តាមប្រភពព័ត៌មាននៅព្រឹកថ្ងៃទី 13 ខែមីនា ឆ្នាំ 2022 នេះ លោកវរៈសេនីយ៍ឯក សុខ ហេង អធិការនគរបាលខណ្ឌ ទួលគោក បានអោយដឹងថា សមត្ថកិច្ចរបស់លោកកំពុងចាត់ការបណ្ដឹងរបស់លោកស្រី ហេង មួយគា ភរិយាលោក មុត ដារា ព្រះរាជអាជ្ញារងអមសាលាដំបូងរាជធានីភ្នំពេញ ដែលបានប្ដឹងប្ដី ពីបទប្រេីអាវុធគំរាមបាញ់សម្លាប់ និងប្រើហិង្សាទៅលើខ្លួន និងកូនឈ្នួលកាលពីយប់ថ្ងៃទី12 ខែមីនា ឆ្ឆ្នាំ2022 ។
លោក មុត ដារា ព្រះរាជអាជ្ញារងអមសាលាដំបូងរាជធានីភ្នំពេញ ដែលរងការប្ដឹងចោទប្រកាន់ពីប្រពន្ធមិនទាន់បំភ្លឺជូនអ្នកសារព័ត៌មាន និងមហាជននៅឡេីយទេ។ ប៉ុន្តែតាមរយៈ ហ្វេសប៊ុករបស់លោកស្រី ហេង មួយគា ភរិយាលោក មុត ដារា នៅព្រឹកនេះ បានបង្ហោះ រូបថតថតស្រីស្អាតម្នាក់ដែលមានឈ្មោះ ហ្វេសប៊ុក Wei Wei ដោយសរសេរខ្លឹមសារថា “ នេះជាមូលហេតុចំបងដែលធ្វើអោយគ្រួសារខ្ញុំមានអំពើហិង្សាសាហាវព្រៃផ្សៃ ហ៊ានគំរាមកំហែងសម្លាប់ខ្ញុំ និងធ្វើអោយគ្រួសារខ្ញុំបែកបាក់ព្រាត់ប្រាស់គ្នា “ ។
បេីតាមការរៀបរាប់របស់លោកស្រី ហេង មួយគា ករណី លោក មុត ដារា ព្រះរាជអាជ្ញារង ប្រេីហឹង្សាលេីប្រពន្ធ អាចផ្ដេីមចេញពីស្នេហាត្រីកោណ ។
