លោក ភឿង ភិរៈ ដែលបាញ់ក្មេងបែកថ្នាំឲ្យស្លាប់នៅពេលនេះត្រូវបានតុលាការដោះលែងហើយ។ សូមគោរពសូមអរគុណ ឯកឧត្ដម ច្រឹង ខ្មៅ ព្រះរាជអាជ្ញាអមសាលាដំបូង រាជធានី ភ្នំពេញ និង ឯកឧត្ដម ប្រធានសាលាដំបូង រាជធានី ភ្នំពេញ ដែលបានផ្ដល់យុត្តិធម៌ជូនលោក ភឿង ភិរៈ និងសូមគោរពអរគុណថ្នាក់ដឹកនាំក្រសួងយុត្តិធម៌ និងថ្នាក់ដឹកនាំកំពូល លោកមេធាវី ជាពិសេសសូមគោរពអរគុណប្រជាពលរដ្ឋកម្ពុជា ដែលបានជួយផ្ដល់កម្លាំងចិត្តដល់លោក ភឿង ភិរៈ ។
សេចក្ដីអំពាវនាវដល់បងប្អូនប្រជាពលរដ្ឋ ជាអ្នកពាក់ព័ន្ធជាមួយបុគ្គលិក ឬជាអ្នកចេញចូលជាប្រចាំ (ញឹកញាប់) នៅរោងចក្រកាត់ដេរ ឌីន ហាន” (Din Han Enterprise Co., Ltd) ដែលមានទីតាំងស្ថិតនៅផ្លូវ ឌួងងៀប2 ភូមិថ្មី សង្កាត់ស្ទឹងមានជ័យទី3 ខណ្ឌមានជ័យ។ ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគ កូវីដ19 ដែលមានទីតាំងនៅ! 📌វិទ្យាល័យបាក់ទូក 📌វិទ្យាល័យបឹងត្របែក 📌មណ្ឌលសុខភាពចាក់អង្រែក្រោម 📌មន្ទីរពេទ្យខ្មែរ-សូវៀត 📌សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) 📌មន្ទីរពេទ្យបង្អែកនៅតាមបណ្តាខេត្តនានា 📅 សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល 14 ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។ ប្រភព៖ អនុគណៈកម្មការស្រាវជ្រាវជំងឺកូវីដ19
សេចក្ដីសម្រេចរបស់រាជរដ្ឋាភិបាល ស្ដីពី ការហាមឃាត់ ការធ្វើដំណើរ និងការបិទរមនីយដ្ឋានទេសចរណ៍ទូទាំងប្រទេស ជាបណ្ដោះអាសន្នដើម្បីទប់ស្កាត់ ការឆ្លងរាលដាលនៃជម្ងឺកូវីដ19 រយៈពេល14ថ្ងៃ ចាប់ពីថ្ងៃទី7 ដល់ថ្ងៃទី20 ខែមេសា ឆ្នាំ2021។ ហាមឃាត់ការធ្វើដំណើរឆ្លងកាត់ ចេញ ចូល ពីខេត្តមួយទៅខេត្តមួយ ជាបណ្ដោះអាសន្នសម្រាប់រយៈពេល 14 ថ្ងៃគិតចាប់ពីម៉ោង 00 នៅថ្ងៃទី 7 ខែមេសា ឆ្នាំ 2021នេះ រហូតដល់ថ្ងៃទី 20 ខែមេសា ឆ្នាំ 2021 ក្នុងគោលបំណងប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ19 ពីភូមិសាស្ត្រខេត្តមួយ ទៅភូមិសាស្ត្រនៃខេត្តមួយទៀតដោយឡែកភូមិសាស្ត្រ រាជធានី ភ្នំពេញ និងខេត្តកណ្ដាល ត្រូវបានចាត់ទុកជាតំបន់តែមួយដែលមិនស្ថិតនៅក្រោមវិសាលភាពនៃការហាមឃាត់ការធ្វើដំណើរឆ្លងកាត់ ចេញ ចូលទៅវិញ ទៅមក នោះទេ។
បើតាមប្រភពព័ត៌មានពីសាសាសង្កាត់ស្ទឹង មានជ័យបានឲ្យដឹងថា អ្នកដឹកអីវ៉ាន់នៅផ្សារអូឬស្សីម្នាក់ ត្រូវបានរកឃើញវិជ្ជមានកូវីដ១៩ នៅចំណុច ផ្ទះលេខ៧៨បេ ជាន់ទី១ បន្ទប់ជួលលេខ ២ ក្រុមទី៤ ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ នាវេលាម៉ោង ១៥ និង៤០នាទី ថ្ងៃទី៦ ខែមេសា ឆ្នាំ២០២១នេះ ប្រភពដដែលបានបន្តថា ក្រុមគ្រូពេទ្យបង្អែកច្បារអំពៅ បានចុះយកអ្នកវិជ្ជមានខាងលើ ដែលមានឈ្មោះ សេង ចាន់ពន្លឺ ប្រុស អាយុ ២២ឆ្នាំ មុខរប ដឹកអីវ៉ាន់នៅផ្សារអូឬស្សី ស្រុកកំណើត ភូមិ តាកុច ឃុំ ស្រង៉ែ ស្រុកព្រៃឈរ ខេត្តកំពង់ចាម ។ បច្ចុប្បន្ន អ្នកជម្ងឺខាងលើត្រូវបាន ក្រុមគ្រូពេទ្យ បញ្ជូនទៅកាន់ មន្ទីរពេទ្យហ្លួងម៉ែ ។ ចំពោះទីតាំង បន្ទប់លេខ២ ជាន់ទី១ ត្រូវបាន សាម៉ីខ្លួនចាក់សោរ ដោយកម្លាំងគណៈបញ្ជាការឯកភាពសង្កាត់ស្ទឹងមានជ័យទី១ ហំពទ្ធ័បណ្តោះអាសន្ន ៕
សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញទទួលព្រះរាជដំណើរយាងនិវត្តន៍របស់ព្រះមហាក្សត្រ និងសម្តេចម៉ែ យាងពីទីក្រុងប៉េកាំង ប្រទេសចិន។ នៅរសៀលថ្ងៃចន្ទ ៨រោច ខែចេត្រ ឆ្នាំជូត ទោសស័ក ព.ស ២៥៦៤ ត្រូវនឹងថ្ងៃទី០៥ ខែមេសា ឆ្នាំ២០២១នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញទទួលព្រះរាជដំណើរព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ យាងនិវត្តន៍ពីទីក្រុងប៉េកាំងប្រទេសចិន ក្នុងព្រះរាជសកម្មភាពដើម្បីពិនិត្យព្រះរាជសុខភាព។ សូមព្រះអង្គទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ។
