Month: July 2021

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី តាមប្រព័ន្ធអនឡាញ (Zoom)   នៅព្រឹកថ្ងៃសុក្រ ១៥រោច ខែបឋមាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី៩ ខែកក្កដា ឆ្នាំ២០២១នេះ អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីតាមប្រព័ន្ធអនឡាញ (Zoom)។   សម្រាប់របៀបវារៈនៃកិច្ចប្រជុំមានដូចតទៅ៖ ១-សេចក្តីព្រាងច្បាប់ស្តីពីវិនិយោគនៃព្រះរាជាណាចក្រកម្ពុជា។ ២-សេចក្តីព្រាងច្បាប់ ស្តីពីវិសោធនកម្មមាត្រា ១២៣ មាត្រា១៣៨ មាត្រា១៦២ មាត្រា៣០០ មាត្រា៣៤៣ មាត្រា៣៥០ មាត្រា៣៦៣ មាត្រា៣៥០ មាត្រា៣៦៣ និងមាត្រា៣៦៧ នៃច្បាប់ស្តីពីការងារ ដែលត្រូវប្រកាសឱ្យប្រើ ដោយព្រះរាជក្រមលេខ ជស/រកម០៣៩៧/០១ ចុះថ្ងៃទី១៣ ខែមីនា ឆ្នាំ១៩៩៧”។ ៣-បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិលើសេចក្តីព្រាងច្បាប់ស្តីពី ការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ានបូកបី ស្តីពីការត្រៀមបម្រុងអង្ករសង្រ្កោះបន្ទាន់៕

មនុស្សចំនួន 87 នាក់ បន្តរកឃើញវិជ្ជមានកូវីដ19 ថ្មី បន្ថែមទៀត នៅថ្ងៃទី 8 ខែកក្កដា ឆ្នាំ 2020 នេះ ស្ថិតក្នុងខេត្តបាត់ដំបង ហើយក៏មានករណីជាសះស្បើយចំនួន 22 នាក់ផងដែរ។

លោកជំទាវ ឱ វណ្ណឌីន ចូលរួមបញ្ចប់យុទ្ធនាការជាតិចាក់វ៉ាក់សាំងក្នុងក្របខណ្ឌទូទាំងភូមិសាស្ត្ររាជធានីភ្នំពេញ នៅត្រឹមថ្ងៃទី 8 ខែកក្កដា ឆ្នាំ 2021 នេះ។ អនុគណៈកម្មការចំពោះកិច្ចចាក់វ៉ាក់សាំងកូវីដ19 នឹងត្រូវបញ្ចប់នៅវេលាម៉ោង 5:00នាទីល្ងាច ជាកំហិតដូច្នេះប្រសិនបើបងប្អូនប្រជាពលរដ្ឋទាំងឡាយណាខកខានមិនបានអញ្ជើញមកទទួលវ៉ាក់សាំងតាមកាលបរិច្ឆេទចុងក្រោយ និងទីតាំងដែលបានកំណត់ជូនខាងលើនេះរដ្ឋបាលរាជធានីភ្នំពេញ និងមិនទទួលខុសត្រូវក្នុងការចាក់វ៉ាក់សាំងជូននៅពេលក្រោយឡើយ។ ថ្លែងក្នុងឱកាសនៃការបិទបញ្ចប់ការចាក់វ៉ាក់សាំងបង្ការជំងឺកូវីដ19 នៅវិទ្យាល័យ ជា ស៊ីម ជ្រោយចង្វារលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល បានមានប្រសាសន៍ ថា 99.22% នៅរាជធានីភ្នំពេញ ត្រូវបានចាក់វ៉ាក់សាំងការពារជំងឺកូវីដ19 ជូនប្រជាពលរដ្ឋ ហើយបើគិតត្រឹមយប់ថ្ងៃទី7 ខែកក្កដា ឆ្នាំ2021នេះក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ19 ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន 4,701,255នាក់ សម្រាប់លទ្ធផលចាក់វ៉ាក់សាំងគោលដៅ10លាននាក់ បានចំនួន47.01%។  សូមជម្រាបជូនថាបច្ចុប្បន្ន ខេត្តចំនួន14សំខាន់ៗបានកំពុងដំណើរការចាក់វ៉ាក់សាំងជូនប្រជាពលរដ្ឋបន្ទាប់ពីរាជធានីភ្នំពេញ។  

ចាប់ពីថ្ងៃទី 10 ដល់ថ្ងៃទី 23 ខែកក្កដា ឆ្នាំ 2021 នេះ រដ្ឋបាលខេត្តសៀមរាបបានជូនដំណឹងស្ដីពីការចាក់វ៉ាក់សាំងការពារជំងឺកូវីដ19 ជូនដល់បងប្អូនប្រជាពលរដ្ឋនៅក្នុង ក្រុងសៀមរាប។

មនុស្សចំនួន 32 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 7 ខែកក្កដា ឆ្នាំ 2021 នេះ ស្ថិតក្នុងខេត្តត្បូងឃ្មុំ ហើយក៏មានអ្នកជាសះស្បើយចំនួន 84 នាក់ផងដែរ។

មនុស្សចំនួន 125 នាក់ បន្តរកឃើញវិជ្ជមានកូវីដ19 ថ្មី នៅថ្ងៃទី 8 ខែកក្កដា ឆ្នាំ 2021 នេះ ស្ថិតក្នុងខេត្តបន្ទាយមានជ័យ ហើយក៏មានករណីជាសះស្បើយចំនួន90 នាក់ផងដែរ។

សម្រាប់ថ្ងៃទី 7 ខែកក្កដា ឆ្នាំ 2021 នេះ មានករណីឆ្លងវីរុស covid-19 ថ្មី ចំនួន 954នាក់ និងមានអ្នកជាសះស្បើយចំនួន 1046 នាក់ ហើយមានករណីស្លាប់ថ្មីចំនួន 27 នាក់ផងដែរ។

សារលិខិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសទិវាប្រជាជនពិភពលោកលើកទី 32 ថ្ងៃទី 11 ខែកក្កដា ឆ្នាំ 2021។

ក្រសួងសុខាភិបាល សម្រេចដាក់ឱ្យអនុវត្តគោលការណ៍ណែនាំប្រតិបត្តិ ស្តីពីការប្រើប្រាស់តេស្តរហ័សរកអង់ទីហ្សែនកូវីដ19 សម្រាប់គ្រឹះស្ថានសុខាភិបាលឯកជន ស្ថាប័ន និងអង្គភាពរដ្ឋ មិនមែនសុខាភិបាល បណ្តាច្រកទ្វារចេញចូលប្រទេស ក្រុមហ៊ុនឯកជន រោងចក្រ សហគ្រាស និងទីកន្លែងអាជីវកម្មផ្សេងទៀត និងសម្រាប់បុគ្គលឯកជន។

មនុស្សចំនួន 51 នាក់ បន្តរកឃើញវិជ្ជមានកូវីដ19 ថ្មី បន្ថែម នៅថ្ងៃទី 7 ខែកក្កដា ឆ្នាំ 2021 នេះ ស្ថិតក្នុងខេត្តព្រៃវែង។