Month: May 2023

នៅព្រឹកថ្ងៃចន្ទ ទី 22 ខែឧសភា ឆ្នាំ 2023 នេះ ឯកឧត្តមបណ្ឌិត ហ៊ុន ម៉ាណែត បានអញ្ជើញចូលរួមក្នុងពិធីបញ្ចុះខណ្ឌសីមា ពុទ្ធាភិសេក និងសម្ពោធសមិទ្ធផលនានា ក្នុងវត្តសែនមនោរម្យ (ហៅវត្តចាស់) ស្ថិតនៅក្នុងភូមិកងតាណឹងទី8 ឃុំកងតាណឹង ស្រុកកងមាស ខេត្តកំពង់ចាម។   #dolynews

ឯកឧត្តម ស សុខា បង្ហាញគោលដៅជាយុទ្ធសាស្ត្រ ៥ចំណុច ដល់អ្នកចូលរួមជិត ២ពាន់នាក់ ក្នុងស្រុកពាមជរ ព្រៃវែង ៖ នៅព្រឹកថ្ងៃទី២២ ខែឧសភា ឆ្នាំ២០១៣ នេះ ឯកឧត្តម ស សុខា អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង ជាតំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង បានអញ្ជើញជាអធិបតីពិធីសំណេះសំណាលជាមួយមន្ត្រីរាជការ កងកម្លាំង អតីតយុទ្ធជន និវត្តជន អាចារ្យ គណៈកម្មការវត្ត និងអ្នកប្រកបរបរក្រៅប្រព័ន្ធ ចំនួន ១ ៨៦១នាក់ ក្នុងស្រុកពាមជរ។ ថ្លែងក្នុងឱកាសនោះ ឯកឧត្តម ស សុខា បានលើកយកគោលដៅជាយុទ្ធសាស្ត្រសំខាន់ៗ ចំនួន ៥ចំណុច ដែលជាទិសដៅការងាររយៈពេល ៥ឆ្នាំ (២០២៣-២០២៨) របស់រាជរដ្ឋាភិបាល ដឹកនាំដោយគណបក្សប្រជាជនកម្ពុជា ត្រូវសម្រេចឲ្យបាន ដូចខាងក្រោម ៖ ទី១. បន្តថែរក្សាពង្រឹងសន្តិភាព ស្ថិរភាព ការពារខឿនឯករាជ្យជាតិ អធិបតេយ្យភាព […]

សេចក្ដីជូនដំណឹង របស់ក្រសួងពាណិជ្ជកម្ម ចាប់ពីថ្ងៃទី 21 រហូតដល់ថ្ងៃទី 31 ខែឧសភា ឆ្នាំ 2023 នេះ តម្លៃប្រេងឥន្ធនៈ លក់រាយនៅលើទីផ្សារ សាំងធម្មតា តម្លៃ 4,100 រៀល (តម្លៃដដែល) ចំណែកប្រេងម៉ាស៊ូត តម្លៃ 3,850 រៀល.(ឡើង 50៛)។

នាព្រឹកថ្ងៃទី 21 ខែឧសភា ឆ្នាំ 2023 នេះ ឯកឧត្តម គង់ សោភ័ណ្ឌ បានអញ្ជើញចូលរួមពិធីបំពាក់គ្រឿងឥស្សរិយយស ជូនអតីតយុទ្ធជនកម្ពុជាខេត្តកណ្ដាល មានអតីតយុទ្ធជនក្រុងអរិយក្សត្រ ស្រុកខ្សាច់កណ្តាល ស្រុកល្វាឯម និងស្រុកកៀនស្វាយ ក្រោមអធិបតីភាពដ៏ខ្ពង់ខ្ពស់ ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយក រដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល នៅវិទ្យាល័យចំណេះទូទៅ និងបច្ចេកទេស សម្តេចអគ្គមហាសេនាបតីតេជោ ហ៊ុន សែន ROTA។ ក្នុងពិធីបំពាក់គ្រឿងឥស្សរិយយសជូនអតីតយុទ្ធជននាឱកាសនេះ បានការអញ្ជើញចូលរួម ពីឯកឧត្តម លោកជំទាវ គណៈអធិបតី លោក លោកស្រី សមាជិក សមាជិកា អង្គពិធី សរុប ចំនួន 1,935 នាក់ ក្នុងនោះលោក លោកស្រី ជាអតីតយុទ្ធជនមកពីក្រុង ស្រុក ចំនួន4 រួមមាន ក្រុងអរិយក្សត្រ ស្រុកខ្សាច់កណ្តាល ស្រុកល្វាឯម និងស្រុកកៀនស្វាយ […]

