នាព្រឹកថ្ងៃទី21 ខែកញ្ញា ឆ្នាំ2024នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសក្រុមការងារសហភាពសហព័ន្ធយុវជនកម្ពុជា វិស័យមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ពិធីប្រកាសទទួលស្គាល់សមាសភាពបំពេញបន្ថែមក្រុមការងារសហភាពសហព័ន្ធយុវជនកម្ពុជា (ស.ស.យ.ក.) វិស័យមហាផ្ទៃ នៅសាលប្រជុំអគារ S នៃទីស្តីការក្រសួងមហាផ្ទៃ។

ករណីអគ្គីភ័យឆាបឆេះតូបលក់អាហារមួយកន្លែង ស្ថិតក្នុងក្រុងកោះរ៉ុង ខេត្តព្រះសីហនុ។

ករណីអគ្គីភ័យឆាបឆេះតូបលក់អាហារមួយកន្លែង ស្ថិតក្នុងក្រុងកោះរ៉ុង ខេត្តព្រះសីហនុ។ នៅវេលាម៉ោងជាង8ព្រឹកថ្ងៃទី7 ខែតុលា ឆ្នាំ2021នេះ មានករណីអគ្គីភ័យ ឆាបឆេះហាងលក់អាហារមួយកន្លែងស្ថិតនៅភូមិកោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ និងរាលដាលទៅដល់ហាងលក់ដូរក្បែរគ្នាមួយកន្លែងទៀត ភ្លាមៗពេលកើតហេតុ សមត្ថកិច្ចចម្រុះ និងប្រជាពលរដ្ឋក្នុងមូលដ្ឋានបានអន្តរាគមន៍ជួយពន្លត់និងទប់ស្កាត់មិនឲ្យរាលដាលបន្ត។ តាមសំដីរបស់លោក នួន ប៊ុនថុល អភិបាលក្រុងកោះរ៉ុងឲ្យដឹងថា អគ្គិភយ័នេះផ្តើមចេញពីការធ្លាយធុងហ្គាស ប៉ះនឹងភ្លើងចង្ក្រានបាយក្នុងហាងលក់អាហារដែលសំណង់ក្នុងហាងនេះភាគច្រើនសង់ពីឈើនិងឫស្សី បន្ទាប់មកភ្លើងបានរាលដាលទៅដល់ហាងមួយទៀតនៅក្បែរគ្នា មុនពេលសមត្ថកិច្ចនិងពលរដ្ឋជួយពន្លត់បានមិនឲ្យរាលដាលបន្ត។ បើតាមលោកអភិបាលក្រុងថា ហាងទី1 ដែលផ្តើមមានអគ្គិភយ័បានខូចខាតទាំង ស្រុង និងហាងមួយទៀតនៅក្បែរគ្នាខូច ខាតផ្នែកខ្លះ និងថាហេតុការណ៍នេះមានមនុស្សម្នាក់ដែលជាចុងភៅរងរបួស រលាក ភ្លើង នឹងត្រូវបានបញ្ជូនទៅកាន់មន្ទីរពេទ្យភ្លាមៗ។

សមត្ថកិច្ចឆ្មក់ចុះបង្ក្រាបទីតាំងបើកល្បែងស៊ីសង 8888 ប្រភេទឡូតូ ចំនួន២ទីតាំង និងឃាត់ខ្លួនមនុស្សបានជាង១០នាក់។

សមត្ថកិច្ចឆ្មក់ចុះបង្ក្រាបទីតាំងបើកល្បែងស៊ីសង 8888 ប្រភេទឡូតូ ចំនួន២ទីតាំង និងឃាត់ខ្លួនមនុស្សបានជាង១០នាក់។ កម្លាំងគណៈកម្មការគ្រប់គ្រងល្បែងពាណិជ្ជកម្មកម្ពុជា សហការជាមួយ នគរបាលនាយកដ្ឋានប្រឆាំងបទល្មើសល្បែង នៃក្រសួងមហាផ្ទៃ ធ្វើឡើងនៅវេលាម៉ោង ៩ព្រឹកថ្ងៃទី ២៥ ខែមករា ឆ្នាំ ២០២៤ នៅចំណុចទីតាំង តោះជុំគ្នាការហ្វ នៅតាមបណ្ដោយផ្លូវលេខ២៤២ សង្កាត់បឹងព្រលិត និងមួយទីតាំងទៀតយីហោ ឃ្វីន សាឡន សង្កាត់មនោរម្យ ខណ្ឌ៧មករា រាជធានីភ្នំពេញ ក្នុងរង្វង់ប្រតិបត្តិការនេះផងដែរដោយមានការដឹកនាំផ្ទាល់ដោយព្រះរាជអាជ្ញារង យស វាសនា នៃអយ្យការអមសាលាដំបូងរាជធានីភ្នំពេញ។   តាមប្រភពពីមន្ត្រីជំនាញបានឲ្យដឹងថាក្នុងការចុះប្រតិបត្តិការទីតាំងនីមួយៗដែលបើកអាជីវកម្មប្រភេទឡូតូតូចធំ 8888 ក៏ប៉ុន្តែមន្ត្រីជំនាញមិនបានបញ្ជាក់ឲ្យស៊ីជម្រៅនោះទេថាល្បែងស៊ីសង ប្រភេទនេះមានច្បាប់ឬមិនមានច្បាប់អាជីវកម្មនោះឡើយ។ សូមបញ្ជាក់ផងដែរថាការចុះប្រតិបត្តិការនេះ មហាជនមានការងឿឆ្ងល់ផងដែរថាកន្លងមកអាជ្ញាធរបានអះអាងថា ល្បែងស៊ីសងប្រភេទឡូតូតូចធំ 8888 នេះថាមានច្បាប់អាជីវកម្មត្រឹមត្រូវ ដោយមិនឃើញមានការចុះបង្ក្រាបនោះឡើយ។ ស្រាប់តែ ពេលនេះ មន្ត្រីជំនាញនៃគណៈកម្មការគ្រប់គ្រងល្បែងពាណិជ្ជកម្មកម្ពុជា សហការជាមួយ កម្លាំងនគរបាលនាយកដ្ឋានប្រឆាំងបទល្មើសល្បែង នៃក្រសួងមហាផ្ទៃ បានចុះមកបង្ក្រាបចំពោះល្បែងស៊ីសងប្រភេទឡូតូ 8888នេះទៅវិញ។ យ៉ាងណាមិញមហាជនបានលើកឡើងបន្តទៀតថាបើល្បែងស៊ីសងប្រភេទឡូតូ 8888នេះខុសច្បាប់មែន តើទីតាំងល្បែងស៊ីសង់ប្រភេទនេះគិតយ៉ាងម៉េច បើមានច្រើនទីតាំងរីកដុះដាលពេញទីតាំងហាងកាហ្វេ និងភោជនីយដ្ឋានគ្រប់ទីកន្លែងក្នុងភូមិសាស្ត្ររាជធានីភ្នំពេញ និងខេត្ត។   […]

សេចក្តីណែនាំ របស់អាជ្ញាធរ ខេត្តកំពង់ស្ពឺ ស្តីពីស្តង់ដារផ្សារសុវត្ថិភាព ក្នុងភូមិសាស្ត្រ ខេត្តកំពង់ស្ពឺ ។