Month: April 2022

រាជធានីភ្នំពេញ នៅថ្ងៃអាទិត្យ ទី 3 ខែមេសា ឆ្នាំ 2022 នេះឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានអញ្ជើញចូលរួមក្នុងកម្មវិធី អាហារសាមគ្គី ជាមួយបងប្អូនកីឡាករ កីឡាការិនី និងអតីតកីឡាករ កីឡាការិនីម្ចាស់មេដាយមាស ក្នុងព្រឹត្តិការណ៍អន្តរជាតិ ។

សម្រាប់ថ្ងៃទី 3 ខែមេសា ឆ្នាំ 2022 នេះ មានករណីឆ្លងវីរុស covid-19 ថ្មី ចំនួន 33 នាក់ នឹងករណីជាសះស្បើយចំនួន 128 នាក់ ហើយក្នុងនោះមិនមានករណីស្លាប់ថ្មីនោះទេ។

នៅព្រឹកថ្ងៃទី 3 ខែមេសា ឆ្នាំ 2022 នេះ សម្តេចតេជោ ហ៊ុន សែន អះអាងថា កម្ពុជាមិនឆ្កួត ដែលឲ្យកងទ័ពបរទេសធ្វើការបោះតង់នៅលើទឹកដីរបស់ខ្លួន ខុសនឹងច្បាប់រដ្ឋធម្មនុញ្ញនោះទេ ប៉ុន្តែយោធាបរទេសអាចនៅស្រុកខ្មែរបានគឺក្នុងនាមជាអនុព័ន្ធយោធាប៉ុណ្ណោះ។

នៅព្រឹកថ្ងៃទី 3 ខែមេសា ឆ្នាំ 2022 នេះ សម្ដេចអគ្គមហាសេនាបតីតេជោ ហ៊ុន សែន បានមានប្រសាសន៍ថាមិនមែនជាការចៃដន្យនោះទេ ចំពោះការអភិវឌ្ឍ ​នៅខេត្តសៀមរាប គឺវាបានកើតចេញពីការខិតខំរបស់រាជរដ្ឋាភិបាល តាមរយៈគោលនយោបាយ ឈ្នះ ឈ្នះ។

ខេត្តកំពង់ចាម នៅថ្ងៃសៅរ៍ ទី 2 ខែមេសា ឆ្នាំ 2022 នេះឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានអញ្ជើញចូលរួមក្នុងពិធីប្រកាសទទួលស្គាល់យុវជន ជាសមាជិកគណបក្សប្រជាជនកម្ពុជា នៅស្រុកជេីងព្រៃ ខេត្តកំពង់ចាម។

សម្រាប់ថ្ងៃទី 2 ខែមេសា ឆ្នាំ 2022 នេះ មានករណីឆ្លងវីរុស covid-19 ថ្មី ចំនួន 32នាក់ នឹងករណីជាសះស្បើយចំនួន 132 នាក់ នឹងមិនមានករណីស្លាប់ថ្មីនោះទេ។

សេចក្ដីជូនដំណឹង របស់រដ្ឋបាលរាជធានីភ្នំពេញ នឹងរៀបចំសង្ក្រាន្ត វត្តភ្នំ នៅរមណីដ្ឋានវប្បធម៌ប្រវត្តិសាស្ត្រ វត្តភ្នំ នាឱកាសបុណ្យចូលឆ្នាំថ្មីប្រពៃណីខ្មែរ ឆ្នាំខាល ចត្វាស័ក ព.ស ២៥៦៦ រយៈពេល3ថ្ងៃ ចាប់ពីថ្ងៃ14-15-16 ខែមេសា ឆ្នាំ2022 ខាងមុខនេះ។

អរគុណសន្តិភាព នៅព្រឹកព្រលឹមថ្ងៃទី 2 ខែមេសា ឆ្នាំ 2022 នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជាកំពុងធ្វើដំណើរទៅខេត្តសៀមរាប ដើម្បីសម្ពោធដាក់ឱ្យប្រើប្រាស់ ផ្លូវ38ខ្សែ ក្នុងទីរួមខេត្ត និងពិនិត្យអាកាសយានដ្ឋានថ្មី ដែលបាននិងកំពុងសាងសង់។

សេចក្ដីជូនដំណឹង របស់ក្រសួងពាណិជ្ជកម្មស្ដីពីការ ប្រកាសពីតម្លៃលក់រាយប្រេងឥន្ធនៈតាមស្ថានីយនានាទូទាំងប្រទេស ចាប់ពីថ្ងៃទី1រហូតដល់ថ្ងៃទី 10 ខែមេសា ឆ្នាំ2022នេះ គឺតម្លៃប្រេងសាំងធម្មតាត្រូវលក់5,250រៀល/លីត្រ និងប្រេងម៉ាស៊ូត ត្រូវលក់តម្លៃ 5,300រៀល/លីត្រ។

សម្ដេចតេជោ ហ៊ុន សែន អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃសុក្រ ១៥រោច ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី1 ខែមេសា ឆ្នាំ2022នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន​និងកំពុងអញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី ដែលប្រព្រឹត្តទៅនៅវិមានសន្តិភាព ទីស្ដីការនាយករដ្ឋមន្ត្រី។ សម្រាប់របៀបវារៈនៃកិច្ចប្រជុំនាសប្តាហ៍នេះ មានដូចខាងក្រោម៖   1-សេចក្តីព្រាងច្បាប់ស្តីពីវិសោធនកម្មមាត្រា140នៃច្បាប់ស្តីពីការគ្រប់គ្រង​ រដ្ឋបាលរាជធានី ខេត្ត ក្រុង ស្រុក ខណ្ឌ។   2-សេចក្តីព្រាងច្បាប់ស្តីពីសុវត្ថិភាពម្ហូបអាហារ។   3-បញ្ហាផ្សេងៗ៕