Month: September 2022

មនុស្សប្រុស ស្រី ចំនួន 70 នាក់ ពាក់ព័ន្ធនឹងល្បែងស៊ីសងត្រូវបានចាប់គិតត្រឹមថ្ងៃទី 17 និង 18 ខែកញ្ញា ឆ្នាំ 2022 នេះ។ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានចេញបទបញ្ជាឲ្យអនុវត្តការបង្ក្រាបល្បែងស៊ីសងខុសច្បាប់ និងឯកឧត្តម ឧត្តមសេនីយ៍ឯក ស ថេត អគ្គស្នងរង និងជាស្នងការនគរបាលរាជធានីភ្នំពេញ បានដាក់ចេញនូវផែនការ និងបានបង្កើតក្រុមការងារ ដេីម្បីធ្វើការបង្ក្រាប ការបើកលេងល្បែនស៊ីសងខុសច្បាប់ រយៈពេល2ថ្ងៃកន្លងមក ថ្ងៃទី17-18 ដោយបានធ្វេីការបង្ក្រាប36ករណី ឃាត់ខ្លួន70នាក់ (ស្រី 35នាក់) (ចិន 10នាក់ កូរ៉េ 1នាក់ អារ៉ាប់ 1នាក់) ។

នៅព្រឹកថ្ងៃទី 19 ខែកញ្ញា ឆ្នាំ 2022 នេះ សម្ដេច ស ខេង ដឹកនាំកិច្ចប្រជុំស្ដីពី ករណីបង្ក្រាបបទល្មើសជួញដូរមនុស្ស និងល្បែង​ស៊ីសង​ខុសច្បាប់ នៅទីស្ដីការក្រសួងមហាផ្ទៃ។ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដឹកនាំកិច្ចប្រជុំនេះបន្ទាប់ពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី​ នៃ​ រាជរដ្ឋាភិបាល​ បាន​ដាក់​បញ្ជា​ដាច់​ណាត់ កាលពីចុងសប្ដាហ៍កន្លងទៅ ឲ្យមន្ត្រីមូលដ្ឋានធ្វើការ​ចុះ​បង្ក្រាប​បទ​ល្មើសល្បែ​ងស៊ី​សង​​ខុស​ច្បាប់​គ្រប់​ទម្រង់​គ្រប់ប្រភេទដែលកើតមាន។ យ៉ាងណាមិញនៅក្នុងកិច្ចប្រជុំព្រឹកនេះ ក៏មានការអញ្ជើញចូលរួមពីអភិបាលរាជធានី-ខេត្ត ព្រមទាំងអគ្គស្នងការ និង​ស្នង​ការ​នគរបាលខេត្ត-ក្រុង និងកងរាជអាវុធហត្ថលើផ្ទៃជាដើម៕

ពិធីប្រកាសមុខតំណែង មេបញ្ជាការកងរាជអាវុធហត្ថ ខេត្តប៉ៃលិន ក្រោមអធិបតីភាពឯកឧត្តម សៅ សុខា។ ប៉ៃលិន នៅបញ្ជាការដ្ឋានកងរាជអាវុធហត្ថខេត្តប៉ៃលិន ព្រឹកថ្ងៃទី16 ខែកញ្ញា ឆ្នាំ2022 ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធីប្រកាសមុខតំណែង មេបញ្ជាការ កងរាជអាវុធហត្ថខេត្តប៉ៃលិន ដោយលោកឧត្តមសេនីយ៍ត្រី វ៉ាន់ ណាឡុង ត្រូវបានផ្លាស់ប្តូរមុខតំណែងជាសមាជិកក្រុមស្រាវជ្រាវយុទ្ធសាស្ត្រយោធា ថ្នាក់អគ្គបញ្ជាការដ្ឋាន និងតែងតាំង លោកឧត្តមសេនីយ៍ត្រី កែវ សុផល ជាមេបញ្ជាការកងរាជអាវុធហត្ថខេត្តប៉ៃលិន ជំនួសវិញ។ លោកនាយឧត្តមសេនីយ៍ សៅ សុខា បានមានប្រសាសន៍ថ្លែងអំណរគុណយ៉ាងជ្រាលជ្រៅ ចំពោះឯកឧត្តម ប្រធានក្រុមប្រឹក្សាខេត្ត ឯកឧត្តម អភិបាលរងនៃគណៈអភិបាលខេត្ត លោកឧកញ៉ា លោកជំទាវ លោក លោកស្រី ភ្ញៀវកិត្តិយសទាំងអស់ ដែលបានចូលរួមតបតាមការអញ្ជើញរបស់កងរាជអាវុធហត្ថខេត្តប៉ៃលិន និងបានបន្តថាការតែងតាំងដំឡើង ផ្លាស់ប្តូរមុខតំណែង កន្លែងធ្វើការនៅក្នុងកងកម្លាំងប្រដាប់អាវុធ មន្ត្រីរាជការស៊ីវិល ក៏ដូចជាវិស័យឯកជននោះគឺជាក្រឹត្យក្រមនៃការងារចាត់តាំង រៀបចំធនធានមនុស្ស ដើម្បីភាពរីកចម្រើនការងារ និងក៏ជាឱកាសនៃការផ្លាស់ប្តូរបរិយាកាស ទីកន្លែងធ្វើការងារ ការផ្លាស់ប្តូរមុខតំណែងគឺមានអត្ថប្រយោជន៍ […]

