សម្ដេចតេជោ ហ៊ុន សែនបានផ្ដល់អំណោយដ៏ថ្លៃថ្លា នៅរថយន្តដឹកវ៉ាក់សាំងចំនួន 30 គ្រឿង ជូនដល់មន្ទីរសុខាភិបាលទាំង 25 ខេត្ត ក្រុង។
នៅព្រឹកថ្ងៃទី9 ខែកក្កដា ឆ្នាំ2021នេះ លោកជំទាវ វេជ្ជបណ្ឌិត ឱ វណ្ណឌីន អ្នកនាំពាក្យ រដ្ឋលេខាធិការក្រសួងសុខាភិបាល និងជាប្រធានគណៈកម្មាការចំពោះកិច្ចចាក់វ៉ាក់សាំងកូវីដ19 ក្នុងក្របខណ្ឌទូទាំងប្រទេស អញ្ជើញប្រគល់រថយន្តដឹកវ៉ាក់សាំងចំនួន30គ្រឿង ដែលជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាជូនដល់មន្ទីរសុខាភិបាលទាំង២៥ ខេត្ត ក្រុង នៅឃ្លាំងឱសថកណ្តាល (CMS) រាជធានីភ្នំពេញ។
