Month: July 2022

វីរកីឡាការិនី អ៊ុក ស្រីមុំ បានឈ្នះមេដាយមាសលើវិញ្ញាសាវាយយកពិន្ទុ នៃការប្រកួតកីឡាពិភពលោក The World Games 2022 នៅទីក្រុង Birmingham រដ្ឋ Alabama សហរដ្ឋអាមេរិក បន្ទាប់ពីយកឈ្នះកីឡាការិនីម្ចាស់ផ្ទះអាមេរិក Rebeka HOWE ដោយលទ្ធផល 41-21ពិន្ទុ នៅព្រឹកថ្ងៃទី13 ខែកក្កដា ឆ្នាំ2022នេះ (ពេលវេលានៅកម្ពុជា)។ សូមបញ្ជាក់ថា បន្ទាប់ពីទទួលបានជោគជ័យលើវិញ្ញាសាវាយយកពិន្ទុ អ៊ុក ស្រីមុំ នឹងត្រូវចាប់ដៃគូជាមួយកីឡាការិនី អ៊ុន ស្រីយ៉ា ដើម្បីធ្វើការប្រកួតលើវិញ្ញាសាវាយគូរនារី 2នាក់ ទល់ 2នាក់ទៀត នាថ្ងៃទី14 ខែកក្កដា ឆ្នាំ2022 ស្អែកនេះ។ នេះជាលើកដំបូងហើយ ដែលកម្ពុជា បានបញ្ជូនកីឡាការិនីប៉េតង់ចូលរួមការប្រកួតកីឡាពិភពលោក នៅសហរដ្ឋអាមេរិកនេះ៕

សេចក្ដីជូនដំណឹង របស់ក្រសួងសាធារណការ និងដឹកជញ្ជូន ប្រកាសសម្រេចឱ្យក្រុមហ៊ុនស្ថាបនាផ្លូវល្បឿនលឿនភ្នំពេញ-ព្រះសីហនុ បិទច្រកចេញចូលមិនឱ្យយានយន្តគ្រប់ប្រភេទដែលគ្មានភារកិច្ចចរាចរណ៍លើផ្លូវល្បឿនលឿនភ្នំពេញ-ព្រះសីហនុទៀតឡើយ ដោយសារមួយរយៈចុងក្រោយនេះមានគ្រោះថ្នាក់ចរាចរណ៍ញឹកញាប់ពេក។

សម្ដេចអគ្គមហាសេនាបតីតេជោ ហ៊ុន សែន បានមានប្រសាសន៍ថា ថ្ងៃនេះជាខួបលើកទី9ឆ្នាំ នៃមរណភាពឪពុករបស់ខ្ញុំ(12កក្កដា2013.12កក្កដា2022)។ កូនគ្មានពាក្យអ្វីក្រៅពីពាក្យនឹកពុកនឹកម៉ែនោះឡើយ។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅរសៀលថ្ងៃទី 11 ខែកក្កដា ឆ្នាំ 2022 នេះ បានដឹកនាំគណៈប្រតិភូជាន់ខ្ពស់នៃរាជរដ្ឋាភិបាល ចូលរួមគោរពវិញ្ញាណក្ខន្ធ អតីតនាយករដ្ឋមន្ត្រីជប៉ុន លោក អាបេ ស៊ិនហ្សូ នៅស្ថានទូតជប៉ុន ប្រចាំកម្ពុជា។

រាជធានីភ្នំពេញ, ថ្ងៃចន្ទ ទី 11 ខែកក្កដា ឆ្នាំ 2022នេះឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានអញ្ជើញចូលរួមក្នុងពិធីសម្ពោធឆ្លងសាលាពុទ្ធិកអនុវិទ្យាល័យសម្តេចព្រះធម្មលិខិត លាស់ ឡាយ សន្សំកុសល និងសមិទ្ធផលនានា ស្ថិតក្នុងវត្តសន្សំកុសល សង្កាត់បឹងទំពុនទី1 ខណ្ឌមានជ័យ រាជធានីភ្នំពេញ។

សេចក្ដីជូនដំណឹង ស្ដីអំពី តម្លៃប្រេងសាំងនៅកម្ពុជាចាប់ពីថ្ងៃទី 11 ដល់ថ្ងៃទី 20 ខែកក្កដា ឆ្នាំ 2022 នេះ នឹងចុះមកនៅត្រឹម 5,250 រៀលសម្រាប់សាំងធម្មតា និង5,600 រៀល ក្នុងមួយលីត្រ សំរាប់ប្រេងម៉ាស៊ូត។

