Month: October 2021

នៅព្រឹកថ្ងៃទី 14 ខែតុលា ឆ្នាំ 2021 នេះ លោកជំទាវ ឱ វណ្ណឌីន យកអំណោយទៅដល់ខេត្តបន្ទាយមានជ័យហើយ។ បន្ទាប់ពីនាំយករង្វាន់លើកទឹកចិត្ត របស់សម្តេចតេជោ ហ៊ុន សែន ជូនដល់លោកយាយ លោកតាដែលមានអាយុចាប់ពី100ឆ្នាំឡើង ចំនួន6នាក់ នៅក្នុងខេត្តបន្ទាយមានជ័យរួចមក លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មាធិការ ចំពោះកិច្ចចាក់វ៉ាក់សាំងកូវីដ19 ក្នុងក្របខណ្ឌទូទាំងប្រទេស និងឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានអញ្ជើញជាធិបតី ក្នុងកម្មវិធី បិទបញ្ចប់យុទ្ធនាការចាក់វ៉ាក់សាំងកូវីដ19 ជុំទី១1 ជូនដល់ប្រជាពលរដ្ឋដែលមានអាយុ18ឡើងក្នុងក្របខណ្ឌខេត្តបន្ទាយមានជ័យ។

សម្តេច ហេង សំរិន ដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភា ដោយមានរបៀបវារៈចំនួន 4 លើកយកមកពិនិត្យ និងពិភាក្សា។ គណៈកម្មាធិការអចិន្ត្រៃយ៍រដ្ឋសភានៃព្រះរាជាណាចក្រកម្ពុជា បានបើកកិច្ចប្រជុំក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភា តាមប្រព័ន្ធវីដេអូ នាព្រឹកថ្ងៃទី14 ខែតុលា ឆ្នាំ2021 ដោយមានរបៀបវារៈចំនួន 4លើកយកមកពិនិត្យ និងពិភាក្សារួមមាន៖ 1- ការពិនិត្យសំណើសុំបោះឆ្នោតផ្តល់សេចក្តីទុកចិត្តលើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ ឯកឧត្តម ប៉ា សុជាតិវង្ស ជាទេសរដ្ឋមន្រ្តី ទទួលបន្ទុកបេសកកម្មពិសេស។ 2- ការពិនិត្យសំណើសុំអនុម័តសេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងបន្ថែមទៅលើកិច្ចព្រមព្រៀងរវាងរាជរដ្ឋាភិបាលកម្ពុជានិងអង្គការសហប្រជាជាតិ ទាក់ទងទៅនឹងការកាត់សេចក្តី នៅក្រោមច្បាប់កម្ពុជានូវឧក្រិដ្ឋកម្មដែលប្រព្រឹត្តឡើងនៅក្នុងរយៈកាល នៃកម្ពុជាប្រជាធិបតេយ្យ ស្តីពីការរៀបចំក្នុងពេលអន្តរកាល និងការបញ្ចប់ការងាររបស់អង្គជំនុំជម្រះវិសាមញ្ញ។ 3- ការពិនិត្យសំណើសុំអនុម័តសេចក្តីព្រាងច្បាប់ស្តីពី ភាពជាដៃគូរវាងរដ្ឋ និងឯកជន។ 4- ការពិនិត្យសំណើសុំអនុម័តសេចក្តីព្រាងច្បាប់ធម្មនុញ្ញស្តីពី វិសោធនកម្មមាត្រា19ថ្មី មាត្រា82ថ្មី មាត្រា106ថ្មី (មួយ) មាត្រា119ថ្មី និងមាត្រា137ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា3 និងមាត្រា4 នៃច្បាប់ធម្មនុញ្ញបន្ថែម សំដៅធានានូវដំណើរការជាប្រក្រតី នៃស្ថាប័នជាតិ។

សម្រាប់ថ្ងៃទី 13 ខែតុលា ឆ្នាំ 2021 នេះ សមត្ថកិច្ចបានបង្ហាញលទ្ធផលអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល។ ការអនុវត្តវិធានការច្បាប់មានចំនួន 12 ករណី 1. ឃាត់ខ្លួន (អប់រំ និងពិន័យ) ១៩នាក់ ។   2. ឃាត់យានយន្ត (គ្មាន)។   3. ពិន័យជាប្រាក់ ចំនួន 10,000,000រៀល។

សម្រាប់ថ្ងៃទី 13 ខែតុលា ឆ្នាំ 2021 នេះ មានករណីឆ្លងវីរុសកូវីត19 ថ្មី ចំនួន 268 នាក់ និងករណីជាសះស្បើយចំនួន 359 នាក់ ហើយនិងករណីស្លាប់ថ្មីចំនួន 25 នាក់ផងដែរ។

