Month: January 2022

នៅព្រឹកថ្ងៃទី24 ខែមករា ឆ្នាំ2022នេះ បេក្ខជននិទ្ទេស A ចំនួន 33 នាក់ បានទទួលរង្វាន់ម៉ូតូ។ ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ បានប្រគល់ម៉ូតូដល់បេក្ខជននិទ្ទេស A ចំនួន33នាក់ ដែលបានប្រឡងជាប់សញ្ញាបត្រមធ្យមសិក្សាទុតិយភូមិ នាសម័យប្រឡង ថ្ងៃទី27 ខែធ្នូ ឆ្នាំ 2022ទាំងអស់ក្នុងខេត្តកំពង់ស្ពឺ។ សូមបញ្ជាក់ជូនផងដែរថា តាមលទ្ធផលដែលប្រកាសដោយក្រសួងអប់រំ យុវជន និងកីឡា សម្រាប់ខេត្តកំពង់ស្ពឺ មានបេក្ខជនបានដាក់ពាក្យសុំប្រឡងចំនួន4,555នាក់ ក្នុងនោះទទួលបាននិទ្ទេស A ចំនួន 33នាក់ និទ្ទេស B ចំនួន 153នាក់ និទ្ទេស C ចំនួន 456នាក់ និទ្ទេស D ចំនួន 985នាក់ និទ្ទេស E ចំនួន 1352នាក់។

នា​ព្រឹក​ថ្ងៃ​ចន្ទថ្ងៃ​ទី​24 ខែមករា ឆ្នាំ2022នេះ រដ្ឋបាល​រាជធានី​ភ្នំពេញ​បាន​រៀប​ចំ​ពិធីប្រគល់​-ទទួល​រថយន្ត​ពន្លត់​អគ្គិភ័យ​ប្រើប្រាស់​រួច​ចំនួន 4គ្រឿង ដល់ស្នងការដ្ឋាននគរបាលរាជធានីភ្នំពេញ។ ពិធីប្រគល់នេះជាគម្រោង​ធ្វើ​ឱ្យ​ប្រសើរ​ឡើង​នូវ​សមត្ថភាព​ពន្លត់​អគ្គិភ័យ ក្រោម​ហិរញ្ញ​ប្បទាន​ឥត​សំណងរបស់​រដ្ឋាភិបាល​ជប៉ុន ( គម្រោង​គូសាណូណិ ) ក្រោម​អធិបតីភាព​ឯកឧត្ដម មីកាមី ម៉ាសាហុីរ៉ូ ឯកអគ្គរាជទូត​វិសាមញ្ញ និង​ពេញ​សមត្ថភាព​ ជប៉ុន​ ប្រចាំ​កម្ពុជា និង​ ឯកឧត្ដម ឃួង ស្រេង អភិបាល នៃ​គណៈអភិបាល​រាជធានី​ភ្នំពេញ ស្ថិតនៅ​ការិយាល័យ​កណ្ដាល​អាវុធ​ជាតិ​ផ្ទុះ និង​អគ្គិភ័យ នៃ​ស្នងការ​ដ្ឋាន​នគរបាល​រាជធានី​ភ្នំពេញ ក្នុង​ភូមិ​ឡកំបោរ សង្កាត់​ស្វាយប៉ាក ខណ្ឌ​ឫស្សី​កែវ រាជធានី​ភ្នំពេញ​។

សម្រាប់ថ្ងៃទី 23 ខែមករា ឆ្នាំ 2022 នេះ មានករណីឆ្លងវីរុស covid-19 ថ្មី ចំនួន 26 នាក់ និងមានករណីជាសះស្បើយចំនួន 18 នាក់ ហើយមិនមានករណីស្លាប់ថ្មីនោះទេ។

គិតត្រឹមថ្ងៃទី22 ខែមករា ឆ្នាំ2022នេះ កំណើនអត្រានៃការចាក់វ៉ាក់សាំង covid-19 នៅកម្ពុជា។ -លើប្រជាជនអាយុពី 18ឆ្នាំឡើង មាន 101,90% ធៀបជាមួយចំនួនប្រជាជនគោលដៅ 10លាននាក់។ -លើកុមារ-យុវវ័យអាយុពី 12ឆ្នាំ ទៅក្រោម 18ឆ្នាំ មាន 99,40% ធៀបជាមួយចំនួនប្រជាជនគោលដៅ 1,827,348នាក់។ -លើកុមារអាយុពី 6ឆ្នាំ ដល់ក្រោម 12ឆ្នាំ មាន 105,77% ធៀបជាមួយនឹងប្រជាជនគោលដៅ 1,897,382នាក់។ -លើកុមារអាយុ 5ឆ្នាំ មាន 104,92% ធៀបជាមួយនឹងប្រជាជនគោលដៅ 304,317នាក់។ -លទ្ធផលចាក់វ៉ាក់សាំងធៀបនឹងចំនួនប្រជាជនសរុប 16លាននាក់ មាន 89,58% ៕

ថ្ងៃសៅរ៍ ទី 22 ខែមករា ឆ្នាំ 2022 នេះ ឯកឧត្តមឧត្តមសេនីយ៍ ហ៊ុន ម៉ាណែត បានបើកកិច្ចប្រជុំបូកសរុបលទ្ធផលការងារគណៈកម្មការ ក.26.13 ឆ្នាំ2021 និងទិសដៅការងារឆ្នាំ2022។

