បិទជាបណ្ដោះអាសន្ន ចាប់ពីថ្ងៃទី 29 ខែវិច្ឆិកា ឆ្នាំ 2021 នេះ រហូតដល់ថ្ងៃទី 5 ខែធ្នូ ឆ្នាំ 2021ក្នុងភូមិសាស្ត្ររាជធានីភ្នំពេញ សម្រាប់រយៈពេល 7 ថ្ងៃ ហេីយរដ្ឋបាលរាជធានីភ្នំពេញចេញសេចក្ដីសម្រេច ស្ដីពីការដាក់ចេញនូវវិធានការរដ្ឋបាល ដោយផ្អាកជាបណ្ដោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលជំងឺកូវីដ19 រួមមាន ខារ៉ាអូខេ រង្គសាល និងឌីស្កូតែក និងការជួបជុំ ឬការប្រមូលផ្ដុំមនុស្សជាលក្ខណៈឯកជន នៅក្នុងភូមិសាស្ត្ររាជធានីភ្នំពេញ។
កំពង់ឆ្នាំង: ព្រឹកថ្ងៃទី29 ខែវិច្ឆិកា ឆ្នាំ2021នេះ នៅសាលាខេត្តកំពង់ឆ្នាំង ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់និងបង្ក្រាបបទល្មើសធនធានធម្មជាតិ បានអញ្ជើញចូលរួមកិច្ចប្រជុំក្រោមអធិបតីភាព ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់។
នៅថ្ងៃទី 29 ខែវិច្ឆិកាឆ្នាំ 2021នេះ ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់និងបង្ក្រាបបទល្មើសធនធានធម្មជាតិ បានដឹកនាំកម្លាំងដោយផ្ទាល់ ចុះទៅធ្វើការទប់ស្កាត់ និងស្រាវជ្រាវបង្ក្រាបអំពើល្មើស ការកាប់ទន្ទ្រានព្រៃលិចទឹក នៅតំបន់បឹងទន្លេសាប។ ជាមួយគ្នានោះ ឯកឧត្តម នាយឧត្តមសេនីយ៍ ហ៊ូ សាគុណ អគ្គស្នងការរង នគរបាលជាតិ និងជាអនុប្រធានគណៈកម្មការជាតិ ក៏បានអញ្ជើញចូលរួមផងដែរ។
តើវាសនារបស់អតីតអភិបាលខេត្ត និងមន្ត្រីក្រោមឱវាទ ខេត្តកំពង់ឆ្នាំងចាស់ ទៅជាយ៉ាងណានៅពេលដែលរកឃើញថាពាក់ព័ន្ធនឹងករណីកាប់ទន្ទ្រានព្រៃឈើលិចទឹក។ សម្ដេចតេជោ ហ៊ុន សែន នៅរសៀលថ្ងៃទី 28 ខែ វិច្ឆិកា ឆ្នាំ 2021នេះ បានចេញសារពិសេសមួយដោយបានបញ្ជាអោយដកហូតដីចំនួន 2000 ហិកតា ពីអតីតអភិបាលខេត្តកំពង់ឆ្នាំង គឺ លោក ឈួរ ច័ន្ទឌឿន ដែលបច្ចុប្បន្នជាអនុរដ្ឋលេខាធិការ ក្រសួងអភិវឌ្ឍន៍ជនបទ មកជាសម្បត្តិរដ្ឋវិញ ។ តាមរយៈសារពិសេសនេះ សម្ដេចតេជោ ហ៊ុន សែន បានបញ្ជាអោយអនុវត្តន៍ច្បាប់អោយបានតឹងរឹងបំផុតចំពោះមន្ត្រី ឬ ប្រជាពលរដ្ឋណាដែលមានការពាក់ព័ន្ធកាន់កាប់ដីព្រៃលិចទឹកជុំវិញបឹងទន្លេសាបដោយខុសច្បាប់ ។ប្រភព PVNN
