Month: December 2021

សម្រាប់ថ្ងៃទី 22 ខែធ្នូ ឆ្នាំ 2021 នេះ មានករណីឆ្លងវីរុសកូវីដ19 ថ្មី ចំនួន 3 នាក់ និងមានករណីជាសះស្បើយចំនួន 9 នាក់ ហើយនិងករណីស្លាប់ថ្មីចំនួន1នាក់ផងដែរ។  

សេចក្ដីជូនដំណឹង កម្មវិធីចាក់វ៉ាក់សាំងកូវីដ19 ដូសជំរុញ ឬដូសទី3 ជូនដល់កុមារ និងយុវវ័យ ដែលមានអាយុចាប់ពី១២ 12ឆ្នាំ ដល់អាយុក្រោម18ឆ្នាំ និងប្រជាពលរដ្ឋអាយុ18ឆ្នាំឡើង ស្ថិតនៅក្នុងខេត្តកំពង់ចាម។

សម្តេចតេជោ ហ៊ុន សែន អញ្ជើញពិសាអាហារពេលព្រឹកជាមួយប្រធានរដ្ឋវៀតណាម នៅព្រឹកថ្ងៃទី23 ខែធ្នូ ឆ្នាំ2031 ដែលជាថ្ងៃទី2 នៃដំណើរបំពេញទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា របស់ ឯកឧត្តម ង្វៀន សួនហ្វុក (Nguyen Xuan Phuc) ប្រធានរដ្ឋនៃសាធារណរដ្ឋសង្គមនិយមវៀតណាម សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញរៀបចំ និងសាអាហារពេលព្រឹកការងារជាមហាកិត្តិយស ដ៏ខ្ពង់ខ្ពស់បំផុត ជូនឯកឧត្តម ង្វៀន សួនហ៊្វុក និងគណៈប្រតិភូជាន់ខ្ពស់ ធ្វើឡើងនៅភូមិគ្រឹះតាខ្មៅ។ ក្នុងជំនួបអាហារពេលព្រឹកនោះផងដែរ សម្តេចតេជោនាយករដ្ឋមន្រ្តី មានប្រសាសន៍សំដែងនូវការស្វាគមន៍យ៉ាងសិទ្ធស្នាលរ៉ាក់ទាក់ ជូនចំពោះ ឯកឧត្តមប្រធានរដ្ឋវៀតណាម ដែលបានផ្តល់នូវមហាកិត្តិយសដ៏ខ្ពង់ខ្ពស់បំផុត អញ្ជើញមកទទួលទានអាហារការងារពេលព្រឹកដល់ភូមិគ្រឹៈរបស់សម្តេច។ សម្តេចតេជោបានមានប្រសាសន៍សំដែងនូវការសោកស្តាយ ដែលភរិយារបស់សម្តេច គឺសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មិនមានវត្តមានអញ្ជើញចូលរួមក្នុងពិធីទទួលទានអាហារពេលព្រឹកនេះ ដោយសាតែភរិយារបស់សម្តេចមានបញ្ហាសុខភាពបន្តិចបន្តួច ប៉ុន្តែមានវត្តមានកូនប្រុសទាំងបីរបស់សម្តេច គឺ ឯកឧត្តម ហ៊ុន ម៉ាណែត ឯកឧត្តម ហ៊ុន ម៉ានិត និងឯកឧត្តម […]

សម្រាប់ថ្ងៃទី 21 ខែធ្នូ ឆ្នាំ 2021 នេះ មានករណីឆ្លងវីរុសកូវីដ19 ថ្មី ចំនួន 4 នាក់ និងមានករណីជាសះស្បើយចំនួន 12 នាក់ ហើយគ្មានករណីស្លាប់ថ្មីនោះទេ។

