបតីភាពសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។