Month: July 2021

ព្រឹកនេះវ៉ាក់សាំងសុីណូហ្វាម ចំនួន 1 លានដូសបានមកដល់ប្រទេសកម្ពុជាហើយ។ នៅព្រឹកថ្ងៃទី 6ខែ កក្កដា ឆ្នាំ2021នេះ វ៉ាក់សាំងប្រយុទ្ធប្រឆាំងជំងឺកូវីដ19ប្រភេទវ៉ាក់សាំងស៉ីណូហ្វាម ដែលកម្ពុជាបានបញ្ជាទិញសាធារណរដ្ឋប្រជាមានិតចិនចំនួន1លានដូសទៀត បានដឹកមកដល់ប្រទេសកម្ពុជាហើយ។ កន្លងមក ក៏ដូចជាបច្ចុប្បន្នប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានដាក់ចេញយុទ្ធសាស្ត្រចាក់វ៉ាក់សាំងនេះឱ្យបានលឿន តាមដែលអាចធ្វើទៅបានជូនដល់ប្រជាពលរដ្ឋរបស់ខ្លួន ចាប់ពី 18ឆ្នាំឡើងទៅប្រមាណ13លាននាក់ ត្រូវនឹងវ៉ាក់សាំងប្រមាណ 26លានដូស កម្ពុជានឹងសម្រេចការចាក់វ៉ាក់សាំង ជូនប្រជាពលរដ្ឋចំនួន 10លាននាក់ នៅក្នុងឆ្នាំ2021នេះ ឬយ៉ាងយូរបំផុតនៅដើមឆ្នាំ2022។ យ៉ាងណាមិញគិតត្រឹមថ្ងៃទី 6 ខែកក្កដា ឆ្នាំ 2021នេះ កម្ពុជាទទួលបានវ៉ាក់សាំងចំនួន 12.024.000ដូសរួចហើយ សម្រាប់ចាក់ជូនប្រជាពលរដ្ឋ (សុីណូហ្វាមចិន) ចំនួន 2.200.000ដូស នឹង COVAX(CoviShield) ចំនួន324.000ដូស ការបញ្ជាទិញរបស់រាជរដ្ឋាភិបាលរួមមាន សុីណូវ៉ាក់ ចំនួន7.500.000 ដូស និង សុីណូហ្វាម ចំនួន2.000.000ដូស សម្រាប់លទ្ធផលចាក់វ៉ាក់សាំងគោលដៅ10លាននាក់ បានចំនួន46%ហេីយ។

មនុស្សចំនួន 144 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 5 ខែកក្កដា ឆ្នាំ 2021 នេះ ស្ថិតក្នុងខេត្តសៀមរាបហើយមានករណីជាសះស្បើយចំនួន 25 នាក់ និងស្លាប់ចំនួន 1 នាក់ផងដែរ។

សម្រាប់ព្រឹកថ្ងៃទី 6 នេះ កម្ពុជានឹងទទួលបានវ៉ាក់សាំងការពារកូវីត19 ( ស៊ីណូហ្វាម ) ចំនួន1លានដូសទៀតដែលបានបញ្ជាទិញពីប្រទេសចិន និងដឹកមកដល់កម្ពុជា

ក្រសួងសុខាភិបាល សូមប្រកាសច្រានចោលទាំងស្រុងចំពោះគណនីក្រុមហ្វេសប៊ុកដែលមានឈ្មោះថា ព័ត៌មានពិតៗចេញពីក្រសួងសុខាភិបាល ដែលគណនីនេះបានយករូបលោកជំទាវ វេជ្ជបណ្ឌិត ឱ វណ្ណឌីន ដាក់ក្នុងក្រុមនេះដែលមិនមែនជាក្រុមហ្វេសប៊ុករបស់លោកជំទាវ វេជ្ជបណ្ឌិត និងក្រសួងសុខាភិបាលឡើយ។

មនុស្សចំនួន 28 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 5 កក្កដា ឆ្នាំ 2021 នេះ ស្ថិតក្នុងខេត្តព្រៃវែង ហើយមានករណីស្លាប់ចំនួន2នាក់ផងដែរ។

ក្រសួងសុខាភិបាល សូមប្រកាស ច្រានចោលទាំងស្រុងចំពោះគណនីហ្វេសប៊ុក ដែលមានឈ្មោះថា ក្រសួងសុខាភិបាល ដែលគណនីខាងក្រោមនេះមិនមែនជាផេកហ្វេសប៊ុករបស់ក្រសួងសុខាភិបាលឡើយ។

មនុស្សចំនួន 16 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 4 ខែកក្កដា ឆ្នាំ 2021នេះ ស្តិតក្នុងខេត្តរតនគិរី ហើយក៏មានអ្នកជាសះស្បើយចំនួន 40 នាក់ផងដែរ។

មនុស្សចំនួន 16 នាក់ បន្តរកឃើញវិជ្ជមានគូវិដ 19ថ្មី នៅថ្ងៃទី 4 ខែកក្កដាឆ្នាំ 2021 នេះ ស្ថិតក្នុងខេត្តកំពង់ឆ្នាំង។

មនុស្សចំនួន 35 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 4 ខែកក្កដា ឆ្នាំ 2021 នេះ ស្ថិតក្នុងខេត្តត្បូងឃ្មុំ ហើយក៏មានករណីជាសះស្បើយចំនួន 13 នាក់ផងដែរ។

សម្រាប់ថ្ងៃទី 4 ខែកក្កដា ឆ្នាំ 2021 នេះ មានករណីឆ្លងវីរុសកូវីត19 ថ្មី ចំនួន 896 នាក់ និងមានអ្នកជាសះស្បើយចំនួន 646 នាក់ ហើយមានករណីស្លាប់ចំនួន 28 នាក់ផងដែរ។