នាព្រឹក ថ្ងៃទី16 ខែកញ្ញា ឆ្នាំ2022នេះ ឯកឧត្តម គង់សោភ័ណ្ឌ អញ្ជើញជាអធិបតីក្នុងពិធីបើកការដ្ឋានជួសជុលផ្លូវបេតុងអាមេប្រវែង 1.200 ម៉ែត្រ។ កណ្ដាល នៅក្នុងពិធីបើកការដ្ឋានជួសជុលផ្លូវចាក់បេតុងអាមេ ប្រវែង1.200ម៉ែត្រ ទទឹង6ម៉ែត្រ កម្រាស់ 0.15ម៉ែត្រ និងដាក់លូ2កន្លែង ជូនប្រជាពលរដ្ឋរស់នៅភូមិស្តៅកន្លែង និងភូមិស្តៅកន្លែង2 ឃុំដីឥដ្ឋ ស្រុកកៀនស្វាយ ខេត្តកណ្ដាល។ ពិធីបើកការដ្ឋាននេះដែរគឺជាសមិទ្ធផលថ្មីបន្ថែមទៀត ជាមួយនឹងសមិទ្ធផលជាច្រើនផ្សេង ក្នុងវិស័យសេដ្ឋកិច្ច-សង្គម ដើម្បីឲ្យមានសោភ័ណភាព បរិស្ថានល្អ ប្រកបដោយសមធម៌និងបរិយាប័ន្ន ស្របតាមគោលនយោបាយយុទ្ធសាស្ត្រចតុកោណរបស់រាជរដ្ឋាភិបាល ក្រោមការដឹកនាំដ៏ឈ្លាសវៃ និងប៉ិនប្រសប់ ប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន ដែលបានកំណត់យក “មនុស្ស ទឹក ផ្លូវ ភ្លើង” ជាអាទិភាពដើម្បីលើកកម្ពស់ផាសុខភាពនិងជីវភាពរស់នៅរបស់ប្រជាពលរដ្ឋគឺ”មានផ្លូវ មានស្ពាន មានក្ដីសង្ឃឹម និងមានការអភិវឌ្ឍលើគ្រប់វិស័យ និងមានសន្តិភាព ទើបសមិទ្ធផលដូចសព្វថ្ងៃ”។ ជាចុងក្រោយឯកឧត្តមបានពោលពាក្យយ៉ាងដូច្នេះថា សន្តិភាព ជាបេះដូងនៃក្ដីសង្ឃឹមរបស់ប្រជាពលរដ្ឋ និងការអភិវឌ្ឍ ដើម្បីកំណើនសេដ្ឋកិច្ចសង្គម និងគ្រួសារ៕

សុន្ទរកថា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងពិធីបើកសម្ពោធពិពណ៌ចិន-អាស៊ាន លើកទី19 ឆ្នាំ 2022 នៅទីក្រុងណានីង, ក្រោមប្រធានបទ << ការចែករំលែកកាលានុវត្តភាពថ្មី ដែលទទួលបានពីភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (អាសិប) ដើម្បីស្ថាបនាតំបន់ពាណិជ្ជកម្មសេរី ចិន-អាស៊ាន ទម្រង់ 3.0 >>។

