ឯកឧត្តមអភិសន្តិ បណ្ឌិត ស សុខា បានបញ្ជាក់ថា ចាប់ពីពេលនេះតទៅ មន្ត្រីសមត្ថកិច្ចក្បាលពោះធំហាមមិនឲ្យចេញធ្វើការនៅខាងក្រៅ
រាជធានីភ្នំពេញ ៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថា ចាប់ពីពេលនេះតទៅ មន្ត្រីសមត្ថកិច្ចរូបណា ដែលមានក្បាលពោះធំជ្រុល និងមិនអនុញ្ញាតឲ្យចេញធ្វើការនៅខាងក្រៅទៀតនោះទេ នេះបើតាមអ្នកនាំពាក្យលោក រ៉េន រតនៈ អ្នកនាំពាក្យឯកឧត្តមឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃបានបញ្ជាក់ឲ្យដឹង នៅនៅថ្ងៃទី16 ខែតុលា ឆឆ្នាំ2024យ៉ាងដូច្នេះថា៖ «ចាប់ពីពេលនេះទៅ មន្ត្រីមានក្បាលពោះធំជ្រុល មិនឱ្យចេញធ្វើការខាងក្រៅទៀតទេ! ជាពិសេសការងារចរាចរណ៍ និងប្រតិបត្តិការនានា ។ ករណីនេះ ទោះមានតិចតួចធៀបនិងកម្លាំងសរុប តែ ឯកឧត្តមអភិសន្តិបណ្ឌិត បានយកចិត្តទុកដាក់ និងផ្ដល់ការរំលឹកណែនាំជារឿយៗ តាំងពីដើមនីតិកាលថ្មី ក្នុងកិច្ចប្រជុំកាលពីថ្ងៃទី14 ខែតុលា ឆ្នាំ2024 ឯកឧត្តមអភិសន្តិបណ្ឌិត លោកបានសង្កត់ធ្ងន់ជាថ្មីទៀត ដោយចេញការណែនាំដូចបានបង្ហោះផ្សាយ…។
ដោយឡែក ពាក្យថា “ស្តង់ដា” ឯកឧត្តមអភិសន្តិបណ្ឌិត លោកបានតម្រូវពេលនេះ គឺយ៉ាងហោចណាស់ឱ្យបាន “សមរម្យ” គឺសមភ្នែកមហាជន សមនិងអាចយកទៅអនុវត្តការងារបាន ពោលគឺមិនមែនធំលើតូចក្រោម ឬធាត់ក្បាលពោះធំហួស ដែលចៀសមិនផុតពីការមិនអាចបំពេញការងារបានល្អ និងរហ័សរហួននោះឡើយឯកឧត្តមអភិសន្តិបណ្ឌិត លោកមិនបិទផ្លូវទេ គឺផ្ដល់ជម្រើសឱ្យហាត់ប្រាណ បន្ថយរបបអាហារមិនត្រឹមត្រូវជាដើម »។
#dolynews
