Month: April 2022

នៅព្រឹកថ្ងៃទ១៣កើត ខែចេត្រ ឆ្នាំខាល ចត្វាស័ក ពុទ្ធសករាជ២៥៦៥ ត្រូវនឹងថ្ងៃទី14 ខែមេសា ឆ្នាំ2022នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បុត្រាបុត្រី និងចៅៗបានប្រារព្វពិធីទទួលអំណរសាទរ ទេវតាឆ្នាំថ្មី ឆ្នាំខាល ចត្វាស័ក ពុទ្ធសករាជ២៥៦៦ ពីភូមិគ្រឹៈ ក្រុងព្រះសីហនុ ខេត្តព្រះសីហនុ។

សម្រាប់ថ្ងៃទី 14 ខែមេសា ឆ្នាំ 2022 នេះ មានករណីឆ្លងវីរុស covid-19 ថ្មីចំនួន 15នាក់ហើយនឹងករណីជាសះស្បើយចំនួន 20នាក់ ក្នុងនោះមិនមានករណីស្លាប់នោះទេ។

អបអរសាទរចូលឆ្នាំថ្មី ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី 14- 15 -16 មេសា ឆ្នាំ 2022 នេះ ស្ដីអំពីទិដ្ឋភាពដ៏ស្រស់ត្រកាលនាពេលព្រឹកនិងពេលរាត្រី នៃពិធីប្រារព្ធពិធីសង្ក្រាន្តឆ្នាំថ្មី នៅក្រុងតាខ្មៅ ខេត្តកណ្តាល។

នេះគឺជាប្រសាសន៍ របស់ឯកឧត្តម ហ៊ុន ម៉ាណែត មួយឆ្នាំគត់ (13 មេសា 2021 – 13 មេសា 2022)។ កាលពីមួយឆ្នាំមុនថ្ងៃនេះ (13 មេសា 2021) គឺជាថ្ងៃដែលរូបខ្ញុំនិងភរិយា ព្រមទាំងក្រុមការងារកំពុងមមារញឹកទាំងយប់ទាំងថ្ងៃក្នុងការរៀបចំមណ្ឌលព្យាបាលជម្ងឺកូវីដ19 កម្រិតស្រាលនៅកោះពេជ្រ តាមបទបញ្ជារបស់សម្តេចតេជោ ហ៊ុន សែន អោយបានលឿន (បន្ទាប់ពីបានបញ្ចប់ការរៀបចំមណ្ឌលព្យាបាលកូវីដ19 នៅសណ្ឋាគារ the Great Duke និងមន្ទីរពទ្យហ្លួងម៉ែ ដែលពេលនោះមានឈ្មោះថា នគរទេព្យ) ដោយសារការឆ្លងរីករាលដាលនៃជម្ងឺកូវីដ19 នៅរាជធានីភ្នំពេញនាពេលនោះ មានការកើនឡើងខ្លាំង ដែលតម្រូវអោយរៀបចំកន្លែងព្យាបាលបន្ថែមជាបន្ទាន់សម្រាប់ព្យាបាលប្រជាពលរដ្ឋដែលឆ្លងជម្ងឺកូវីដ19។   ខ្ញុំជឿជាក់ថា បងប្អូនដែលរស់នៅភ្នំពេញប្រាកដជាចងចាំច្បាស់នូវអារម្មណ៍របស់យើងនៅពេលនោះ ដែលពោរពេញទៅដោយការព្រួយបារម្ភភ័យខ្លាច និងមិនច្បាស់លាស់ថាទៅមុខនឹងទៅជាយ៉ាងណា បើមួយថ្ងៃៗមានអ្នកឆ្លងកូវីដ19ច្រើនបែបនេះ? ហើយការគិតគូរ អំពីការនាំគ្រួសារទៅដើរកំសាន្តពេលចូលឆ្នាំថ្មី កាលពីឆ្នាំមុននោះ ប្រាកដជាមិនមែនជាអាទិភាពសម្រាប់បងប្អូនទេ។ អាទិភាពរបស់បងប្អូននាពេលនោះ គឺការថែរក្សាសុខភាពនិងអាយុជីវិតរបស់ខ្លួននិងក្រុមគ្រួសារ ពោលគឺធ្វើយ៉ាងណាកុំអោយឆ្លងជម្ងឺកូវីដ19។   បើយើងចាំពីស្ថានភាពកាលពីមួយឆ្នាំមុនដូចខ្ញុំបានរៀបរាប់ដោយសង្ខេបពីខាងលើ យើងប្រាកដជាមានមោទនភាពណាស់ ដែលក្រោមការដឹកនាំផ្ទាល់របស់សម្តេចតេជោ យើងបានរួមគ្នាប្រយុទ្ធប្រឆាំងនឹងជម្ងឺកូវីដ19 បានជោគជ័យ ដែលអាចអោយយើងបើកដំណើរការប្រទេសរបស់យើងឡើងវិញបាន […]

នៅថ្ងៃទី 13 ខែមេសា ឆ្នាំ 2022 ខាងមុខនេះ ស្រុកបន្ទាយស្រី និងដង្ហែ ទីងមោងយក្ស ចេញពីទៅទីតាំងភូមិព្រះដាក់ បណ្តើរៗហើយ ដូច្នេះសូមអញ្ជើញបងប្អូនទៅទស្សនាការដង្ហែទីងមោងយក្ស នៅភូមិព្រះដាក់ទាំងអស់គ្នា។

រាជធានីភ្នំពេញ នៅថ្ងៃអង្គារ ទី 12 ខែមេសា ឆ្នាំ 2022 នេះឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានអញ្ជើញចូលរួមក្នុងពិធីចុះអនុស្សារណៈនៃការយោគយល់រវាងសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ជាមួយ ធនាគារ វីង (ខេមបូឌា) ម.ក (Wing Bank) និង ជាមួយធនាគារ ព្រីនស៍ ម.ក (Prince Bank)  

