សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ទូលថ្វាយនូវសារលិខិតថ្លែងអំណរព្រះរាជគុណថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គសព្វព្រះរាជហឫទ័យប្រោសព្រះរាជូបត្ថម្ភនូវព្រះរាជទ្រព្យចំនួន 1,000 ដុល្លារ ចំពោះកាកបាទក្រហមកម្ពុជា សម្រាប់ខែវិច្ឆិកា ឆ្នាំ2021នេះ។
នៅព្រឹកថ្ងៃទី 25 ខែវិច្ឆិកា ឆ្នាំ 2021 នេះ គណៈកម្មាធិការអចិន្រ្តៃយ៍រដ្ឋសភាបានអនុម័តបន្ថែមរបៀបវារៈសម័យប្រជុំរដ្ឋសភា។ មុនបើកបន្តសម័យប្រជុំរដ្ឋសភា លើកទី6 នីតិកាលទី6 គណៈកម្មាធិការអចិន្ត្រៃយ៍រដ្ឋសភា បានបើកកិច្ចប្រជុំក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភា ដោយបានអនុម័តបន្ថែមរបៀបវារៈសម័យប្រជុំរដ្ឋសភានាព្រឹកនេះ។ របៀបវារៈ ដែលគណៈកម្មាធិការអចិន្រ្តៃយ៍រដ្ឋសភា ដាក់បញ្ចូលបន្ថែមក្នុងរបៀបវារៈសម័យប្រជុំរដ្ឋសភាព្រឹកនេះ គឺការបោះឆ្នោតទុកចិត្តអគ្គសវនករ និងអគ្គសវនកររង នៃអាជ្ញាធរសវនកម្មជាតិ ចំនួន 3រូប សម្រាប់បន្តអាណត្តិថ្មី 5 (ប្រាំ)ឆ្នាំ ដែលមាន លោកជំទាវ សោម គីមសួគ៌ ជាអគ្គសវនករ ឯកឧត្តម សួន សិទ្ធី ជាអគ្គសវនកររង ឯកឧត្តម អ៊ុក សារាវុធ ជាអគ្គសវនកររង៕
នៅរសៀលថ្ងៃទី24 ខែវិច្ឆិកា ឆ្នាំ2021នេះ ក្រោមកិច្ចសហការរវាងក្រសួងព័ត៌មានកម្ពុជា និងមូលនិធិអាស៊ី-អឺរ៉ុប (ASEFERT) ប្រជុំតាមប្រព័ន្ធវីដេអូ។ កម្ពុជាបានបន្តវេទិកាតុមូលនិពន្ធនាយកសារព័ត៌មានអាស៊ី-អឺរ៉ុបលើកទី10 (ASEFERT10) ក្រោមប្រធានបទ «ការពង្រឹងកិច្ចសហប្រតិបត្តិការរវាងអ្នកសារព័ត៌មានក្នុងការប្រយុទ្ធប្រឆាំងព័ត៌មានក្លែងក្លាយ» ដែលមាននិពន្ធនាយក និងអ្នកសារព័ត៌មានមកពីប្រព័ន្ធផ្សព្វផ្សាយធំៗនៅតំបន់អាស៊ី-អឺរ៉ុប ជាប្រទេសសមាជិក ASEM ចំនួន51ប្រទេស តាមប្រព័ន្ធវីដេអូ។ វេទិកាតុមូលនេះ គឺជាវេទិកាអមនៃកិច្ចប្រជុំកំពូលអាស៊ី-អឺរ៉ុបលើកទី13 ហើយវេទិកានេះដែរ គឺជាការបង្កើតអោយមានការផ្លាស់ប្តូរបទពិសោធន ទស្សនៈ និងទំនាក់ទំនងគ្នាទៅវិញទៅមក ដើម្បីភាពជិតស្និតរវាងតំណាងនិពន្ធនាយក និងអ្នកសារព័ត៌មានក្នុងតំបន់ អាស៊ី-អឺរ៉ុប។
នៅព្រឹកថ្ងៃទី 24 ខែវិច្ឆិកា ឆ្នាំ 2021 នេះ សម្តេចអគ្គមហាសេនាបតីតេជោ ហ៊ុន សែន បានបើកសន្តរកថា តាមរយៈប្រព័ន្ធវីដេអូ។ នាយករដ្ឋមន្ដ្រីនៃព្រះរាជាណាចក្រកម្ពុជា ថ្លែងក្នុងពិធីបើកវេទិកាសេដ្ឋកិច្ច និងធុរកិច្ចអាស៊ី-អ៊ឺរ៉ុប លើកទី 1ក្រោមមូលបទ : “ការផ្លាស់ប្តូរទៅគន្លងប្រក្រតីភាពថ្មី : ការលើកកម្ពស់ការចូលរួមក្នុងខ្សែច្រវាក់តម្លៃសកល ពហុភាគីនិយមនិង បដិវត្តន៍ឧស្សាហកម្មទី 4″ ។
ព័ត៌មានបឋម នៅល្ងាចម៉ោងប្រមាណជា 4 និង 10 នាទីល្ងាច ថ្ងៃទី 23 ខែវិច្ឆិកា ឆ្នាំ 2021 នេះ កម្លាំង នាយកដ្ឋាន នគរបាល ព្រហ្មទណ្ឌក្រសួងមហាផ្ទៃ សហការជាមួយកម្លាំងសមត្ថកិច្ចខណ្ឌទួលគោក កំពុងធ្វើការឡោមព័ន្ធទីតាំងអាគារខុនដូ មួយកន្លែង ដែលស្ថិតនៅតាមបណ្តោយផ្លូវលេខ261 ក្នុងសង្កាត់ទឹកល្អក់ទី1 ខណ្ឌទួលគោក រាជធានីភ្នំពេញ នៅពេលនេះ សមត្ថកិច្ចមិនទាន់ឱ្យដឹងថា ជាប្រតិបត្តិការលើបទល្មើសអ្វីនៅឡើយទេ។
នៅរសៀលថ្ងៃទី 23 ខែវិច្ឆិកា ឆ្នាំ 2021នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងរដ្ឋមន្ត្រីក្រសួងការពារជាតិ បានអញ្ជើញទទួលអំណោយសម្ភារៈវេជ្ជសាស្ត្រ ក្រសួងការពារប្រទេស នៃសាធារណរដ្ឋប្រជាមានិតចិន ពីឯកឧត្តម វ៉ាង វិនធាន ឯកអគ្គរាជទូតចិនប្រចាំកម្ពុជា ជូនក្រសួងការពារជាតិកម្ពុជា ដើម្បីចូលរួមទប់ស្កាត់ការឆ្លងរីករាលដាលជំងឺកូវីដ19 នៅព្រលានយន្តហោះអន្តរជាតិភ្នំពេញ ។
