Month: August 2021

មនុស្សចំនួន 92 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 30 ខែសីហា ឆ្នាំ 2021 នេះ ស្ថិតក្នុងខេត្តត្បូងឃ្មុំ ហើយក៏មានករណីជាសះស្បើយចំនួន 25 នាក់ផងដែរ។

នៅរសៀលថ្ងៃទី 31 ខែសីហា ឆ្នាំ 2021 នេះ ឯកឧត្តម គង់ សោភ័ណ្ឌ ស្នើដល់អភិបាលក្រុង-ស្រុកទាំងអស់ ត្រូវចុះពិនិត្យ និងរៀបចំសាលារៀននៅតាមមូលដ្ឋានស្រុក-ក្រុងរៀងៗខ្លួន ដើម្បីត្រៀមបើកសាលារៀនឡើងវិញ។ ឯកឧត្តម គង់ សោភ័ណ្ឌ អភិបាលខេត្តកណ្ដាល បន្តថា អនុវត្តតាមអនុសាសន៍របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឲ្យអភិបាលរាជធានី-ខេត្តត្រូវត្រៀមរៀបចំបើកសាលារៀនឡើងវិញ នៅតំបន់ដែលគ្មានការឆ្លង និងមានការឆ្លងចំនួនតិច នៃជំងឺកូវីដ19 ដូច្នេះអភិបាលក្រុង-ស្រុកទាំងអស់ ត្រូវចុះរៀបចំឡើងវិញនៅហេដ្ឋារចនាសម្ព័ន្ធ នៅក្នុងសាលារៀនទាំងអស់ ក្នុងភូមិសាស្ត្រក្រុង-ស្រុករបស់ខ្លួន ពិសេសកន្លងមកសាលារៀនមួយចំនួន ត្រូវបានយកធ្វើជាកន្លែងសម្រាប់ចត្តាឡីស័ក និងជាកន្លែងសម្រាប់ព្យាបាលអ្នកជំងឺកូវីដ19 ត្រូវរៀបចំឱ្យបានស្អាតឡើងវិញ។ ជាងនេះទៀត ឯកឧត្តម អភិបាលខេត្តកណ្ដាល បានជំរុញដល់អភិបាលក្រុង-ស្រុក និងមន្ទីរពាក់ព័ន្ធ ត្រូវបន្តអប់រំ និងផ្សព្វផ្សាយជូនប្រជាពលរដ្ឋ ត្រូវរៀនរស់នៅតាមបែបគន្លងថ្មី ដោយអនុវត្តន៍តាមវិធានការរបស់ក្រសួងសុខាភិបាល ពិសេសប្រសាសន៍ដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែរជាយ័ន្តដ៏ស័ក្ដិសិទ្ធិ គឺ( 3ការពារ និង 3កុំ ) […]

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ទទួលជួបលោក អគ្គនាយកសាខា ក្រុមហ៊ុនសាមសុង ប្រចាំកម្ពុជា។ ក្នុងឱកាសអញ្ជេីញចូលជួបសំដែងការគួរសមជាមួយ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន នៅព្រឹកថ្ងៃទី31 ខែសីហា ឆ្នាំ2021 លោក Hgung Geun Lee អគ្គនាយកសាខាថ្មី ក្រុមហ៊ុនសាមសុង ប្រចាំកម្ពុជា បាននាំយកនូវផលិតផលចុងក្រោយគេបង្អស់ជាទូរសព្ទ័ប្រភទថ្មី Galaxy Z Fold 3 ជូន ដល់ក្រសួងព័ត៌មាន ធ្វេីការសាកល្បងប្រេីប្រាស់ ។ លោក Hgung Geun Lee បានជម្រាបជូនថា ក្រុមហ៊ុនសាមសុង បាន ធ្វើការផលិត ទូរសព្ទ័ប្រភេទថ្មីនេះ ដែលជាបច្ចេកវិទ្យាចុងក្រោយ របស់ក្រុមហ៊ុនបានរចនាឡេីងប្រកបដោយគុណភាពខ្ពស់ និងមានភាពលឿនរហ័ស ច្បាស់ជាងមុន បេីតាមការបញ្ចាក់របស់ លោក អគ្គនាយកថ្មី ក្រុមហ៊ុន សាមសុង ប្រចាំកម្ពុជាបានអោយដឹងថាទូរសព្ទ័ប្រភទថ្មី Galaxy Z Fold […]

