Month: January 2022

សេចក្ដីជូនដំណឹង ស្ដីពីអំពីលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី 27 ខែធ្នូ ឆ្នាំ 2021 ដូចតទៅ!

នៅព្រឹកថ្ងៃទី 14 ខែមករា ឆ្នាំ 2022 នេះ ឯកឧត្តម ខៀវ កាញារីទ្ធ បានទទួលសៀវភៅ រាជរដ្ឋាភិបាលកម្ពុជា ជោគជ័យក្នុងសង្គ្រាមដណ្តើមជីវិតពលរដ្ឋពីមាត់ជ្រោះមរណៈកូវីដ19 ភាគ2 ពីឯកឧត្តម ឆាយ សុផល។ សៀវភៅដែលមានចំណងជើងថា រាជរដ្ឋាភិបាលកម្ពុជា ជោគជ័យក្នុង សង្គ្រាមដណ្តើមជីវិតពលរដ្ឋពីមាត់ជ្រោះមរណ: “កូវីដ19” ភាគ2 ដែលជាស្នាដៃចងក្រងដោយ ឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាន និងជាអ្នកនិពន្ធសៀវភៅ បាននាំយកមកប្រគល់ជូនដល់ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន។   តាមការបញ្ជាក់របស់ ឯកឧត្តម ឆាយ សុផល បានអោយដឹងថា សៀវភៅនេះមានកម្រាស់ជាង 800ទំព័រ និយាយអំពីកិច្ចខិតខំប្រឹងប្រែង របស់រាជរដ្ឋាភិបាលកម្ពុជាក្នុងការប្រយុទ្ធប្រឆាំងជំងឺកូវីដ19 ភាគ2 ចាប់ពីថ្ងៃទី1 ខែសីហា ដល់ ថ្ងៃទី31 ខែធ្នូ ឆ្នាំ2021 ដែលជាថ្ងៃបិទបញ្ចប់ព្រឹត្តការណ៏ សហគមន៍ 20 កុម្ភះ […]

កំពង់ស្ពឺ នៅព្រឹកថ្ងៃទី14 ខែមករា ឆ្នាំ2022នេះ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក អញ្ជើញជាអធិបតីភាពក្នុងពិធីសម្ភោធដាក់អោយប្រើប្រាស់ជាផ្លូវការនូវអគារទីបញ្ជាការ អគារស្នាក់នៅ ផ្នែកសឹករង បរសេដ្ឋ ព្រមទាំងសមិទ្ធផលនានា របស់បញ្ជាការដ្ឋាន តំបន់ប្រតិបត្តិការសឹករងកំពង់ស្ពឺ។

សម្រាប់ថ្ងៃទី 14 ខែមករា ឆ្នាំ 2021 នេះ មានករណីឆ្លងវីរុស covid-19 ថ្មី ចំនួន 10 នាក់ ហើយនឹងករណីជាសះស្បើយចំនួន 15នាក់ និងមិនមានករណីស្លាប់ថ្មីនោះទេ។

សេចក្ដីជូនដំណឹង របស់ក្រសួងអប់រំ យុវជន និងកីឡា ប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃ 27 ខែ ធ្នូ ឆ្នាំ2021 នៅរាជធានីភ្នំពេញ និងខេត្តកណ្តាល នារសៀលថ្ងៃទី14 ខែមករា ឆ្នាំ2022នេះ ចាប់ពីម៉ោង 15៖00នាទី និងនៅខេត្តដទៃទៀត នៅព្រឹកទី15 ខែមករា ឆ្នាំ2022នេះ។

