នៅថ្ងៃសុក្រ ទី3 ខែធ្នូ ឆ្នាំ2021 ខាងមុខនេះ កម្ពុជានឹងប្រគល់អំណោយ ជាវ៉ាក់សាំងស៊ីណូវ៉ាក់ចំនួន50ម៉ឺនដូស និងរថយន្តដឹកវ៉ាក់សាំងចំនួន2គ្រឿង ដល់ប្រទេសឡាវ ដើម្បីចូលរួមប្រយុទ្ធប្រឆាំងកូវីដ19 និងជាទឹកចិត្តដ៏ប្រពៃរបស់រដ្ឋាភិបាល និងប្រជាជនកម្ពុជាជួយគ្នាទៅវិញទៅមកក្នុងនាមជាប្រទេសជិតខាងភូមិផងរបងជាមួយគ្នា។
ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល និង លោកជំទាវ ឱ វណ្ណឌីន ប្រធានគ.វ.ក-19 តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងប្រគល់ជូនភាគីឡាវដោយផ្ទាល់ នៅព្រំប្រទល់កម្ពុជា-ឡាវ ច្រកទ្វារព្រំដែនអន្តរជាតិត្រពាំងក្រៀល។
