នាយឧត្តមសេនីយ៍ សៅ សុខា បានអញ្ជើញជាអធិបតីភាពក្នុងពិធីប្រជុំបូកសរុបការងារ កងរាជអាវុធហត្ថ ឆ្នាំ 2020 និងលើកទិសដៅផែនការសកម្មភាពការងារ កងរាជអាវុធហត្ថ ឆ្នាំ 2021។
នៅព្រឹកថ្ងៃអង្គារ ទី 9 ខែកុម្ភៈ ឆ្នាំ 2021នេះ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោកនាយឧត្តមសេនីយ៍សៅ សុខា អគ្គមេបញ្ជាការរង នៃកងយុទ្ធពលខេមរៈភូមិន្ទនិងជាមេបញ្ជាការ កងរាជអាវុធហត្ថ លើផ្ទៃប្រទេស បានអញ្ជើញជាអធិបតីភាពក្នុងពិធីប្រជុំបូកសរុបការងារ កងរាជអាវុធហត្ថឆ្នាំ 2020 និងលើកទិសដៅផែនការសកម្មភាពការងារកងរាជអាវុធហត្ថ ឆ្នាំ 2021 ក្នុងកិច្ចប្រជុំនេះដែរមានការអញ្ជើញចូលរួមពីសំណាក់លោកមេបញ្ជាការរងនាយសេនាធិការ នាយសេនាធិការរង ស្នងការ នាយកវិទ្យាស្ថាន នាយកមជ្ឈមណ្ឌល មេបញ្ជាការកងរាជអាវុធហត្ថរាជធានី ខេត្ត ព្រមទាំងនាយការិយាល័យជាច្រើនរូបទៀត។