ពីរនាក់បានហើយ! ថ្ងៃនេះខ្ញុំនិងភរិយាចាក់វ៉ាក់សាំងដូសជំរុញដើម្បីការពារកូវីដ.១៩។ គ្មានជម្រើសអ្វីឱ្យល្អជាងការចាក់វ៉ាក់សាំងគួបផ្សំជាមួយវិធានការសុខាភិបាល៣ការពារនិង៣កុំនោះទេ។ ខ្ញុំមានកម្លាំងការពារយ៉ាង រឹងមាំនៅគ្រប់ទីកន្លែងតែពួកគាត់មិនអាច ការពារខ្ញុំមិនឱ្យឆ្លងកូវីដ.១៩បានឡើយ។ ប្រពន្ធនិងកូនៗព្រមទាំងចៅៗរបស់ខ្ញុំក៏មិន អាចការពារខ្ញុំបានដែរ។និយាយរួមគ្មាន អ្នកណាអាចការពារខ្ញុំបានឡើយគឺមាន តែរូបខ្ញុំខ្លួនឯងប៉ុណ្ណោះទើបអាចការពារ ខ្លួនខ្ញុំបាន។ សូមបងប្អូនជនរួមជាតិអញ្ជើញទៅចាក់ វ៉ាក់សាំងឱ្យបានគ្រប់ៗគ្នាទាំងដូស មូលដ្ឋានទាំងដូសជំរុញដើម្បីការពារខ្លួន យើង គ្រួសារយើង ភូមិ ឃុំយើងនិងជាតិ យើង៕

សម្រាប់ថ្ងៃទី 13 ខែមករា ឆ្នាំ 2022នេះ មានករណីឆ្លងវីរុសកូវីដ19 ថ្មី ចំនួន 34 នាក់ នឹងករណីជាសះស្បើយចំនួន 14 នាក់ ហើយមិនមានករណីស្លាប់ថ្មីនោះទេ។

នាព្រឹកថ្ងៃទី 13 ខែមករា ឆ្នាំ 2022 នេះ ឯកឧត្តម នាយឧត្តមសេនីយ៍ សៅ សុខា បើកកិច្ចប្រជុំពិភាក្សាឆ្លងរបាយការណ៍បូកសរុបការងារឆ្នាំ 2021 និងលើកទិសដៅផែនការសកម្មភាពការងារឆ្នាំ 2022។ នៅបញ្ជាការដ្ឋានកងរាជអាវុធហត្ថលើផ្ទៃប្រទេស មានកិច្ចប្រជុំជួរបញ្ជាការ ក្រោមអធិបតីភាព ឯកឧត្តម នាយឧត្តមសេនីយ៍ សៅ សុខា និងបានអញ្ជើញចូលរួមពីសំណាក់លោក លោកស្រីឧត្តមសេនីយ៍ មេបញ្ជាការរង កងរាជអាវុធហត្ថលើផ្ទៃប្រទេស នាយសេនាធិការ នាយខុទ្ទកាល័យ។

ចាប់ពីថ្ងៃទី 17 ខែមករា ឆ្នាំ 2022 នេះតទៅ ក្រសួងមហាផ្ទៃ ប្រកាសចាក់វ៉ាក់សាំងប្រភេទ Pfizer ដូសទី4 ជូនថ្នាក់ដឹកនាំក្រសួង មន្ត្រីនគរបាលជាតិ មន្ត្រីរាជការស៊ីវិល មន្ត្រីពន្ធនាគារ ព្រមទាំងក្រុមគ្រួសារ និងអតីតមន្ត្រីចូលនិវត្តន៍ ចំណុះទីស្តីការក្រសួងមហាផ្ទៃ។

នាព្រឹកថ្ងៃទី 13 ខែមករា ឆ្នាំ 2022 នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា អញ្ជើញសន្ទនាការងារតាមប្រព័ន្ធវីដេអូអនឡាញ ជាមួយលោកស្រីបណ្ឌិត ណូលីន ហេយហ្សី (Noeleen Hayzer) ប្រេសិតពិសេសថ្មី របស់អគ្គលេខាធិការអង្គការសហប្រជាជាតិ ទទួលបន្ទុកកិច្ចការមីយ៉ាន់ម៉ា ។