នាព្រឹកថ្ងៃព្រហស្បតិ៍ទី 10 ខែកុម្ភៈ ឆ្នាំ 2022 នេះ ឯកឧត្តមនាយឧត្តមសេនីយ៍ សៅ សុខា ទទួលជួបពិភាក្សាការងារជាមួយ អគ្គស្នងការនគរបាលជាតិថៃ។ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានទទួលជួបពិភាក្សាការងារជាមួយ លោក នាយឧត្តមសេនីយ៍ Damrongsak Kittiprapad អគ្គស្នងការរងនគរបាលជាតិថៃ ដើម្បីពង្រឹងកិច្ចសហប្រតិបត្តិការលើវិស័យសន្តិសុខ សណ្តាប់ធ្នាប់ជាតិរវាងប្រទេសទាំងពីរកម្ពុជា-ថៃ។
ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ នៅព្រឹកទី 10 ខែកុម្ភៈ ឆ្នាំ 2022នេះ បានអញ្ជើញទទួលជួបសម្ដែងការគួរសមជាមួយឯកឧត្ដម Francois GROSDIDIER អភិបាលក្រុង Metz នៃសាធារណរដ្ឋបារាំង ពិភាក្សាការងារចងសម្ព័ន្ធមេត្រីភាពរវាងទីក្រុង Metz នឹងរាជធានីភ្នំពេញ និងបានផ្លាស់ប្ដូរបទពិសោធន៍ការងារមួយចំនួន បង្កើនទំនាក់ទំនងល្អរវាងទីក្រុងនឹងទីក្រុង ដើម្បីជំរុញឱ្យវិស័យវប្បធម៌ ទេសចរណ៍ និងវិស័យសំខាន់ៗមួយចំនួនកាន់តែល្អប្រសើរឡើង។
នាព្រឹកថ្ងៃទី10 ខែកុម្ភៈ ឆ្នាំ2022នេះ សម្ដេចតេជោ ហ៊ុនសែន កំពុងដឹកនាំគណៈប្រតិភូជាន់ខ្ពស់កម្ពុជាទៅបំពេញទស្សនកិច្ចនៅប្រទេសកូរ៉េ និងធ្វើជាសហប្រធានកិច្ចប្រជុំកំពូលសន្តិភាពពិភពលោក ចាប់ពីថ្ងៃទី10-13 ខែកុម្ភៈ ឆ្នាំ2022។ នៅក្នុងកិច្ចប្រជុំកំពូលសន្តិភាពពិភពលោកឆ្នាំ2022នេះ នឹងមានការចូលរួមពីបណ្តាវាគ្មិនសំខាន់ៗ និងអ្នកចូលរួមមកពី157ប្រទេស ដើម្បីស្វែងរកក្តីសង្ឃឹមក្នុងការបង្រួបបង្រួមឧបទ្វីបកូរ៉េប្រកបដោយសន្តិវិធី។ ក្នុងអំឡុងពេលស្នាក់នៅទីក្រុងសេអ៊ូល (Seoul) សម្ដេចនឹងជួបជាមួយ ឯកឧត្តម មូន ចេ-អ៊ីន (Moon Jae-in) ប្រធានាធិបតីនៃសាធារណរដ្ឋកូរ៉េ ដើម្បីពិភាក្សាអំពីទំនាក់ទំនង និងកិច្ចសហប្រតិបត្តិការទ្វេភាគី រួមមានកិច្ចសហប្រតិបត្តិការលើវិស័យនយោបាយ សេដ្ឋកិច្ច និងសង្គម-វប្បធម៌។ល។ ទន្ទឹមនឹងនោះដែរ សម្ដេចនឹងមានជំនួបជាមួយឯកឧត្តម បាន គី-មូន (Ban Ki-moon) អតីតអគ្គលេខាធិការអង្គការសហប្រជាជាតិ និងឥស្សរជននយោបាយ និងធុរជនផ្សេងទៀតផងដែរ។ ឆ្លៀតនៅក្នុងឱកាសនេះ សម្ដេចសូមអំពាវនាវដល់បងប្អូនជនរួមជាតិបន្តចូលរួមទប់ស្កាត់ការរីករាលដាលជំងឺឆ្លងកូវីដ19 