Month: May 2022

ស្វាយរៀង ឯកឧត្តម នាយឧត្តមសេនីយ៍ សៅ សុខា សមាជិកគណៈកម្មាធិការកណ្តាល និងជាអនុប្រធានក្រុមការងារគណៈកម្មាធិការកណ្តាល ចុះជួយខេត្តស្វាយរៀង ជាប្រធានក្រុមការងារចុះជួយស្រុករមាសហែក នៅព្រឹកថ្ងៃព្រហស្បតិ៍ ទី 5 ខែឧសភា ឆ្នាំ 2022 នេះ បានអញ្ជើញជាអធិបតីភាពក្នុងពិធីបញ្ចុះខណ្ឌសីមាព្រះវិហារ និងសម្ពោធឆ្លងសមិទ្ធផលនានា នៅក្នុងវត្តកំពង់ត្រាច ស្ថិតនៅភូមិតាត្រាវ ឃុំកំពង់ត្រាច ស្រុករមាសហែកខេត្តស្វាយរៀង។

រដ្ឋបាលខេត្តបន្ទាយមានជ័យ បានប្រកាសជូនដំណឹងថា – តម្លៃធ្វើប័ណ្ណព្រំដែនថ្មី 20,000រៀល – តម្លៃធ្វើសៀវភៅប័ណ្ណព្រំដែន 20,000រៀល – តម្លៃបន្តធ្វើប័ណ្ណព្រំដែន 10,000រៀល   ដូច្នេះសូមបងប្អូនកុំប្រើប្រាស់សេវារត់ការអី សូមអញ្ជើញទៅទីតាំងដោយផ្ទាល់ដូចខាងក្រោម! – ការិយាល័យច្រកចេញចូលតែមួយក្រុងប៉ោយប៉ែត – អង្គភាពច្រកចេញចូលតែមួយខេត្តបន្ទាយមានជ័យ រៀងរាល់ម៉ោងធ្វើការ។

សេចក្ដីប្រកាសព័ត៌មាន របស់ក្រសួងធនធានទឹក និងឧតុនិយម ក្នុងអំឡុងសប្តាហ៍ខាងមុខនេះ កម្ពុជា នឹងទទួលរងឥទ្ធិពលនៃជ្រលងសម្ពាធទាបឥណ្ឌា ដែលបណ្តាលឲ្យចន្លោះថ្ងៃទី4 រហូតដល់ថ្ងៃទី 10 ខែឧសភា ឆ្នាំ2022នេះ នៅក្នុងក្របខ័ណ្ឌទូទាំងប្រទេស អាចមានភ្លៀងធ្លាក់ពីកម្រិតខ្សោយទៅបង្គួរ លាយឡំបាតុភូត ផ្គររន្ទះ និងខ្យល់កន្ត្រាក់។

សម្រាប់ថ្ងៃទី 2 ខែឧសភា ឆ្នាំ 2022 នេះ មានករណីឆ្លងវីរុស covid-19 ថ្មី ចំនួន2នាក់ នឹងមានករណីជាសះស្បើយចំនួន 21នាក់ ក្នុងនោះមិនមានករណីស្លាប់ថ្មីនោះទេ។

សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា កន្លងមក សម្តេចតែងបង្ហោះរូបភាពតាមគណនី ឈ្មោះតាសាញ់។ ចាប់ពីពេលនេះទៅ សម្តេចនឹងប្រើប្រាស់គណនីផ្លូវការ Instagram របស់សម្តេច ដែលមានរូបភាពដូចភ្ជាប់ជាមួយនេះ។

កាលពីថ្ងៃទី 28 ខែមេសាឆ្នាំ 2022 នេះ កម្លាំងអាវុធហត្ថខេត្តកំពង់ចាម បានឃាត់ខ្លួនជនសង្ស័យជាបន្តបន្ទាប់ចំនួន9នាក់ ពាក់ព័ន្ធករណីគ្រឿងញៀន និងចប់វត្ថុតាងដែលពាក់ព័ន្ធមួយចំនួន ហើយបច្ចុប្បន្នមន្ត្រីជំនាញបានកសាងសំណុំរឿងតាមនីតិវិធី។

រាជធានីភ្នំពេញ នៅថ្ងៃអាទិត្យ ទី 1 ខែឧសភា ឆ្នាំ 2022 នេះឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានអញ្ជើញចូលរួមក្នុងកម្មពិធីសំណេះសំណាលជាមួយថ្នាក់ដឹកនាំសហជីព ក្នុងឱកាសខួបលើកទី136 ទិវាពលកម្មអន្តរជាតិ 1 ឧសភា ។