ឯកឧត្តម ស សុខា បានមានប្រសាសន៍ថាបង្កគ្រោះថ្នាក់ហើយគេចខ្លួន បែរជាមានអ្នកចេញមុខតំណាងដោះស្រាយ ទម្លាប់បែបនេះពេលណាចប់? ភ្នំពេញ ៖ តាមរយៈវីដេអូគ្រោះថ្នាក់ចរាចរណ៍មួយ ដែលភាគីម្ខាងបានគេចចេញពីកន្លែងហេតុ ដោយមានមនុស្សផ្សេងចេញមុខជាអ្នកតំណាងដោះស្រាយ ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា បានបង្ហោះសារតាមផេកផ្លូវការរបស់ខ្លួន យ៉ាងដូច្នេះថា ៖ ជាការកត់សម្គាល់ គ្រោះថ្នាក់ចរាចរណ៍មួយចំនួនកើតឡើង ភាគីបង្កតែងគេចខ្លួនពីកន្លែងកើតហេតុតាមមធ្យោបាយផ្សេងៗ។ ខ្លាចខ្មាសគេជារឿងមួយ។ ការគេចឱ្យផុតពីការទទួលខុសត្រូវទាំងរដ្ឋប្បវេណី និងព្រហ្មទណ្ឌ ក៏ជារឿងមួយដែរ។ សារដដែល ឯកឧត្តម ស សុខា បានបន្តថា ងាកមកមើលករណីជាក់ស្ដែងដូចវីដេអូនេះវិញ។ ភាគីម្ខាងទៀតមិននៅហ្នឹងកន្លែងកើតហេតុដើម្បីដោះស្រាយតាមនីតិវិធី បែរជាគេចខ្លួន ហើយបើតាមការអះអាងពីភាគីម្ខាងទៀត(ពាក់អាវស)ថា បងប្រុសពាក់អាវខ្មៅដែលអះអាងថាជាអ្នកតំណាង គឺជាអ្នកជម្លៀសចេញ។ ប្រសិនដូចការអះអាងមែន ខ្ញុំយល់ថា អ្នកទាំងពីរមិនសមស្របនឹងសីលធម៌ទទួលខុសត្រូវសង្គម ពិសេសចំពោះភាគីម្ខាងទៀត បើសិនជាគេបើកបរត្រឹមត្រូវ។ ជាការយល់តិចតួចរបស់ខ្ញុំ ការជម្លៀស ឬនាំយកភាគីម្ខាងទៀតចេញ លុះត្រាតែអ្នកនោះរងរបួសដែលមិនអាចនៅបាន និងត្រូវការសង្គ្រោះជីវិត…។ នេះសំណាង ចេះគ្មានអ្នកស្លាប់។ ចុះបើមានអ្នកស្លាប់ ហើយអ្នកបង្កគេចខ្លួនបាត់ តើយុត្តិធម៌ជនរងគ្រោះនៅឯណា? […]
