ឯកឧត្តម ឃួង ស្រេង អភិបាលនៃគណៈអភិបាល រាជធានីភំ្នពេញ បានបើកកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈការបញ្ជូនរូបភាព និងសម្លេង ( Video Conference ) នារសៀលថ្ងៃទី 28 ខែមេសា ឆ្នាំ 2021 នេះ ។
ស្ដីពីការរៀបចំផែនការកម្លាំងតាមគោលដៅ និងកម្លាំងល្បាតក្នុងមូលដ្ឋានរបស់រដ្ឋបាលខណ្ឌនីមួយៗ ដែលមាន (តំបន់ក្រហម) ( តំបន់លឿងទុំ ) ( និងតំបន់លឿង ) ដើម្បី
អនុវត្តឱ្យមានប្រសិទ្ធភាពតាមសេចក្ដីសម្រេចរបស់រដ្ឋបាល រាជធានីភំ្នពេញ លេខ 097/21 សសរ ស្ដីពីការកំណត់ភូមិសាស្រ្តរាជធានី
ភ្នំពេញជា ( តំបន់ក្រហម ) ( តំបន់លឿងទុំ ) និង ( តំបន់លឿង ) ។
ក្នុងអំឡុងពេលនៃការអនុវត្តវិធានការបិទខ្ទប់តាម សេចក្ដីសម្រេចរបស់រាជរដ្ឋាភិបាល លេខ
54 សសរ ស្ដីពីការបន្តការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅ នៃខេត្តកណ្ដាល ដើម្បីទប់ស្កាត់ការរីករាលដាលនៃជំងឺកូវីដ19 និងឈានទៅរកការកាត់ផ្ដាច់នៃឫសគល់ការឆ្លងមេរោគកូវីដ19ទាំងស្រុង។
