ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ទទួលជួបលោក អគ្គនាយកសាខា ក្រុមហ៊ុនសាមសុង ប្រចាំកម្ពុជា។
ក្នុងឱកាសអញ្ជេីញចូលជួបសំដែងការគួរសមជាមួយ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន នៅព្រឹកថ្ងៃទី31 ខែសីហា ឆ្នាំ2021 លោក Hgung Geun Lee អគ្គនាយកសាខាថ្មី ក្រុមហ៊ុនសាមសុង ប្រចាំកម្ពុជា បាននាំយកនូវផលិតផលចុងក្រោយគេបង្អស់ជាទូរសព្ទ័ប្រភទថ្មី Galaxy Z Fold 3 ជូន ដល់ក្រសួងព័ត៌មាន ធ្វេីការសាកល្បងប្រេីប្រាស់ ។
លោក Hgung Geun Lee បានជម្រាបជូនថា ក្រុមហ៊ុនសាមសុង បាន ធ្វើការផលិត ទូរសព្ទ័ប្រភេទថ្មីនេះ ដែលជាបច្ចេកវិទ្យាចុងក្រោយ របស់ក្រុមហ៊ុនបានរចនាឡេីងប្រកបដោយគុណភាពខ្ពស់ និងមានភាពលឿនរហ័ស ច្បាស់ជាងមុន បេីតាមការបញ្ចាក់របស់ លោក អគ្គនាយកថ្មី ក្រុមហ៊ុន សាមសុង ប្រចាំកម្ពុជាបានអោយដឹងថាទូរសព្ទ័ប្រភទថ្មី Galaxy Z Fold 3 ទេីបតែមាននៅក្នុង ប្រទេសអូស្ត្រាលី ប្រទេសថៃ និងនៅកម្ពុជា តែប៉ុណ្ណោះហេីយសម្រាប់នៅកម្ពុជា មិនមែនសម្រាប់លក់នោះទេ សម្រាប់ធ្វេី VIP Marketing ។
ឯកឧត្តម រដ្ឋមន្រ្តី ខៀវ កាញារីទ្ធ បានសំដែងនូវការស្វាគមន៏ចំពោះ លោក Hgung Geun Lee ដែលជាអគ្គនាយកថ្មី នៃក្រុមហ៊ុន SAMSUNG ប្រចាំកម្ពុជា និងសូមអោយបេសកកម្មការងាររបស់លោកទទួលបានជោគជ័យ ។
ឯកឧត្តម រដ្ឋមន្រ្តី ខៀវ កាញារីទ្ធ បានបញ្ជាក់ថា រាល់ផលិតផល របស់ ក្រុម SAMSUNG សាធារណរដ្ឋកូរ៉េ គឺមានគុណភាពល្អក្នុងការប្រេីប្រាស់ ទាំងទូរសព្ទ័ កុំព្យូរទ័រ និង Galaxy Tab ជាដេីម ហេីយឯកឧត្តមរដ្ឋមន្រ្តី ក៏ជាអតិថិន មួយរូបដែលតែងបានប្រេីប្រាស់ផលិតផល របស់ក្រុមហ៊ុន SAMSUNG ព្រោះងាយស្រួលប្រេីប្រាស់ និងមានគុណភាព ច្បាស់ល្អ រូមទាំង មានប្រពន្ធ័បច្ចេកវិទ្យាទំនេីប ថែមទៀតផង៕ ដោយ: ទទក
