តើឈ្មោះ ជិន គឹមអូន សាក់ សិច និង គឹម ឡាយ មេឈ្មួញឈើ ដុះស្លែជើងខ្លាំង គៀងគរពលរដ្ឋ ឱ្យចូលព្រៃកាប់បំផ្លាញព្រៃឡង់ និងព្រះរកា ដឹកជញ្ជូនពីខេត្តព្រះវិហារ យកទៅលក់លើទីផ្សារខេត្តកំពង់ចាម និងរាជធានីភ្នំពេញ ។ល។ តាមប្រភពពីមន្ត្រីអង្គការក្រៅរដ្ឋាភិបាលឃ្លាំមើលបទល្មើសព្រៃឈើក្នុង ខេត្តព្រះវិហារ បានបញ្ជាក់ថា កាលពី ថ្ងៃទី4 ខែមិថុនា ឆ្នាំ2022នេះ មានរថយន្តយីឌុប ភ្លៅ5 ពាក់ស្លាកលេខ ក្រចេះ 3A-0340 បានដឹកជញ្ជួនឈើ ចេញពីខេត្តព្រះវិហារចូលដេប៉ូ នៅភូមិតាឡែក ជិតស្នាក់ការបរិស្ថាន ខេត្តកំពង់ធំ គ្មានសមត្ថកិច្ចពាក់ព័ន្ធណាហ៊ានក្អក ឬបង្ក្រាបនោះឡើយ។ ទោះបីជាបណ្តាញសារព័ត៌មាន ជាច្រើនបានចុះផ្សាយព្រោងព្រាតក៏ដោយ សកម្មភាពនៅតែដដែល និងអ្នកខ្លះបានរាយការណ៍ផ្ទាល់ទៅដល់ថ្នាក់ជាតិក៏នៅតែគ្មានប្រសិទ្ធិភាព។ អង្គការសង្គមស៊ីវិលក៏ដូចជារប្រជាសហគមន៍ការពារព្រៃឈើ ដែលបានបង្ហាញភស្តុតាងជាច្រើនឱ្យដឹងថា ព្រៃឈើក្នុងតំបន់ព្រៃឡង់ និងព្រៃឈើក្នុងព្រៃព្រះរការ ស្ថិតក្នុងភូមិសាស្ត្រខេត្តព្រះវិហារ នៅតែរងការកាប់បំផ្លាញជារៀងរាល់ថ្ងៃ ចំណែកប្រធានមមន្ទីរបរិស្ថានខេត្ត ព្រះវិហារ និងប្រធានមន្ទីរកសិកម្ម រុក្ខាប្រមាញ់ ខេត្តព្រះវិហារវិញបានរក្សាភាពស្ងៀមស្ងាត់ ទើបពួកឈ្មួញមានឱកាសធ្វើអ្វីៗ បានតាមតែអំពើចិត្ត យ៉ាងអនាធិបតេយ្យបែបនេះ។ […]