នៅវេលារសៀលថ្ងៃទី22 ខែមករា ឆ្នាំ2022នេះ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចព្រះមហាក្សត្រី នរោត្តមមុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេបានសព្វព្រះរាជហឫទ័យព្រះបរមរាជានុញ្ញាត ជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្តម ហ៊ុន ម៉ាណែត ចូលក្រាបថ្វាយបង្គំគាល់ នៅព្រះមហាប្រាសាទខេមរិន្ទ ក្នុងព្រះបរមរាជវាំង។

សម្រាប់ថ្ងៃទី 22 ខែមករា ឆ្នាំ 2022 នេះ មានករណីឆ្លងវីរុសកូវីថ19 ថ្មី ចំនួន 44 នាក់ ហើយមានករណីជាសះស្បើយចំនួន 15 នាក់ និងមិនមានករណីស្លាប់ថ្មីនោះទេ។

សេចក្ដីជូនដំណឹង របស់ក្រសួងសុខាភិបាល ប្រកាសពីនីតិវិធីសម្រាប់បង្ការ និងទប់ស្កាត់ការចម្លង និងរីករាលដាលនៃវីរុសកូវីដ19 បំប្លែងថ្មី ប្រភេទ​ អូ​មី​ក្រុង សម្រាប់អ្នកដំណើរចូលមកប្រទេសកម្ពុជាទាំងអស់។

នាល្ងាចថ្ងៃទី 21 ខែមករា ឆ្នាំ 2022 នេះ ឯកឧត្តម ហ៊ុន ម៉ានីទោះប្រឈមនឹងហានិភ័យនៃជំងឺកូវីដ19 ក្តី ប៉ុន្តែទឹកចិត្ត ឆន្ទៈ របស់សមាជិក សមាជិកា ស.ស.យ.ក. គ្រប់រូប បានបង្ហាញយ៉ាងច្បាស់ពីការលះបង់ សុខសុវត្ថិភាព អមដោយស្មារតីរួមសុខទុក្ខជាមួយប្រជាជន និងប្រជាជាតិនៅគ្រប់កាលៈទេសៈ។ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញជាគណៈអធិបតីក្នុងពិធីសំណេះសំណាលជាមួយគណៈកម្មាធិការ ឃុំ សង្កាត់ ក្រុង ស្រុក ខេត្ត ក្នុងរចនាសម្ព័ន្ធស.ស.យ.ក. ខេត្តព្រះសីហនុ ហេីយនៅក្នុងពិធីនេះដែរ ក៏មានវត្តមានចូលរួមពីសំណាក់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាអនុប្រធានសហភាពសហព័ន្ធយុវជនកម្ពុជា ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ និងឯកឧត្តម លោកជំទាវ លោក លោកស្រី ជាប្រធានស.ស.យ.ក ខេត្ត សមាជិក សមាជិកា គណៈកម្មកាធិការ ស.ស.យ.ក. ខេត្ត ក្រុង ស្រុក […]

ថ្ងៃសុក្រទី 21 ខែមករា ឆ្នាំ 2022 នេះ ឯកឧត្តម ណុប ដារ៉ា អភិបាលរងខេត្តកណ្តាល បានចូលរួមក្នុងកិច្ចប្រជុំកម្រិតរោងចក្រ ស្តីពី ”លទ្ធភាពក្នុងការផ្លាស់ ប្តូររថយន្តដឹកកម្មករនិយោជិតពីប្រភេទរថយន្តដឹកទំនិញមកជារថយន្ត ដែលមានសុវត្ថិភាពប្រសើរជាង” ។ នៅរោងចក្រ លីនវេនជីសាន់បូការ ស្ថិតនៅភូមិជ័យជំនះ ឃុំសៀមរាប ស្រុកកណ្តាលស្ទឹង ខេត្តកណ្តាល ឯកឧត្តមមានប្រសាសន៍ផ្តាំផ្ញើរ ទៅកាន់អង្គការមូលនិធិបង្ការរបួសអាសុី និងកម្មករនយោជិក ជម្រុញឱ្យមានមធ្យោបាយធ្វើដំណើរសមរម្យ និងមានសុវត្ថិភាពដល់កម្មករនិយោជិត គឺពិតជាមានសារៈសំខាន់ណាស់ ព្រោះមិនត្រឹមតែជួយបង្ការ និងកាត់បន្ថយគ្រោះថ្នាក់ចរាចរណ៍ក្នុងចំណោមកម្មករនិយោជិតទាំងនោះប៉ុណ្ណោះទេ ប៉ុន្តែថែមបានកាត់បន្ថយគ្រោះថ្នាក់ចរាចរណ៍ នៅទូទាំងប្រទេស ព្រមទាំងជួយដល់ការរៀបចំផែនការ និងការងារ ជម្រុញឱ្យមានលទ្ធភាពក្នុងការប្តូរ/កែច្នៃរថយន្ត ដឹកកម្មករនិយោជិតឱ្យមានសុវត្ថិភាពប្រសើរជាងបានឆាប់រហ័ស។ បន្ថែមពីនេះទៀត ការផ្តល់មធ្យោបាយ ធ្វើដំណើរសមរម្យ ដល់កម្មករនិយោជិត ក៏បានចូលរួមចំណែក ក្នុងវិស័យសុខភាពសាធារណៈ ដែលធ្វើឱ្យអ្នកដំណើរមានផាសុកភាពល្អ មានបរិយាកាសល្អ និងមិនមានជម្ងឺបៀតបៀន ដែលពួកគេមានសុខភាពល្អ និងបន្តការងារប្រចាំថ្ងៃបានទៀងទាត់ផងដែរ។