សម្រាប់ថ្ងៃទី 12 ខែមេសា ឆ្នាំ 2022នេះ មានករណីឆ្លងវីរុសកូវីដ19 ថ្មី ចំនួន 17 នាក់ ហើយនិងមានករណីជាសះស្បើយចំនួន27 នាក់ ក្នុងនោះមិនមានករណីស្លាប់ថ្មីនោះទេ។

សម្តេចតេជោ ហ៊ុន សែន អញ្ជើញទទួលវ៉ាក់សាំងជំនួយរបស់ប្រទេសឥណ្ឌា នៅព្រឹក ថ្ងៃអង្គារ ១១កើត ខែចេត្រ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី12 ខែមេសា ឆ្នាំ2022នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញក្នុងពិធីប្រគល់-ទទួលវ៉ាក់សាំងជំងឺកូវីដ19 ដែលជាជំនួយរបស់រដ្ឋាភិបាល និងប្រជាជនឥណ្ឌា ដែលពិធីនេះធ្វើឡើងនៅវិមានសន្តិភាព។ លោកជំទាវបណ្ឌិត ដេវីយ៉ានី ឧត្តាំ ខូប្រាហ្គាដ (H.E. Mrs. Devyani Uttam Khobragade) ឯកអគ្គរដ្ឋទូតឥណ្ឌា ប្រចាំនៅកម្ពុជា បានមានប្រសាសន៍ថា ដើម្បីរួមចំណែកប្រយុទ្ធប្រឆាំងជំងឺកូវីដ19 នៅក្នុងប្រទេសកម្ពុជា រដ្ឋាភិបាល និងប្រជាជនឥណ្ឌា ផ្តល់ជំនួយវ៉ាក់សាំងកូវីសែល ចំនួន 325,000ដូស ដល់រាជរដ្ឋាភិបាល និងប្រជាជនកម្ពុជា។ ក្នុងនោះវ៉ាក់សាំងចំនួន 20ម៉ឺនដូស ត្រូវបានដឹកនាំមកដល់កម្ពុជា នៅល្ងាចថ្ងៃទី11 ខែមេសា ឆ្នាំ2022នេះ។ដោយឡែកវ៉ាក់សាំងចំនួន 125,000ដូស នឹងត្រូវដឹកមកដល់កម្ពុជានៅថ្ងៃទី14 ខែមេសា ឆ្នាំ2022។ […]

សេចក្ដីជូនដំណឹង របស់ក្រសួងធនធានទឹក​ និងឧតុនិយមប្រកាសថា កម្ពុជានឹងទទួលរងឥទ្ធិពល នៃជ្រលងសម្ពាធទាប(ឥណ្ឌា) ក្នុងកម្រិតខ្សោយទៅមធ្យម និងឥទ្ធិពល នៃសម្ពាធផ្សេងៗទៀតជាបន្តបន្ទាប់ពីថ្ងៃទី13 រហូតដល់ទី 16 ខែមេសា ឆ្នាំ2022 ដែលនាំអោយកម្ពុជាមានភ្លៀងធ្លាក់ពីកម្រិតខ្សោយទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ព្រមទាំងមានសីតុណ្ហភាពធ្លាក់ចុះក្នុងកម្រិត22អង្សាសេ។ សូមប្រជាពលរដ្ឋ បង្កើនការប្រុងប្រយ័ត្ន ចំពោះបាតុភូតធម្មជាតិ ដែលអាចកើតមានជាយថាហេតុ។

សម្ដេចតេជោ ហ៊ុន សែន ជួបពិភាក្សាការងារជាមួយ ឯកអគ្គរដ្ឋទូតឡាវថ្មីប្រចាំកម្ពុជា នៅព្រឹកថ្ងៃចន្ទ ១០កើត ខែចេត្រ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី11 ខែមេសា ឆ្នាំ2022 នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញាតិឱ្យ ឯកឧត្តម បូរកែវ ភូមិវង់សាយ (Buakeo PHUMVONGSAY) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាធិបតេយ្យប្រជាមានិតឡាវតែងតាំងថ្មី ប្រចាំព្រះរាជាណាចក្រកម្ពុជា ចូលជួបសម្ដែងការគួរសម នៅវិមានសន្តិភាព។ ឯកឧត្តម បូរកែវ ភូមិវង់សាយ (Buakeo PHUMVONGSAY) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាធិបតេយ្យប្រជាមានិតឡាវតែងតាំងថ្មី ប្រចាំព្រះរាជាណាចក្រកម្ពុជា បានគោរពថ្លែងអំណរគុណយ៉ាងជ្រាលជ្រៅជាទីបំផុត ជូនចំពោះសម្ដេចតេជោ ដែលបានចំណាយពេលវេលាដ៏មានអ្នកទទួលជួបឯកឧត្តម។ ឯកឧត្តម ភូមិវង់សាយ បានគោរពនាំនូវការសួរសុខទុក្ខពីឯកឧត្តមនាយករដ្ឋមន្ត្រី ពីឯកឧត្តមប្រធានាធិបតី ជូនចំពោះសម្ដេចតេជោ ហើយក៏បានគោរពថ្លែងអំណរគុណចំពោះប្រជាជន រាជរដ្ឋាភិបាលកម្ពុជា ដែលបានជួយរដ្ឋាភិបាល និងប្រជាជនឡាវ ក្នុងការទប់ស្កាត់ការរីករាលដាលជំងឺកូវីដ19 […]