សេចក្ដីជូនដំណឹង របស់ក្រសួងធនធានទឹក និងឧតុនិយមប្រកាសថាចាប់ពីថ្ងៃទី 6 រហូតដល់ថ្ងៃទី 12 ខែកក្កដា ឆ្នាំ 2022 នេះ កម្ពុជាបន្តទទួលរងឥទ្ធិពលពីជ្រលងនៃប្រព័ន្ធសម្ពាធទាបដែលកើតឡើងអូសបន្លាយលើភាគខាងជើងប្រទេសថៃ ឡាវ និងវៀតណាម ជាមួយនឹងឥទ្ធិពលនៃខ្យល់មូសុងនិរតីបក់ក្នុងល្បឿនពីមធ្យមទៅបង្គួរ ធ្វើឱ្យស្ថានភាពអាកាសធាតុនៅកម្ពុជា អាចមានភ្លៀងធ្លាក់ក្នុងកម្រិតពីតិចទៅបង្គួរ លាយឡំដោយផ្គរ រន្ទះ និងខ្យល់កន្ត្រាក់ ហើយកន្លែងខ្លះអាចមានភ្លៀងធ្លាក់ច្រើនដោយអន្លើៗ រីឯនៅតំបន់មាត់សមុទ្រមានរលកខ្ពស់ៗ។