ក្រុមHacker និងឈរបោកប្រាក់ចូល តេឡេក្រាមចំនួន 5 នាក់ត្រូវបានអាវុធហត្ថរាជធានីភ្នំពេញបង្ក្រាបបាន។ រយៈពេលថ្មីៗចុងក្រោយនេះ គឺមានករណីហែកចូលតេលេក្រាមជាច្រើនករណីកើតឡើង បង្កឲ្យមានជនរងគ្រោះ មួយចំនួនត្រូវបានខាតបង់ប្រាក់រាប់ពាន់ម៉ឺនដុល្លារដោយ សារតែការបោកបញ្ឆោត។ ជាក់ស្តែងកាលពីថ្ងៃទី27 ខែមីនា ឆ្នាំ2023 អាវុធហត្ថភ្នំពេញ បានទទួលបណ្តឹងពីជនរងគ្រោះម្នាក់ សុំប្តឹងពីជនសង្ស័យមិនស្គាល់អត្តសញ្ញាណ បានហែកចូលតេឡេក្រាមរបស់ខ្លួន និងបានឆាតទៅបងប្អូនមិត្តភក្តិជាច្រើនដើម្បីខ្ចីប្រាក់ ព្រមទាំងឆាតទៅគម្រាមទារប្រាក់អតិថិជនដែលជំពាក់ខ្លួនផងដែរ។ ស្របពេលជាមួយគ្នានោះ ក៏មានអតិថិជនរបស់ខ្លួនម្នាក់ ក៏ត្រូវបានគេហែកចូលតេឡេក្រាមរបស់គាត់ដូចគ្នា ហើយបានឆាតមកខ្ចីប្រាក់ខ្លួនចំនួន 60,000$ ហើយខ្លួនបានវេរទៅឲ្យអស់ 10,000$ ក៏មានការសង្ស័យ ហើយក៏តេទៅអតិថិជនផ្ទាល់ដើម្បីសួរនាំ ទើបដឹងថាមានការចាញ់បោកជនសង្ស័យយ៉ាងពិតប្រាកដ ព្រោះអតិថិជនរបស់ខ្លួន បានអះអាងថា មិនបានឆាតខ្ចីប្រាក់នោះទេ គឺមានគេហែកចូលតេឡេក្រាមរបស់គាត់បាត់ហើយ។ តាមរយៈវិធានការជំនាញ និងការតាមប្រម៉ាញ់ជាប់ប្រចាំ រហូតដល់ថ្ងៃទី17.18 និង19 ខែមិថុនា ឆ្នាំ2023 កម្លាំងជំនាញរបស់អាវុធហត្ថរាជធានីភ្នំពេញ បានធ្វើការឃាត់ខ្លួនជនសង្ស័យចំនួន5នាក់ ជាបន្តបន្ទាប់ (ខ្មែរ1នាក់, ចិន4នាក់) ដែលមានការពាក់ព័ន្ធជាបណ្តាញ ជាមួយក្រុមHacker នៅឯបរទេស ធ្វើសកម្មភាព ហែកចូលតេឡេក្រាមនុស្សជាច្រើន ដើម្បីឆបោកប្រាក់។ ជនសង្ស័យទាំង5នាក់រួមមាន៖ 1 ឈ្មោះ YU YULONG […]
ថ្ងៃទី30 ខែតុលា ឆ្នាំ2022នេះ សម្តេចតេជោ ហ៊ុន សែន បានអញ្ជើញផ្តល់ស្រូវពូជចំនួន6,112គ្រួសារ ដែលរងគ្រោះដោយជំនន់ទឹកភ្លៀង។ ខេត្តព្រៃវែង ពិធីសំណេះសំណាលនេះ ត្រូវបានធ្វើឡើងនៅមុខស្នាក់ការសាខាកាកបាទក្រហមកម្ពុជាខេត្តព្រៃវែង។តាមការឲ្យដឹងពីឯកឧត្តម ជា សុមេធី អភិបាលខេត្តព្រៃវែង បានឲ្យដឹងថានៅចុងខែកញ្ញា និងដើមខែតុលា ឆ្នាំ2022នេះស្ថានភាពទឹកភ្លៀងមានចំនួនច្រើន និងទឹកទន្លេមេគង្គកើនឡើង គិតត្រឹមថ្ងៃទី12 ខែតុលា ឆ្នាំ2022 ស្ថានីយជលសាស្ត្រព្រែកតាតាំ(មុខផ្សាក្រុង ព្រៃវែង)ឡើងដល់កម្ពស់អតិបរិមា6,47ម៉ែត្រ(កម្រិតកម្ពស់ប្រកាសអាសន្ន 7,50ម៉ែត្រ) បានធ្វើឲ្យប៉ះពាល់ និងខូចខាតដល់ដំណាំរបស់ប្រជាកសិករមានដូចជា ស្រូវ បន្លែ និងដំណាំរួមផ្សំ ក្នុងស្រុកចំនួន11 ស្មើនឹង 49ឃុំ នឹង 245ភូមិ មានផ្ទៃដីប៉ះពាល់ចំនួន 6,970ហិកតា ស្មើនឹង 7,083គ្រួសារ ក្នុងនោះផ្ទៃដីខូចខាតសរុបចំនួន 5,670ហិកតា ស្មើនឹង 6,217គ្រួសារ ក្នុងនោះផ្ទៃដីដែលមានលទ្ធភាចអាចស្តារ ការដាំដុះស្រូវឡើងវិញបានមានចំនួន9ស្រុក លើផ្ទៃដី 5,435ហិកតា ស្មើនឹង 6,112 គ្រួសារ ត្រូវបាន សម្តេចតេជោ នាយករដ្ឋមន្ត្រី ផ្ដល់ជូន នាឱកាសថ្ងៃនេះ។ មុននឹងចាប់ផ្តើមសំណេះសំណាលជាមួយប្រជាពលរដ្ឋ […]
អ្នកនាំពាក្យក្រសួងយុត្តិធម៌ ឯកឧត្តម គឹម សន្តិភាព រាជរដ្ឋាភិបាល បានសម្រេចបញ្ចប់ការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅនៃខេត្តកណ្តាលចាប់ពីថ្ងៃទី6 ខែឧសភា ឆ្នាំ2021 តទៅ ដោយជំនួសមកវិញនូវវិធានការថ្មីសំដៅបង្ការការឆ្លងរាលដាននៃជំងឺកូវីដ-19 របស់គណៈអភិបាលរាជធានីភ្នំពេញសម្រាប់ភូមិសាស្ត្ររាជធានីភ្នំពេញ និងរបស់គណៈអភិបាលខេត្តកណ្តាលសម្រាប់ភូមិសាស្រ្តក្រុងតាខ្មៅ តាមរយៈសេចក្តីសម្រេចលេខ 55 សសរ ចុះថ្ងៃទី 3 ខែឧសភា ឆ្នាំ2021។ ហេតុដូចនេះ ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល នៅតែអនុវត្តវិធានការបិទខ្ទប់រហូតដល់មុនម៉ោងសូន្យ នៃថ្ងៃទី 6 ខែឧសភា ឆ្នាំ2021 ហើយត្រូវបន្តអនុវត្តវិធានការថ្មី ដែលនឹងត្រូវបានដាក់ចេញដោយគណៈអភិបាលរាជធានីភ្នំពេញ និងគណៈអភិបាលខេត្តកណ្តាលនាពេលខាងមុខ ចាប់ពីថ្ងៃទី6 ខែឧសភា ឆ្នាំ2021 តទៅសំដៅបង្ការការឆ្លងរាលដាននៃជំងឺកូវីដ-19។
