ភ្នំពេញ: ឯកឧត្តម នាយឧត្តមសេនីយ៍ សន្តិបណ្ឌិត នេតសាវឿន អគ្គស្នងការ នគរបាលជាតិ នៅថ្ងៃទី4 វិច្ឆិកា ឆ្នាំ 2020 នេះ បានបញ្ជាឲ្យបិទល្បែងស៊ីសង online keno ទូទាំងប្រទេស។
ក្រុមប្រតិបត្តិការ នៅគណៈកម្មាធិការចម្រុះបង្ក្រាបល្បែងកាស៊ីណូ ឆ្នោតឡូតូ ភ្នាល់បាល់ តាមអនឡាញ និងល្បែងភ្នាល់ខុសច្បាប់គ្រប់ប្រភេទ ដោយបានចុះពិនិត្យក្រុមហ៊ុនសុីននីវ ដែលមានទីស្នាក់ការនៅ កោះពេជ្រ រាជធានីភ្នំពេញ និងបានរកឃើញថាតំណាងចែកចាយមួយចំនួនពិតជាបានធ្វើអាជីវកម្មឆ្នោតប្រភេទ ខេនណូ ពិតប្រាកដមែនបន្ទាប់មកប្រតិបត្តិការចម្រុះបានសម្រេចបិទមិនអនុញ្ញាតឲ្យធ្វើអាជីវកម្មឆ្នោតប្រភេទ ខេនណូ ចាប់ពីថ្ងៃនេះតទៅ។