សេចក្ដីប្រកាសព័ត៌មាន របស់ក្រសួងធនធានទឹក និងឧតុនិយមប្រកាសថាចាប់ពីចន្លោះថ្ងៃទី 11 រហូតដល់ថ្ងៃទី 14 ខែកក្កដា ឆ្នាំ 2022 នេះ កម្ពុជាបន្តទទួលរងឥទ្ធិពលពីប្រព័ន្ធសម្ពោធទាប ដែលធ្វើឲ្យកម្ពុជាបន្តមានភ្លៀងធ្លាក់ច្រើននៅតំបន់មាត់សមុទ្រ និងមានរលកខ្ពស់ៗថែមទៀតផង។

សូមអបអរសាទ​ ដែលកម្ពុជាបានឈរលំដាប់លេខ1នៅលេីពិភពលោក តាមការចុះផ្សាយរបស់​ Nikkei Asia នៅថ្ងៃទី8 ខែកក្កដា​ ឆ្នាំ2022នេះ ដែលបង្ហាញថាប្រទេសជិតខាងអាស៊ីអាគ្នេយ៍កំពុងដំណើរការល្អក្នុងការវិលទៅរកអាជីវកម្មដូចធម្មតា ។

នៅព្រឹកថ្ងៃទី 10 ខែកក្កដា ឆ្នាំ 2022នេះ ឯកឧត្តម ហ៊ុន ម៉ានីអ្នកតំណាងរាស្ត្រមណ្ឌលខេត្តកំពង់ស្ពឺ បើកសិក្ខាសាលារបស់សហភាពសហព័ន្ធយុវជនកម្ពុជា។ នៅក្នុងឱកាសនេះដែរមានការអញ្ជើញចូលរួមពី ឯកឧត្តមលោកជំទាវ ដើម្បីជាថ្ងៃកាន់ទុក្ខផ្លូវការជូនចំពោះវិញ្ញាណក្ខន្ធសព ឯកឧត្តម ស៊ីនហ្សូ អាបេ អតីតនាយករដ្ឋមន្រ្តីជប៉ុន ដែលបានទទួលមរណភាពកាលពីថ្ងៃទី8 ខែកក្កដា ឆ្នាំ2022កន្លងទៅ។ ឆ្លៀតឱកាសក្នុងពិធីបើកសិក្ខាសាលារបស់សហភាពសហព័ន្ធយុវជនកម្ពុជានាព្រឹកនេះបានធ្វើការស្មឹងស្មាធរយៈពេល 1នាទី ដើម្បីគោរពវិញ្ញាណក្ខន្ធរបស់ឯកឧត្តម ដែលជាមិត្តភក្តិដ៏ល្អមួយរូបរបស់កម្ពុជា។ យើងនឹងចងចាំនូវការចូលរួមដ៏ធំធេងរបស់ឯកឧត្តមក្នុងការពង្រឹងទំនាក់ទំនងទ្វេភាគីរវាងប្រទេសយើងទាំង2។ សូមវិញ្ញាណក្ខន្ធឯកឧត្តមបានទៅកាន់ទីស្ងប់សុខកុំបីឃ្លៀងឃ្លាតឡើយ។

ពិតជាខ្នងធំមែនចាប់ហើយចេញ តែបើចេញហើយអត់ចូល។ ប្រជាពលរដ្ឋក្រុងកំពង់ឆ្នាំងនៅតែមានការងឿងឆ្ងល់យ៉ាងខ្លាំង ខណ:រថយន្តដឹកដីធុនធ្ងន់ ពាក់ផ្លាកលេខ ខម 2គ្រឿង ដែលធ្លាប់បានដឹកដីបំផ្លាញផ្លូវបេតុងជុំវិញរង្វង់មូលទូកមាស និងផ្លូវកៅស៊ូមួយចំនួននោះ ដែលកម្លាំសមត្ថកិច្ចចាប់នៅព្រឹកថ្ងៃទី9 ខែកក្កដា ឆ្នាំ2022នោះ ត្រូវដោះលែងអោយដឹកដីវិញហើយ ក្រោយឃាត់បានមួយចំអិនកំពឹស។ យ៉ាងណាមិញប្រជាពលរដ្ឋឆ្ងល់ថា តើខ្នង ឬម្ចាស់រថយន្តដឹកដីពាក់ផ្លាកលេខ ខម នេះជាអ្នកណាបានជាចាប់របូតៗ? ហើយថាតើការប្រើផ្លាកលេខ ខម នោះ ខុសដែរឬទេ? តែប្រជាពលរដ្ឋថា ការធ្វើបែបនេះ គឺកំពុងប្រឆាំងទៅនឹងអនុសាសន៍សម្តេចតេជោ ហ៊ុន សែន ហើយ។ប្រភពbtv