ឯកឧត្តម គង់ សោភ័ណ្ឌ អញ្ជើញចូលរួមក្នុងពិធីសំណេះ សំណាលជាមួយនឹងសមាជិកសមាជិកាយុវជនគណបក្ស ប្រជាជនកម្ពុជា ក្រុងសំពៅពូន នៅព្រឹកថ្ងៃទី 20 ខែឧសភា ឆ្នាំ 2023 នេះ ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្ដាលនិងជាអនុប្រធានគណ:កម្មាធិការគណបក្សប្រជាជនកម្ពុជាខេត្ត និងជាប្រធានក្រុមការងារយុវជនគណបក្ស ប្រជាជនកម្ពុជាខេត្តកណ្ដាល បានអញ្ជើញជាអធិបតីភាពដ៏ខ្ពង់ខ្ពស់ក្នុង ពិធីសំណេះសំណាលជាមួយសមាជិក សមាជិកា យុវជនគណបក្សប្រជាជនកម្ពុជា ក្រុងសំពៅពូន នៅទីស្នាក់ការគណបក្សប្រជាជនកម្ពុជាក្រុងសំពៅពូន។ ឯកឧត្តម ប្រធានក្រុមការងារយុវជនគណបក្សប្រជាជនកម្ពុជាខេត្ត បានមានប្រសាសន៍ណែនាំ ដល់យុវជនត្រូវបន្តយកចិត្តទុកដាក់ខ្ពស់ លើការចិញ្ចឹមចលនា សមាជិកគណបក្ស និងការជួយសម្របសម្រួលដល់សមាជិកបក្សរាល់ពេលពួកគាត់មានតម្រូវការ ឬមានសំណូមពរ និងជួបបញ្ហាផ្សេងៗ ជាពិសេសគឺត្រូវផ្សារភ្ជាប់ទៅនឹងការផ្ដល់-ទទួលសេវាសាធារណៈ ដែលជាតម្រូវការចាំបាច់ប្រចាំថ្ងៃ របស់ពួកគាត់ផងដែរ។ ជាមួយគ្នានោះដែរ ឯកឧត្តម បានបញ្ជាក់ថា រាល់សកម្មភាពបក្សទាំងអស់ គឺត្រូវប្រកាន់ខ្ជាប់នូវស្មារតី ដើម្បីផលប្រយោជន៍គណបក្ស និងប្រជាជន ដើម្បីកសាងកម្លាំងឱ្យកាន់តែមុតមាំក្នុងការប្រជែងយកជ័យជម្នះ ក្នុងការបោះឆ្នោតជ្រើសតាំងតំណាងរាស្ត្រនីតិកាលទី7 ដែលនឹងឈានមកដល់ នាថ្ងៃអាទិត្យ ទី23 ខែកក្កដា ឆ្នាំ2023 ខាងមុខនេះ៕   #dolynews