ជាពិសេសមេរោគបំប្លែងខ្លួនថ្មីៗអូមីក្រុង (Omicron) ដែលអត្រាឆ្លងកំពុងកើនឡើងក្នុងរយៈពេលប៉ុន្មានថ្ងៃចុងក្រោយនេះ។ សូមយកចិត្តទុកដាក់ការពារខ្លួនជាចាំបាច់ ក្នុងនោះត្រូវមានការកាត់បន្ថយការជួបជុំ ឬការប្រមូលផ្តុំដែលមានមនុស្សច្រើន និងត្រូវអនុវត្តវិធានការ 3កុំ និង3ការពារ» ដើម្បីសុវត្ថិភាពសុខភាពយើងទាំងអស់គ្នា៕
ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរៈភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេស នៅព្រឹកថ្ងៃពុធ ទី9 ខែកុម្ភៈ ឆ្នាំ2022នេះ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស បានធ្វើការប្រជុំគណៈកម្មការអន្តរក្រសួង ដើម្បីត្រួតពិនិត្យករណីស្នើសុំដោះដូរបញ្ជាការដ្ឋាន កងរាជអាវុធហត្ថ ខេត្តកំពង់ចាម ព្រៃវែង និងស្វាយរៀង។
នៅព្រឹកថ្ងៃពុធ ៨ កើត ខែមាឃ ឆ្នាំឆ្លូវ ត្រីស័កពស ២៥៦៥ ត្រូវនឹងថ្ងៃទី 9 ខែកុម្ភៈ ឆ្នាំ 2022នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆ្នាំ2021 និងលើកទិសដៅការងារឆ្នាំ2022 នៅទីស្ដីការក្រសួងសាធារណការនិងដឹកជញ្ជូន។
សម្តេចតេជោ ហ៊ុន សែន អញ្ជើញសំណេះសំណាលជាមួយក្រុមការងារផលិតភាពយន្តភាគ រឿង ” កូនប្រុសក្រោមពន្លឺព្រះចន្ទពេញបូរណ៌មី ” នៅព្រឹកថ្ងៃទី០៨ ខែកុម្ភៈ ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញសំណេះសំណាលជាមួយក្រុមការងារផលិតភាពយន្តភាគរឿង ” កូនប្រុសក្រោមពន្លឺព្រះចន្ទ័ពេញបរមី ” ។ រឿង ” កូនប្រុសក្រោមពន្លឺព្រះចន្ទពេញបូរណ៌មី ” ដែលពីដំបូងឡើយគ្រោងថតផលិត ភាពយន្តភាគចំនួន ៤៤ភាគ ឥឡូវក្រុមគណៈកម្មការដឹកនាំរឿង បានពង្រីកនូវសេណារីយូដោយបញ្ជូលនូវតួអង្គប្រវត្តិសាស្រ្តមួយចំនួន និងឈុតឆាកថ្មីៗបន្ថែមទៀត ធ្វើឲ្យអត្ថបទភាពយន្តកើនឡើងរហូតដល់៥២ភាគ ក្រោយទទួលបានអនុសាសន៍ណែនាំដ៏ខ្ពង់ខ្ពស់បំផុត ពីសម្តេចអគ្គមហាសេនាបតីតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា និងដោយមានការផ្ចិតផ្ចង់និងប្រុងប្រយ័ត្នខ្ពស់បំផុត ក្រោមការជួយជ្រោមជ្រែង និងគាំទ្រយ៉ាងពេញទំហឹងពី ឯកឧត្តមនាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង។ នៅក្នុងរបាយការណ៍សង្ខេបស្តីពីវឌ្ឍនភាពការងារ របស់គណៈកម្មការផលិតខ្សែភាគយន្តភាគរឿង កូនប្រុសក្រោមពន្លឺព្រះចន្ទពេញបូរណ៌មី លោក ហ៊ុយ វាសនា អ្នកដឹកនាំរឿង បានឲ្យដឹងថា ក្រោយពីបានទទួលអនុសាសន៍ណែនាំដ៏ខ្ពង់ខ្ពស់បំផុតពី សម្តេចតេជោនាយករដ្ឋមន្រ្តី កាលពីថ្ងៃទី១៣ […]
ឯកឧត្តមបណ្ឌិត សុខ ប្រសិទ្ធិ ប្រជុំជាមួយអង្គការជំនួយផ្នែកច្បាប់នៃកម្ពុជា ដើម្បីពិភាក្សាលើគម្រោងបណ្តុះបណ្តាលច្បាប់ស្តីពីរបបសារព័ត៌មាន និងច្បាប់ដទៃទៀតដល់អ្នកសារព័ត៌មាន។ នៅព្រឹកថ្ងៃទី8 ខែកុម្ភៈ ឆ្នាំ2022 ឯកឧត្តមបណ្ឌិត សុខ ប្រសិទ្ធិ រដ្ឋលេខាធិការនិងជាប្រធានគណៈកម្មាធិការនីតិកម្ម នៃក្រសួងព័ត៌មាន រួមជាមួយមន្រ្តីផ្នែកច្បាប់និងមេធាវីប្រចាំក្រសួងព័ត៌មាន បានបើកកិច្ចប្រជុំជាមួយអង្គការជំនួយ ផ្នែកច្បាប់នៃកម្ពុជាដើម្បីពិភាក្សាលើគម្រោងបណ្តុះបណ្តាលច្បាប់ ស្តីពីរបបសារព័ត៌មាន និងច្បាប់ដទៃទៀតដល់អ្នកសារព័ត៌មាន នៅសាលប្រជុំព្រះវិហារទីស្តីការក្រសួង ។ លោក ស៊ឹង ម៉ុនវិចិត្រ ប្រធានគម្រោង អង្គការជំនួយផ្នែកច្បាប់នៃកម្ពុជាបានជម្រាបជូនថា អង្គការជំនួយផ្នែកច្បាប់នៃកម្ពុជាគឺជាអង្គការក្រៅរដ្ឋាភិបាល ដែលផ្តោតយកចិត្តទុកដាក់ដល់ជនក្រីក្រនៅប្រទេសកម្ពុជាលើសេវាកម្មច្បាប់ ។ កន្លងមក អង្គការបានជួយសេវាកម្មច្បាប់ដល់ស្ត្រី កុមារ និងអ្នកសារព័ត៌មាននៅកម្ពុជា ដែលបានចាប់ផ្តើមគម្រោងនៅឆ្នាំ2019 ហើយនឹងបញ្ចប់ដំណាក់កាលទី1នៅខែឧសភា ឆ្នាំ2022ខាងមុខនេះ។ សកម្មភាពគោលមួយចំនួនដែលអង្គការបានអនុវត្តទាក់ទង នឹងសេវាកម្មផ្នែកច្បាប់រួមមាន ការរៀបចំសិក្ខាសាលាដល់អ្នកសារព័ត៌មាន ប្រជុំជាមួយអង្គភាពពាក់ព័ន្ធនៅតាមបណ្តាខេត្ត និងការពារក្តី ពិគ្រោះយោបល់ដល់អ្នកសារព័ត៌មាន អង្គការបានចូលរួមលើកកម្ពស់ការផ្សព្វផ្សាយរបស់អ្នកសារព័ត៌មាន ប្រកបដោយក្រមសីលធម៌វិជ្ជាជីវៈ ស្របតាមច្បាប់ និងបទដ្ឋានគតិយុត្ត លោកប្រធានគម្រោងក៏បានធ្វើរបាយការណ៍អំពីលទ្ធផល នៃ សកម្មភាព ដែលបានអនុវត្តកន្លងមកនិងផែនការសកម្មភាព សម្រាប់គម្រោងបន្ទាប់។ នៅក្នុងឱកាសនោះដែរលោកប្រធានគម្រោងបាន សំណូមពរដល់ក្រសួងព័ត៌មាន […]