ឯកឧត្តម ហ៊ុន ម៉ានីលើកឡើងយ៉ាងដូច្នេះថា«ពេលហូបដឹងថាឆ្ងាញ់ តែពេលវេចនំដោយផ្ទាល់ខ្លួនឯង ទើបបានដឹងថាមិនស្រួលនោះទេ ទម្រាំបានហូបនំមួយៗ» ។ កាលនៅពីក្មេងខ្ញុំចាំបានថាដល់រដូវវេចនំអន្សម ខ្ញុំតែងជួយកោសដូងលោកយាយ អ្នកម៉ែ។ ថ្ងៃនេះខ្ញុំបានចូលរួមវេចខ្លួនឯង ទើបខ្ញុំដឹងថាពិតជាមិនងាយស្រួលទេ ទម្រាំវេចបាននំមួយៗ ផ្តើមចេញពីការរៀបចំគ្រឿងផ្សំតាមលំដាប់លំដោយ ពេលវេច ពេលចង ពេលចំអិន និងការថែរក្សា។ ខ្ញុំសូមកោតសរសើរក្រុមការងាររៀបចំកម្មវិធី «ភ្ជុំបិណ្ឌ៖ តោះទៅវេចនំអន្សមរួមគ្នា» ដែលបានរៀបចំកម្មវិធីមួយ ដែលធ្វើឲ្យខ្ញុំស្ថិតក្នុងបរិយាកាសនៃបុណ្យភ្ជុំបិណ្ឌ រួចបាត់ទៅហើយ។ បរិយាកាសនេះ និងឱកាសនៃការជួបជុំអ្នកស្រឡាញ់ ថែរក្សាវប្បធម៌ខ្មែរបែបនេះពិតជារីករាយនិងមិនសូវបានប្រទះឃើញនោះទេ។ ឆ្លៀតក្នុងឱកាសនេះ ខ្ញុំក៏សូមលើកទឹកចិត្តដល់បងប្អូន យុវជន យុវនារី ក៏ដូចជាក្រុមគ្រួសារខ្មែរចូលរួមវេចនំអន្សមរួមគ្នា ជាក្រុមគ្រួសារខ្មែរនៅទីស្នាក់ការសហភាពសហព័ន្ធយុវជនកម្ពុជារាជធានីភ្នំពេញ នៅថ្ងៃទី17 និង18 ខែកញ្ញា ឆ្នាំ2022 ចាប់ពីម៉ោង9ព្រឹក ដល់ម៉ោង4រសៀល។

ឯកឧត្តម សន្ធិបណ្ឌិត សុខ ផល រដ្ឋលេខាធិការក្រសួងមហាផ្ទៃ ត្រូវបានសម្ដេចក្រឡាហោម ស ខេង ចេញលិខិតបង្គាប់ការ ឲ្យបង្ក្រាបល្បែងស៊ីសងខុសច្បាប់ទូទាំងប្រទេស។

សុន្ទរកថា សម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងពិធីបើកកិច្ចប្រជុំរដ្ឋមន្ត្រីថាមពលអាស៊ានលើកទី40 កិច្ចប្រជុំពាក់ព័ន្ធ និង វេទិកាធុរកិច្ចថាមពលអាស៊ានឆ្នាំ 2022 ក្រោមមូលបទ “បង្កើនល្បឿនអន្តរកាលថាមពលការស្ដារសេដ្ឋកិច្ចឡើងវិញនិងកំណើនប្រកបដោយចីរភាព” ។

សម្ដេចអគ្គមហាសេនាបតីតេជោ ហ៊ុន សែន បានបញ្ជាក់ថាដល់ពេលដែលត្រូវបញ្ចេញនូវរឿងរ៉ាវមួយចំនួនដែលមនុស្សភាគច្រើនមិនបានដឹង។ ឯកឧត្តម កែវ បាភ្នំ ប្រធានគណៈស្រាវជ្រាវប្រវត្តិសាស្រ្តគណបក្សប្រជាជននិងជារដ្ឋមន្ត្រីប្រតិភូអមនាយករដ្ឋមន្ត្រីបានសរសេរសៀវភៅមួយក្បាលដែលមានចំនួន601ទំព័រ។ សៀវភៅនេះបានបញ្ចេញនូវរឿងសម្ងាត់ប្រមាណ70 ទៅ80ភាគរយដែលមនុស្សភាគច្រើនមិនបានដឹងដែលខ្ញុំយល់ថាចាំបាច់ត្រូវបញ្ចេញឱ្យដឹងនាពេលនេះ។ ខ្ញុំកំពុងឱ្យបោះពុម្ភចំនួន5មុឺនច្បាប់និងចាត់ចែងឱ្យមានការបកប្រែជាភាសារអង់គ្លេសដើម្បីឱយមិត្តភក្រ័បរទេសបានផងដែរ។ជូនភ្ជាប់ជាមួយនូវរូបភាពសៀវភៅ៕

រាជធានីភ្នំពេញ ថ្ងៃអង្គារ ទី 13 ខែកញ្ញា ឆ្នាំ 2022 នេះឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរៈភូមិន្ទ និងជាមេបញ្ជាការកងទ័ពជើងគោក បានអញ្ជើញចូលរួមក្នុងពិធីសំណេះសំណាល ប្រគល់លិខិតថ្លែងអំណរគុណដល់សប្បុរសជនជប៉ុន និងប្រគល់-ទទួលរថយន្តពន្លត់អគ្គិភ័យ ។