សេចក្ដីជូនដំណឹង របស់រដ្ឋបាលរាជធានីភ្នំពេញ ប្រកាសបញ្ចៀសចរាចរយានយន្តគ្រប់ប្រភេទជាបណ្ដោះអាសន្ន លើមហាវិថីព្រះនរោត្តម ក្នុងពិធីសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល នៃអគ្គនាយកដ្ឋានគយ និងរដ្ឋាករកម្ពុជា នៅថ្ងៃទី23 ខែធ្នូ ឆ្នាំ2021នេះ ចាប់ពីម៉ោង 05:00នាទីព្រឹក រហូតដល់បញ្ចប់កម្មវិធី។

ព្រឹកថ្ងៃទី 21 ខែធ្នូ ឆ្នាំ 2021 នេះ នាយឧត្តមសេនីយ៍ សៅ សុខា អនុញ្ញាតអោយឧត្តមសេនីយ៍ទោ ផាន់ថានា នុតចាន់រ៉ាត់ ប្រធានការិយាល័យផ្នែកស៊ើបអង្កេតអន្តោប្រវេសន៍ថៃ ចូលជួបពិភាក្សាការងារ ។ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអនុញ្ញាតឱ្យលោកឧត្តមសេនីយ៍ទោ ផាន់ថានា នុតចាន់រ៉ាត់ ប្រធានការិយាល័យផ្នែកស៊ើបអង្កេតអន្តោប្រវេសន៍ថៃ ចូលជួបពិភាក្សាការងារស្តីពីកិច្ចសហប្រតិបត្តិការរវាងអន្តោប្រវេសន៍ថៃ​និងកងរាជអាវុធហត្ថ។  

សេចក្ដីប្រកាសរបស់ ក្រសួងធនធានទឹក និងឧតុនិយមប្រកាសថា នៅថ្ងៃទី27-28 ខែធ្នូ ឆ្នាំ2021នេះ អាកាសធាតុចាប់ចុះត្រជាក់ លាយឡំនឹងខ្យល់បក់ក្នុងកម្រិតមធ្យម សីតុណ្ហភាពអប្បបរមាមានពី17ដល់19 អង្សាសេ និងអតិបរិមាមានពី26-ដល់28អង្សាសេ។

ក្រុមចោរប្លន់ផ្ទះអ្នកលក់ឡេ អ៊ាន សៀវម៉ី ត្រូវបានកម្លាំងអាវុធហត្ថរាជធានីភ្នំពេញ បង្ក្រាបបានហើយ។ ក្រោមការចង្អុលបង្ហាញពីលោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នាយប់ថ្ងៃទី20 ខែធ្នូ ឆ្នាំ2021នេះ កម្លាំងអាវុធហត្ថរាជធានីភ្នំពេញដឹកនាំដោយឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងមេបញ្ជាការកងរាជអាវុធហត្ថរាជធានីភ្នំពេញ បានសម្រុកចូលសម្បុកក្រុមចោរប្លន់ផ្ទះអ្នកលក់ឡេ អ៊ាន សៀវម៉ី ប្រមូលបានគ្រឿងពេជ្រត្រឡប់មកវិញ និងដកហូតអាវុធចំនួន5ដើម(វែង1ដើម ខ្លី4ដើម)។ អាវុធហត្ថភ្នំពេញ កំពុងបន្តនិតិវិធីលើមនុស្សពាក់ព័ន្ធ ក្នុងចំណោមមនុស្សដែលឃាត់ខ្លូនចំនួន12នាក់(ប្រុស9នាក់ ស្រី3នាក់)។#PhnomPenhGR

សម្រាប់ថ្ងៃទី 20 ខែធ្នូ ឆ្នាំ 2021 នេះ មានករណីឆ្លងវីរុសកូវីដ19 ថ្មី ចំនួន 7 នាក់ និងមានករណីជាសះស្បើយចំនួន11នាក់ នឹងមិនមានករណីស្លាប់ថ្មីនោះទេ។

សេចក្ដីប្រកាសព័ត៌មានស្ដីពី ការប្រឡងសញ្ញាបត្រមធ្យមសិក្សា បាក់ឌុប(ទុតិយភូមិ) សម័យប្រឡងចាប់ផ្ដើមពីថ្ងៃទី 27 ខែធ្នូ ឆ្នាំ 2021 នេះ។