រាជរដ្ឋាភិបាលបានដំណើរការស្តារឡើងវិញផ្លូវជាតិលេខ5 បានចែកចេញជាកំណាត់ៗ ក្នុងនោះកំណាត់ទី1 បាត់ដំបង-សិរីសោភ័ណ ប្រវែង 84,74គីឡូម៉ែត្រ បានបញ្ចប់ការងារសាងសង់ជាស្ថាពរ 100%, កំណាត់ទី2 ព្រែកក្តាម-ធ្លាម្អម ប្រវែង 135,25គីឡូម៉ែត្រ សាងសង់សម្រេចបានប្រមាណ64% គ្រោងនឹងបញ្ចប់នៅពាក់កណ្តាលឆ្នាំ2022 និងកំណាត់ទី3 ធ្លាម្អម-បាត់ដំបង និងសិរីសោភ័ណ-ប៉ោយប៉ែត មានប្រវែង 146,04គីឡូម៉ែត្រ ដែលកំណាត់ធ្លាម្អម-បាត់ដំបង សម្រេចបានប្រមាណ55% និងកំណាត់សិរីសោភ័ណ-ប៉ោយប៉ែត កំពុងរៀបចំនីតិវិធីដេញថ្លៃជ្រើសរើសក្រុមហ៊ុនសាងសង់។