Month: August 2021

មនុស្សចំនួន 197នាក់ បន្តរកឃើញវិជ្ជមានគូវិដ 19 ថ្មី នៅថ្ងៃទី 1 ខែសីហា ឆ្នាំ 2021 នេះ ស្ថិតក្នុងខេត្តបន្ទាយមានជ័យ ហើយក៏មានករណីជាសះស្បើយចំនួន 70 នាក់ផងដែរ។

រដ្ឋបាលខេត្តព្រះវិហារ បានសម្រេចដាក់ឃុំជាំក្សាន្ត ( ជាតំបន់ក្រហម ) និងឃុំមរកត ឃុំទឹកក្រហម និងឃុំរំដោះស្រែជា( តំបន់លឿងទុំ ) រយះពេល14ថ្ងៃ គិតចាប់ពីថ្ងៃទី31 ខែកក្កដា ដលថ្ងៃទី13 ខែសីហា ឆ្នាំ2021នេះ។

មនុស្សចំនួន 72 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 31 ខែកក្កដា ឆ្នាំ 2021 នេះ ស្ថិតក្នុងខេត្តកំពង់ចាម ហើយក៏មានករណីជាសះស្បើយចំនួន 79 នាក់ នឹងករណីស្លាប់ថ្មីចំនួន2នាក់ផងដែរ។

សម្រាប់ថ្ងៃទី 31 ខែកក្កដា ឆ្នាំ 2021 នេះ មានករណីឆ្លងវីរុសកូវីដ19 ថ្មី ចំនួន671 នាក់ នឹងករណីជាសះស្បើយចំនួន 758 នាក់ ហើយមានករណីស្លាប់ថ្មីចំនួន 23 នាក់ផងដែរ។

បងប្អូនពលរដ្ឋទាំងអស់ត្រូវចូលរួម( 3កុំនឹង 3ការពារ) ចៅៗសម្ដេចតេជោ ហ៊ុន សែន ដែលមានអាយុចន្លោះពី 12 ឆ្នាំ ដល់ក្រោម 18ឆ្នាំ បានចាក់វ៉ាក់សាំងការពារកូវីដ19 រួចហើយនៅព្រឹកនេះ ។

សម្តេចតេជោ ហ៊ុន សែន បានប្រកាសថា ប្រជាពលរដ្ឋទាំងអស់មិនថាអ្នកមាន ទាំងអ្នកក្រ នៅពេលធ្វើតេស្តរកមេរោគកូវីដ19 នៅមន្ទីរពេទ្យរដ្ឋ គឺពុំមានការបង់ប្រាក់ទេ សូម្បីតែ 1សេន។

សម្តេចតេជោ ហ៊ុន សែន បានព្រមានថា យើងបានបង្កើតអនុគណៈកម្មការ ដើម្បីដឹកនាំអនុវត្តច្បាប់រួចហើយ ចំពោះអ្នកដែលបំពានវិធានសុខាភិបាល ល្មើសបម្រាមគោចរក្នុងការទប់ស្កាត់ការរីករាលដាលជំងឺកូវីដ19។ ត្រូវមានទោសទណ្ឌ ដូចជាការផាកពិន័យ តិចឬច្រើន នឹងឈានទៅផ្តន្ទាទោសដាក់ពន្ធនាគារផងដែរ សម្តេចតេជោ បញ្ជាក់ទៀតថា ការជួបជុំគ្នាដោយខុសនឹងវិធានសុខាភិបាល ត្រូវតែផាកពិន័យ និងផ្តន្ទាទោសតាមច្បាប់ ពីព្រោះបើសិនជាគោរពសិទ្ធិបុគ្គលម្នាក់ វានឹងធ្វើឲ្យប៉ះពាល់ ការឆ្លងរាលដាល និងការស្លាប់ដោយសារជំងឺកូវីដ19 ដល់មនុស្សជាច្រើននាក់។   សម្តេចតេជោ ហ៊ុន សែន ក៏បានបន្ថែមទៀតថា យើងមិនអាចបញ្ចប់បានទេក្នុងការទប់ស្កាត់ការឆ្លងរាលដាលជំងឺកូវីដ19នៅកម្ពុជា ហើយបរិបទនេះ យើងត្រូវរៀនរស់ជាមួយនឹងជំងឺកូវីដ19 ដោយត្រូវអនុវត្តវិធានការសុខាភិបាលឲ្យបានជាប់ជាប្រចាំ។

សម្តេចតេជោ ហ៊ុន សែន បានថ្លែងថា រាជរដ្ឋាភិបាលកម្ពុជាបានសម្រេចរួចហើយ នឹងអនុញ្ញាតឲ្យចាក់វ៉ាក់សាំងបង្ការជំងឺកូវីដ19 ជូនប្រជាពលរដ្ឋសម្រាប់ដូសទី3 ហើយសម្រាប់អ្នកធ្លាប់បានចាក់វ៉ាក់សាំងសុីណូហ្វាម និង សុីណូវ៉ាក់ទាំង2ដូសរួចហើយ ត្រូវយកវ៉ាក់សាំង AstraZeneca ជាដូសទី3 ដើម្បីជម្រុញ សម្តេចតេជោហ៊ុន សែន បញ្ជាក់ទៀតថា ការចាក់វ៉ាក់សាំងសម្រាប់ដូសទី3 នឹងបញ្ចូលជាបន្ទាន់ដើម្បីអនុវត្តនៅខ្សែត្រៀមជួរមុខពិសេសនៅតាមព្រំដែនកម្ពុជា-ថៃ។

សម្ដេចតេជោ ហ៊ុន សែន បានថ្លែងបញ្ជាក់ច្បាស់ៗថា មូលហេតុដែលសម្ដេច មិនបានចេញទៅទទួលវ៉ាក់សាំងដែលជាជំនួយផ្ដល់ដោយសហរដ្ឋអាមេរិក នោះដោយហេតុថា វ៉ាក់សាំងទាំងនោះ មិនត្រូវបានផ្ដល់មកកម្ពុជា តាមរយៈយន្តការទ្វេភាគី។