រកស៊ីអី មិនរក មកជួញដូរជនជាតិចិន28នាក់ចូលមកខេត្តស្វាយរៀង ត្រូវបានឃាត់ខ្លួន ប្រភពច្បាស់ការពីសមត្ថកិច្ចនគរបាលខេត្តស្វាយរៀងបានអោយដឹងថា នៅយប់ថ្ងៃទី 21 ខែ មេសា ឆ្នាំ 2021 សមត្ថកិច្ចនគរបាលខេត្តស្វាយរៀង បានឃាត់ខ្លួន ឧត្ដមសេនីយ៍ទោ ស៊ុំ ពៅ មានតួនាទីជា អនុប្រធានក្រុមការងារស្រាវជ្រាវយុទ្ធសាស្ត្រយោធា អគ្គបញ្ជាការដ្ឋានកងយោធពលខេមរភូមិន្ទ ពីបទពាក់ព័ន្ធដឹកជញ្ជូនចិន ២៨ នាក់ បំពានទៅលេីសេចក្ដីសម្រេចរបស់សម្ដេចតេជោ ហ៊ុន សែន បរមុខរាជរដ្ឋាភិបាលកម្ពុជា។ យ៉ាងណាមិញនាយទាហានជាន់ខ្ពស់នៅអគ្គបញ្ជាការដ្ឋាន បានបង្ហេីបអោយដឹងថា អគ្គបញ្ជាការដ្ឋានពិតជាទទួលបានការជូនដំណឹងពី ឯកឧត្ដម នាយឧត្ដមសេនីយ៍ នេត សាវឿន អគ្គស្នងការ នគរបាលជាតិ អំពីការឃាត់ខ្លួនលោក ស៊ុំ ពៅ ពិតប្រាកដមែន ហេីយ ឯកឧត្ដម នាយឧត្ដមសេនីយ៍ វង្ស ពិសេន អគ្គមេបញ្ជា ក៏បានឯកភាពអោយចាត់ការតាមច្បាប់ដោយមិនអត់ឱនឬយោគយល់ឡេីយ ។
