អ្នកនាំពាក្យស្រាយមន្ទិលរឿងប្រើភ្លើងរថយន្ត…. ដើម្បីស្រាយចម្ងល់ និងមន្ទិលសង្ស័យមួយចំនួនរបស់សាធារណជន ជុំវិញការប្រើប្រាស់ភ្លើងរថយន្ត អ្នកនាំពាក្យរងក្រសួងមហាផ្ទៃលោកបណ្ឌិត ទូច សុឃៈ បានពន្យល់តាមរយៈវីដេអូប្រមាណជាង១០នាទី កាលពីថ្ងៃទី១០ ខែធ្នូ ឆ្នាំ២០២៤។ វីដេអូនេះមានអ្នកទស្សនារាប់សែនដង និងមានអ្នកចូលបញ្ចេញមតិចម្រុះយ៉ាងផុសផុល។ ខ្លឹមសារនៃការពន្យល់ ត្រូវបានលោកបណ្ឌិត ទូច សុឃៈ យោងចេញពីច្បាប់ស្តីពីចរាចរណ៍ផ្លូវគោក ដោយបានគូសបញ្ជាក់ថា ការប្រើប្រាស់ភ្លើងរថយន្ត មានច្រើនប្រភេទ និងមានតួនាទីផ្សេងៗគ្នា។ អ្នកនាំពាក្យរងក្រសួងមហាផ្ទៃ បានលើកយកនូវការប្រើភ្លើងរថយន្តចំនួនពីរមកពន្យល់ ទី១ គឺប្រើប្រាស់ភ្លើងហ្វា ទី២ គឺប្រើប្រាស់ភ្លើងកូដ។ ការប្រើប្រាស់ភ្លើងហ្វា នៅក្នុងមាត្រា២៧ នៃច្បាប់ចរាចរណ៍ផ្លូវគោកបានបញ្ជាក់ថា ការប្រើភ្លើងហ្វានៅពេលយប់នៅលើទ្រូងផ្លូវដែលគ្មានភ្លើង ឬអគ្គីសនីបំភ្លឺ ជាទូទៅត្រូវប្រើភ្លើងហ្វាដើម្បីមើលទៅខាងមុខឱ្យបានឆ្ងាយ តែត្រូវប្រុងប្រយ័ត្នកុំឱ្យរំខានដល់ចរាចរណ៍ដែលមកពីទិសផ្ទុយ ហើយហាមបើកភ្លើងហ្វានៅក្នុងទីក្រុង ឬទីប្រជុំជនដែលមានភ្លើងអគ្គសនីបំភ្លឺគ្រប់គ្រាន់ លើកលែងតែករណីធ្វើសញ្ញាសុំផ្លូវ ឬវ៉ាជែង ឬសុំបើកផ្លូវដោយប្រើភ្លើងឆ្លាស់គ្នាជាមួយភ្លើងកូដ។ មានន័យថាធ្វើជាសញ្ញាប្រាប់ដល់ទិសចរាចរណ៍ម្ខាងទៀតឱ្យមានការប្រុងប្រយ័ត្ន នោះមិនមានកំហុសឆ្គងឡើយ។ ចំពោះការប្រើភ្លើងកូដវិញ អ្នកនាំពាក្យរងបានឱ្យដឹងដែរថា ការប្រើភ្លើងកូដ គឺប្រើនៅពេលយប់ មិនថានៅក្នុងទីប្រជុំជន ឬក្រៅទីប្រជុំជននោះទេ ទោះបីជាមានភ្លើងអគ្គិសនីបំភ្លឺនៅតាមដងផ្លូវក៏ដោយ គឺភ្លើងកូដត្រូវប្រើជាធម្មតា និងនៅពេលយប់ទាំងក្នុង និងក្រៅទីប្រជុំជន ដែលគ្មានភ្លើងអគ្គិសនីបំភ្លឺតាមដងផ្លូវ ក៏ត្រូវប្រើប្រាស់ភ្លើងកូដធម្មតាដែរ។ ចំណែកការប្រើប្រាស់ភ្លើងកូដនៅពេលថ្ងៃ […]