សម្ដេចអគ្គមហាសេនាបតី តេជោ ហ៊ុន សែន រាជរដ្ឋាភិបាល ចេញអនុក្រឹត្យស្តីពី ការបង្កើតសង្កាត់ចំនួន2បន្ថែមទៀត ក្នុងក្រុងប៉ោយប៉ែត នៃខេត្តបន្ទាយមានជ័យ ! 1. សង្កាត់អូរជ្រៅ កាត់ភូមិចំនួន7ភូមិ ពីសង្កាត់ប៉ោយប៉ែត រួមមាន ភូមិអូរជ្រៅ ភូមិក្បាលកោះ ភូមិក្បាលស្ពាន1 ភូមិក្បាលស្ពាន2 ភូមិសាមគ្គីមានជ័យ ភូមិព្រៃព្រិច និងភូមិប៉ោយប៉ែត ព្រមទាំងកំណត់ទីតាំងសាលាសង្កាត់អូរជ្រៅត្រូវស្ថិតក្នុងភូមិព្រៃព្រិច។ 2. សង្កាត់អូរឬស្សី កាត់ភូមិចំនួន5 ពីសង្កាត់ផ្សារកណ្តាល រួមមាន ភូមិអូរឬស្សី ភូមិប្រជាធម្មកើត ភូមិទួលពង្រ ភូមិអូរនាង និងភូមិព្រៃគប់ ព្រមទាំងកំណត់ទីតាំងសាលាសង្កាត់អូរឬស្សីត្រូវស្ថិតក្នុងភូមិទួលពង្រ។

សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា ចេញអនុក្រឹត្យស្តីពីការបង្កើត ឃុំយាយម៉ៅពេជ្រនិល ក្នុងស្រុកភ្នំស្រួច ខេត្តកំពង់ស្ពឺ។

មនុស្សចំនួន 38 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 30 ខែសីហា ឆ្នាំ 2021 នេះ ស្ថិតក្នុងខេត្តកំពង់ចាមហើយក៏មានករណីជាសះស្បើយចំនួន 32 នាក់ ផងដែរ ។ ក្នុងនោះ ស្រុកកំពង់សៀម 3នាក់ ស្រុកកងមាស 1នាក់ ស្រុកចំការលើ 3នាក់ ស្រុកជើងព្រៃ 6នាក់ ស្រុកព្រៃឈរ 1នាក់ ស្រុកស្ទឹងត្រង់ 2នាក់ មកពីខេត្តកំពត 1នាក់ ខេត្តត្បូងឃ្មុំ 10នាក់ ខេត្តកំពង់ស្ពឺ 10នាក់ និងខេត្តសៀមរាប 1នាក់។

រាជរដ្ឋាភិបាលកម្ពុជា ចេញអនុក្រឹត្យស្ដីពីការកែសម្រួលព្រំប្រទល់រដ្ឋបាលរវាងឃុំបឹងល្វា ជាមួយឃុំកំពង់ថ្ម និងឃុំប្រាសាទ នៃស្រុកសន្ទុក ខេត្តកំពង់ធំ។

សម្រាប់ថ្ងៃទី 30 ខែសីហា ឆ្នាំ 2021 នេះ មានករណីឆ្លងវីរុសកូវីដ19 ថ្មី ចំនួន 439 នាក់ និងមានអ្នកជាសះស្បើយចំនួន 343 នាក់ នឹងករណីស្លាប់ថ្មីចំនួន 11 នាក់ផងដែរ។

