ឯកឧត្តម ហ៊ុន ម៉ានី អញ្ជើញចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការនៅអាគារទីស្នាក់ការសហភាពសហព័ន្ធយុវជនកម្ពុជាខេត្តកំពង់ចាម។ នៅថ្ងៃទី 31 ខែមករា ឆ្នាំ 2023 នេះ ឯកឧត្តម ហ៊ុន ម៉ានី អញ្ជើញចូលរួមអបអរសាទរ ស.ស.យ.ក. ខេត្តកំពង់ចាម ដែលទទួលបានសមិទ្ធផលថ្មី នូវទីស្នាក់ការដែលជាអគារ ពហុបំណង សម្រាប់បម្រើដល់ការធ្វើសកម្មភាពរបស់ខ្លួន។ ឯកឧត្តមសង្ឃឹមថា សមិទ្ធផលអគារថ្មីនេះនឹងជួយធ្វើឱ្យការងាររបស់យើងកាន់តែមានប្រសិទ្ធភាពជាងមុន ក្នុងបុព្វហេតុយុវជនដែលជាទំពាំងស្នងឬស្សីរបស់ប្រទេសជាតិ។ #dolynews
នៅថ្ងៃទី 31 ខែមករា ឆ្នាំ 2023 នេះ ប្រតិភូកម្ពុជាបានចេញដំណើរឆ្ពោះទៅសាធារណរដ្ឋសិង្ហបុរី ។ ឯកឧត្តម ហ៊ុន ម៉ានី បានលើកឡើងថាដើម្បីចូលរួមសម្តែងក្នុងក្បួនដង្ហែសិល្បៈឈីងហ្គេ (Chingay Parade Singpore)ក្រោមប្រធានបទក្តី «សង្ឃឹមរបស់យើង» ឆ្នាំនេះប្រតិភូកម្ពុជានឹងបង្ហាញពីសក្តានុពលនៃអច្ឆរិយៈវប្បធម៌របស់កម្ពុជា បានកាន់តែអស្ចារ្យដូចបណ្តាឆ្នាំរាល់ដងដែលយើងបានចូលរួម។ ឆ្លៀតឱកាសនេះ ឯកឧត្តមបានជូនពរដល់លោកគ្រូ អ្នកគ្រូ សិល្បករ សិល្បការិនី និងក្រុមការងារទាំងអស់ធ្វើដំណើរប្រកបដោយភាពរីករាយ បំពេញបេសកកម្មដោយជោគជ័យ និងនាំត្រឡប់មកវិញជាមួយកិត្តិយសជាតិ ដូចអ្វីដែលយើងតែងតែធ្វើកន្លងមក។ #dolynews
គិតមកទល់នឹងពេលនេះអគ្គីភ័យដែលកើតឡើងនៅក្រោយសណ្ឋាគារឡឺប្រេសុីដង ផ្លូវលេខ 138 សង្តាត់ផ្សារដេប៉ូទី2 ខណ្ឌ ទួលគោក ។ ការវិវឌ្ឍចុងក្រោយនៃកិច្ចប្រតិ្តការជួយសង្គោះ និងពន្លត់អគ្គីភ័យផ្ទះរបស់ប្រជាពលរដ្ឋ បានកើតឡើងកាលពីវេលាម៉ោង 10 និង 40 នា ទីព្រឹក ថ្ងៃទី 31 ខែមករា ឆ្នាំ 2023 នេះ ស្ថិតក្នុងផ្លូវលេខ138 សង្កាត់ផ្សារដេប៉ូទី2 ខណ្ឌទួលគោក រាជធានីភ្នំពេញ ខាងក្រោយសណ្ឋាគារលើប្រេស៊ីដង់បណ្ដាលឲ្យមានជនរងគ្រោះប្រុសស្រីចំនួន2រងរបួសនិង1ទៀតបានស្លាប់។ #dolynews
នៅព្រឹកថ្ងៃទី 28 ខែមករា ឆ្នាំ 2023 នេះ សម្ដេចតេជោ ហ៊ុន សែន អញ្ជើញក្នុងពិធីបើកមហាសន្និបាតវិសាមញ្ញ តំណាងទូទាំងប្រទេស សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញក្នុងពិធីបើកមហាសន្និបាតវិសាមញ្ញតំណាងទូទាំងប្រទេស រយៈពេល2ថ្ងៃ នៅវិមាន7មករា ស្នាក់ការកណ្ដាលគណបក្សប្រជាជនកម្ពុជា រាជធានីភ្នំពេញ។ មហាសន្និបាតនេះ ក្រោមអធិបតីភាព សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចអគ្គមហាពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា ដោយមានការចូលរួមពីសមាជិកអចិន្ត្រៃយ៍ សមាជិកគណៈកម្មាធិការកណ្តាល ប្រធានគណបក្សទូទាំងប្រទេស រួមទាំងមន្រ្តីជាន់ខ្ពស់នៃគណបក្សប្រជាជនកម្ពុជាជាច្រើនរូបទៀតផងដែរ។ សន្និបាតនេះត្រូវប្រារព្ធឡើងរយៈពេល2ថ្ងៃ គឺថ្ងៃទី28និង 28មករា។ ពិធីបើកមហាសន្និបាតវិសាមញ្ញ គឺមានការថ្លែងសុន្ទរកថាបើក ដោយសម្តេចអគ្គមហាពញាចក្រី ហេង សំរិន ដែលបង្ហាញ3 របាយការណ៍អំពីលទ្ធផល នៃការអនុវត្តកម្មវិធីនយោបាយគណបក្សពីឆ្នាំ2018-2023 និងទិសដៅភារកិច្ចឆ្នាំ2023 និងកិច្ចការមួយចំនួនទៀត។ចំណែករបៀបវារៈថ្ងៃទី2 នៃមហាសន្និបាតវិសាមញ្ញ ជាការអនុម័តលើរបាយការណ៍អំពីលទ្ធផល នៃការអនុវត្តកម្មវិធីនយោបាយគណបក្សពីឆ្នាំ2018-2023 និងទិសដៅភារកិច្ចឆ្នាំ2023 ការអនុម័តលើសេចក្តីព្រាងកម្មវិធីនយោបាយ របស់គណបក្សសម្រាប់ការកសាង […]
សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ទូលថ្វាយនូវសារលិខិតថ្លែងអំណរព្រះរាជគុណថ្វាយចំពោះ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គបានសព្វព្រះរាជហឫទ័យប្រោសព្រះរាជូបត្ថម្ភ នូវព្រះរាជទ្រព្យចំនួន 3,000ដុល្លារ ចំពោះកាកបាទក្រហមកម្ពុជា សម្រាប់ត្រីមាសទី1 ឆ្នាំ2023។ #dolynews