ក្រោយពីបានគោលការណ៍របស់ខ្ញុំ ក្រុមការងារអ.ម.តខេត្តបាត់ដំបង បានស្វែងរកឃើញក្មួយប្រុស រុន ភារម្យ ហៅអារ៉យ (អ្នកលក់ផ្កាដែលខ្ញុំបានជួបនៅខេត្តបាត់ដំបងកាលពីសប្តាហ៍មុន) និងក្រុមគ្រួសារ និងបានយកជំនួយខ្លះទៅផ្តល់ជូនគាត់មួយជំហាន ដោយខ្ញុំសន្យាថានឹងរកពេលវេលាជួបពួកគាត់នៅពេលក្រោយ។ កាលពីល្ងាចមិញនេះ ឆ្លៀតពេលដែលខ្ញុំត្រូវទៅបំពេញការងារនៅខេត្តក្បែរនោះ ខ្ញុំបានអោយក្រុមការងារនាំក្មួយប្រុស និងក្រុមគ្រួសាររបស់គាត់មកជួបខ្ញុំដើម្បីស្វែងយល់បន្ថែមពីស្ថានភាពគ្រួសាររបស់គាត់និងពិនិត្យលទ្ធភាពក្នុងការជួយពួកគាត់។ ខ្ញុំសូមកោតសរសើរប្អូនប្រុស ប្អូនស្រីដែលជាឪពុកម្តាយរបស់ក្មួយៗ ដែលទោះជាមានជីវភាពមិនសូវធូរធារ ប៉ុន្តែអប់រំកូនៗបានល្អ អោយចេះខិតខំប្រឹងប្រែង តស៊ូ និងប្រកាន់ខ្ជាប់នូវគុណធម៌ សីលធម៌ និងអំពើសុចរិតតាំងពីតូចៗ។ ខ្ញុំក៏សូមកោតសរសើរក្មួយប្រុស រុន ភារម្យ ដែលមានទឹកចិត្តក្លាហាន មានការទទួលខុសត្រូវ និងចេះជួយទុក្ខធុរៈឪពុកម្តាយតាំងពីអាយុ ៦ឆ្នាំម៉្លេះ (ឥឡូវក្មួយមានអាយុ ១៣ឆ្នាំ)។ ក្រោយពីស្វែងយល់ពីស្ថានភាពគ្រួសាររបស់គាត់ ខ្ញុំបានសម្រេច៖ ១) ជួយផ្តល់មធ្យោបាយនិងលទ្ធភាពអោយឪពុកនិងម្តាយរបស់គាត់កែសម្រួលមុខរបរអោយបានកាន់តែប្រសើរ ដើម្បីបង្កើនចំណូលក្នុងគ្រួសារ ២) ជួយក្មួយប្រុស រុន ភារម្យ និងប្អូនស្រីរបស់គាត់ អោយបានចូលរៀននៅសាលាដែលពួកគាត់ចង់រៀន រហូតដល់ចប់ថ្នាក់ទី១២ និងគ្រោងផ្តល់អាហារូបករណ៍សម្រាប់បន្តរៀនសូត្រនៅថ្នាក់ឧត្តមសិក្សាទៀត ដើម្បីក្មួយៗអាចកសាងសមត្ថភាពរបស់ខ្លួន និងចូលរួមជួយគ្រួសារនិងសង្គមជាតិយើងនៅពេលអនាគត។ ខ្ញុំក៏សូមអរគុណដល់លោក លឹម គុណវុធ និងបងប្អូនក្រុមការងារអ.ម.ត ខេត្តបាត់ដំបង ដែលបានជួយស្វែងរកក្មួយប្រុសនិងក្រុមគ្រួសារ និងបានសម្របសម្រួលជំនួបនេះ។ #dolynews

នៅមុននេះបន្តិចសម្ដេចអគ្គមហាសេនាបតីតេជោ ហ៊ុន សែន បាន បង្ហោះសារនៅលើទំព័រតេឡេក្រាមយ៉ាងដូច្នេះថា ល្ងាចនេះតាបានឃើញតាមបណ្តាញសង្គមអំពីចៅស្រី ផុន រ៉ាសុី ដែលជាយុវជនស្ម័គ្រចិត្តមកចូលរួមជួយបម្រើដល់ការប្រកួតសុីហ្គេមហើយបាត់ម៉ូតូ។ តាសុំជួយ3,000$សម្រាប់ទិញម៉ូតូមកប្រើប្រាស់វិញ។ សូមចៅទាក់ទងជាមួយលោក សេង ទៀង តាមទូរសព្វ័លេខ012 961971ដើម្បីទទួលយកថវិកា។ #dolynews