នៅព្រឹកថ្ងៃអង្គារ ទី31 ខែសីហា ឆ្នាំ2021នេះ វ៉ាក់សាំងបង្ការជំងឺកូវីដ19 ស៊ីណូវ៉ាក់ (Sinovac) ចំនួន2លានដូស បន្ថែមទៀត បានដឹកមកដល់ប្រទេសកម្ពុជាយើងហើយ ដើម្បីបម្រើដល់ដំណើរការចាក់ដូសជំរុញជូនប្រជាពលរដ្ឋ។ វ៉ាក់សាំង ស៊ីណូវ៉ាក់ (Sinovac) ដែលបានដឹកមកដល់ប្រទេសកម្ពុជានៅថ្ងៃនេះគឺជាវ៉ាក់សាំងដែលរាជរដ្ឋាភិបាលកម្ពុជាបានបញ្ជាទិញ ដើម្បីយកមកបម្រើដល់ការចាក់ដូសជំរុញជូនប្រជាពលរដ្ឋ។​ វ៉ាក់សាំងបង្ការជំងឺកូវីដ19 គឺជាវិធីសាស្ត្រដ៏ចម្បងមួយសម្រាប់រាជរដ្ឋាភិបាលកម្ពុជា បន្ទាប់ពីវិធាននានារបស់ក្រសួងសុខាភិបាល ដើម្បីប្រយុទ្ធប្រឆាំងការរាតត្បាតជំងឺកូវីដ19។ រាជរដ្ឋាភិបាល ដែលមានសម្តេចតេជោ ហ៊ុន សែន ជាប្រមុខ បានស្វះស្វែង និងប្រឹងប្រែងជាខ្លាំងក្នុងការរកវ៉ាក់សាំងបង្ការជំងឺកូវីដ19 ចាក់ជូនប្រជាពលរដ្ឋ។ មកដល់ពេលនេះ កម្ពុជាមានវ៉ាក់សាំងបង្ការជំងឺកូវីដ19 ប្រមាណ25 លានដូសរួចហើយ។ វ៉ាក់សាំងនេះ គឺមានទាំងជំនួយពីប្រទេសជាមិត្ត និងការបញ្ជាទិញរបស់រាជរដ្ឋាភិបាលពីក្រុមហ៊ុនរបស់ប្រទេសចិន។ តាមរយៈវត្តមានវ៉ាក់សាំងដែលរកបាននេះ កម្ពុជាបានចាក់ជូនប្រជាពលរដ្ឋ អាយុចាប់ពី 12ឆ្នាំឡើង សរុបជាង 10លាននាក់ហើយ ទន្ទឹមនឹងការចាក់វ៉ាក់សាំងជុំទី1 ជូនប្រជាពលរដ្ឋប្រមាណ 12លាននាក់ ជិតរួចរាល់ហើយ នោះកម្ពុជាក៏កំពុងដំណើរការចាក់ដូសជំរុញជូនប្រជាពលរដ្ឋក្រុមជួរមុខ ហើយក៏ត្រៀមចាក់ដូសជំរុញនេះជូនប្រជាពលរដ្ឋទូទៅផងដែរ៕  

សម្ដេចអគ្គមហាសេនាបតី តេជោ ហ៊ុន សែន ប្រមុខរាជរដ្ឋាភិបាលកម្ពុជា បានថ្លែងសារ ក្នុងថ្ងៃទី 31 ខែសីហា ឆ្នាំ 2021 នេះ ស្នើឱ្យរដ្ឋមន្ត្រីក្រសួងអប់រំយុវជននិងកីឡា ពិភាក្សាជាមួយបណ្ដាខេត្ត រាជធានី ដើម្បីកំណត់បើកសាលារៀន នៅតាមទីតាំងមួយចំនួនដែលពុំមានជំងឺឆ្លងកូវីដ19 កើតឡើង។