នៅព្រឹកថ្ងៃទី27 ខែមេសា ឆ្នាំ2021នេះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានដឹកនាំគណៈប្រតិភូក្រសួងព័ត៌មាន
អញ្ជើញដាក់កម្រងផ្កា គោរពវិញ្ញាណក្ខន្ធសព លោកឧបាសក ខៀវ សាន ត្រូវជា ឪពុកបង្កើត ឯកឧត្តម សន្តិបណ្ឌិត ខៀវ សុភ័គ រដ្ឋលេខាធិការ និងជានាយកខុទ្ទកាល័យសម្តេច
ក្រឡាហោម ស ខេង ឧបនាយក រដ្ឋមន្ត្រី រដ្ឋមន្ត្រីក្រសួងមហាផ្ទៃ ដែល បានទទួលមរណភាពកាលពីថ្ងៃអាទិត្យ 14កើត ខែពិសាខ ឆ្នាំឆ្លូវ ត្រីស័ក ព.ស.2564 ត្រូវនឹងថ្ងៃទី25 ខែមេសា ឆ្នាំ2021 វេលាម៉ោង 23:15 នាទី ក្នុងជន្មាយុ 91 ឆ្នាំ ដោយជរាពាធ។
សពលោកឧបាសក ខៀវ សាន ត្រូវបានតម្កល់ទុកធ្វើបុណ្យតាមប្រពៃណីនៅគេហដ្ឋាន បុរីជីបម៉ុង ផ្ទះលេខ 31ផ្លូវលេខ 07ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ៕