ខេត្តកំពង់ចាម ថ្ងៃសុក្រ ទី 19 ខែឧសភា ឆ្នាំ 2023 នេះឯកឧត្តម នាយឧត្តមសេនីយ៍ ហ៊ុន ម៉ាណែត បានអញ្ជើញចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការ ស្ពានបេតុងចំនួន (9 កន្លែង) ឆ្លងកាត់5 ឃុំ ស្ថិតក្នុងស្រុកស្រីសន្ធរ ខេត្តកំពង់ចាម។   #dolynews

នៅព្រឹកថ្ងៃទី 19 ខែឧសភា ឆ្នាំ 2023 នេះ សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព របៀបវារៈ នៃកិច្ចប្រជុំនាសប្តាហ៍នេះ មានដូចខាងក្រោម៖ 1 -សេចក្តីព្រាងច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម។ 2 -សេចក្តីព្រាងច្បាប់ស្តីពីវិធានដើមកំណើតទំនិញ។ 3 -របាយការណ៍ស្តីពីកិច្ចប្រជុំរបស់គណៈកម្មការអន្តរក្រសួង ដើម្បីសិក្សា និងអនុវត្តគម្រោងនាវាចរណ៍ និងប្រព័ន្ធភស្តុភារកម្មទន្លេបាសាក់។   4 -បញ្ហាផ្សេងៗ៕   #dolynews

គិតមកទល់នឹងពេលនេះ មានតម្រុយខ្លះៗហើយ ដោយសារក្រុមចោទប្លន់មាសចំនួនជិត 20 ម៉ឺនដុល្លារ។ ជនរងគ្រោះគឺជាប៉ូលីសព្រំដែនមួយរូបត្រូវបានក្រុមចោរ.វា.យ.មួយស្នាប់កាំ.ភ្លើ.ង.រ.បួ.សបែ.កក្បា.ល.ខណៈកំពុងយកមាស ផ្លាកទីន និងលុយយកទៅឲ្យប្រពន្ធដាក់លក់នៅក្នុងផ្សារស្ទឹងមានជ័យចាស់ ត្រូវបានចោ.រ.មួយក្រុមស្ទាក់ប្លន់យកទាំងអស់រលីង កាលពីវេលាម៉ោងជាង 8 ព្រឹក ហើយហេតុការណ៍បាញ់វាយប្លន់ខាងលើនេះដែរ ស្ថិតនៅចំណុចក្នុងផ្សារស្ទឹងមានជ័យចាស់ ក្រុម1 ភូមិមានជ័យ 2 សង្កាត់ស្ទឹងមានជ័យ1 ខណ្ឌមានជ័យ រាជធានីភ្នំពេញ ។ យ៉ាងណាមិញជនរងគ្រោះខាងលើមានឈ្មោះ អូន ហៀកភេទប្រុស អាយុ 55 ឆ្នាំ មុខរបរមន្ត្រីប៉ូលីសព្រំដែន ស្នាក់នៅផ្ទះលេខ 78 ក្រុម2 ភូមិមានជ័យ2 សង្កាត់ស្ទឹងមានជ័យ1 ចំណែកប្រពន្ធឈ្មោះ គង់ ផល្លា ភេទស្រី អាយុ 50 ឆ្នាំ មុខរបរលក់មាស ស្នាក់នៅជាមួយគ្នា យោងតាមប្រភពពីជនរងគ្រោះបានឲ្យដឹងថាប្ដីរបស់គាត់បានស្ពាយកាបូបនិងមានមាសទឹក10 ចំនួន 12 តម្លឹង ផ្លាកទីនទឹក7 និងទឹក 3 ចំនួន 200តម្លឹង និងលុយខ្មែរចំនួន 150 លានរៀលចេញពីផ្ទះរបស់គាត់ រួចដើរទៅតូបលក់មាសរបស់ប្រពន្ធគាត់នៅក្នុងផ្សារស្ទឹងមានជ័យ […]