នៅថ្ងៃអាទិត្យ ទី28 ខែវិច្ឆិកា ឆ្នាំ2021នេះ លោក កឹម សុខា បានបង្ហោះសារនៅទំព័រ ហ្វេសប៊ុកផ្លូវការរបស់លោកដែលមានខ្លឹមសារទាំងស្រុងដូចខាងក្រោម ! កឹម សុខា :។ ខ្ញុំសង្កេតឃើញថា រហូតមកដល់ពេលនេះ លោក សម រង្ស៊ី និង សហការីនៅតែបន្តយកឈ្មោះ និងរូបថតខ្ញុំទៅប្រើប្រាស់ភ្ជាប់ជាមួយនឹងសកម្មភាពនានា ដែលពុំមានការអនុញ្ញតិ ឬ គាំទ្រពីខ្ញុំ។ លើសពីនេះទៅទៀត ជាក់ស្តែង លោក សម រង្ស៊ីនិងសហការីបានដើរចេញពីគោលការណ៍ និងស្មារតីដើមនៃការរួបរួម ដេាយទៅបង្កើតចលនានយោបាយផ្សេងៗ និងមុខតំណែងខ្លួនឯង ជាពិសេសថ្មីៗនេះគឺការត្រលប់ទៅគាំទ្រដោយចំហរឬ នៅពីក្រោយការដឹកនាំគណបក្សនយោបាយចាស់របស់ពួកគេ គឺគណបក្សភ្លើងទៀន។ ទង្វើរបស់ពួកគេសបញ្ជាក់ឲ្យឃើញថា សម រង្ស៊ី និង កឹម សុខា មិនមែនជាមនុស្សតែមួយទេ ព្រោះសកម្មភាពទាំងអស់នេះ មិនមានការគាំទ្រ ឬ ជាជំហ៊ររបស់ខ្ញុំឡើយ។ អាស្រ័យហេតុនេះ ខ្ញុំសូមអំពាវនាវឲ្យលោក សម រង្ស៊ី និង ក្រុមខាងលើ ឈប់បំពានមកលើរូបខ្ញុំដោយការយកឈ្មោះ និងរូបថតខ្ញុំ […]
នៅព្រឹកថ្ងៃទី 27 ខែវិច្ឆិកា ឆ្នាំ 2021 នេះ បើកដំណើរការ និងប្រើប្រាស់ជាផ្លូវការ «ការិយាល័យអេឡិចត្រូនិករបស់ឯកឧត្តម ហ៊ុន ម៉ានី»។ គេហទំព័រ hunmany.kh ត្រូវបានប្រកាសដាក់ឱ្យដំណើរការ និងប្រើប្រាស់ជាផ្លូវការ នៅការិយាល័យអេឡិចត្រូនិករបស់ ឯឧត្តម ហ៊ុន ម៉ានី ដែលមានការរចនានិងតម្លើងជាមួយមុខងារយ៉ាងច្រើនសម្បូរបែប គ្រប់ក្របខ័ណ្ឌការងារនិងបានឆាប់រហ័សតាមរយៈ ប្រព័ន្ធអេឡិចត្រូនិក។ ជាមួយនឹងពហុមុខងារដូចមានរៀបរាប់ខាងលើ ការិយាល័យអេឡិចត្រូនិកនេះ នឹងអនុញ្ញាតឱ្យសាធារណជនទទួលបានព័ត៌មានរបស់ ឯកឧត្តម ហ៊ុន ម៉ានី លើគ្រប់ក្របខណ្ឌការងាររួមមាន: (1) ប្រធានគណៈកម្មការអប់រំ យុវជន កីឡា កិច្ចការសាសនា វប្បធម៌ និងទេសចរណ៍ នៃរដ្ឋសភា។ (2) ប្រធានសហភាពសហព័ន្ធយុវជនកម្ពុជា។ (3)អគ្គលេខាធិការគណៈចលនាមហាជន នៃគណៈកម្មាធិការកណ្តាលគណបក្សប្រជាជនកម្ពុជា ។ (4)ប្រធានក្រុមប្រឹក្សាភិបាលមូលនិធិម៉ានី។ (5)អ្នកតំណាងរាស្ត្រមណ្ឌលកំពង់ស្ពឺ។ (6)ប្រធានក្រុមប្រឹក្សាភិបាលមជ្ឈមណ្ឌលកម្ពុជា4.0។ សូមជម្រាបជូនដែរថា សម្រាប់គេហទំព័រ hunmany.kh ដែលប្រើប្រាស់ជាការិយាល័យអេឡិចត្រូនិកនេះ គឺបានទទួលសិទ្ធក្នុងការប្រើប្រាស់ Domain.kh តែមួយគត់នៅកម្ពុជាក្នុងពេលបច្ចុប្បន្ន ហើយនិងបានដាក់បង្ហោះបានសម្រេចជាស្ថាពរ។