សារាចរណែនាំ លេខ08 សរ របស់រាជរដ្ឋាភិបាលកម្ពុជា ស្តីពី ការទប់ស្កាត់ការវាយកម្ទេច និងបំផ្លិចបំផ្លាញសំណង់អគារបេតិកភណ្ឌ។

គិតត្រឹមថ្ងៃទី13 ខែតុលា ឆ្នាំ2021នេះ កំណើនអត្រានៃការចាក់វ៉ាក់សាំងកូវីដ19 នៅកម្ពុជាមាន 99,32% ធៀបជាមួយចំនួនប្រជាជនគោលដៅ 10លាននាក់ និងលើកុមារ-យុវវ័យអាយុពី 12ឆ្នាំ ទៅក្រោម 18ឆ្នាំ មាន 90,07% ធៀបជាមួយចំនួនប្រជាជនគោលដៅ1,966,931នាក់ និងលើកុមារអាយុពី 6ឆ្នាំ ដល់ក្រោម 12ឆ្នាំ មាន 97,08% ធៀបជាមួយនឹងប្រជាជនគោលដៅ 1,897,383 នាក់។

សម្រាប់ថ្ងៃទី 12 ខែតុលា ឆ្នាំ 2021 នេះ មានករណីឆ្លងវីរុសកូវីត19 ថ្មី ចំនួន 272 នាក់ នឹងករណីជាសះស្បើយចំនួន 494 នាក់ ហើយនិងករណីស្លាប់ថ្មីចំនួន 15 នាក់ផងដែរ។

លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលនិងជាប្រធានគណៈកម្មាធិការចំពោះកិច្ចចាក់វ៉ាក់សាំងកូវីដ19 ក្នុងក្របខណ្ឌទូទាំងប្រទេស បន្ទាប់ពីបញ្ចប់បេសកកម្មនៅខេត្តកំពង់ឆ្នាំងរួចមក បានបន្តដំណើរមកកាន់ខេត្តបាត់ដំបងជាបន្តទៀត ។ លោកជំទាវ ឱ វណ្ណឌីន បាននាំយករង្វាន់លើកទឹកចិត្ត របស់សម្តេចតេជោ ហ៊ុន សែន ជូនដល់លោកយាយលោកតាអាយុ100ឆ្នាំឡើង ចំនួន5នាក់បន្ថែមទៀត ! 1.លោកតា គង់ សេម ព្រះជន្ម 104ឆ្នាំ រស់នៅភូមិតាមុឺន ឃុំតាមុឺន ស្រុកថ្មគោល ខេត្តបាត់ដំបង។   2.លោកយាយ ចាន់ ហៀវ ព្រះជន្ម 100ឆ្នាំ រស់នៅភូមិប៉ែន ឃុំព្រៃត្រឡាច ស្រុករុក្ខគិរី ខេត្តបាត់ដំបង។   3.លោកយាយ ព្រំ សាន់ ព្រះជន្ម 102ឆ្នាំ រស់នៅភូមិស្លាបប៉ាង ឃុំតាមគ្រាម ស្រុកបាណន់ ខេត្តបាត់ដំបង។   4.លោកយាយ យិប យ៉ុង ព្រះជន្ម 100ឆ្នាំ រស់នៅភូមិព្រែកតាតន់ សង្កាត់ព្រែកព្រះស្តេច […]

គិតត្រឹមថ្ងៃទី12 ខែតុលា ឆ្នាំ2021នេះ កំណើនអត្រានៃការចាក់វ៉ាក់សាំង covid-19 នៅកម្ពុជាមាន 99,27% ធៀបជាមួយចំនួនប្រជាជនគោលដៅ 10លាននាក់ និងលើកុមារ-យុវវ័យអាយុពី 12ឆ្នាំ ទៅក្រោម 18ឆ្នាំ មាន 89,99% ធៀបជាមួយចំនួនប្រជាជនគោលដៅ1,966,931នាក់ និងលើកុមារអាយុពី 6ឆ្នាំ ដល់ក្រោម 12ឆ្នាំ មាន 96,49% ធៀបជាមួយនឹងប្រជាជនគោលដៅ 1,897,382នាក់។

សម្រាប់ថ្ងៃទី 12 ខែតុលា ឆ្នាំ 2021 នេះ សមត្ថកិច្ចបានបង្ហាញលទ្ធផលអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល។ ការអនុវត្តវិធានការច្បាប់មានចំនួន 5 ករណី 1. ឃាត់ខ្លួន (អប់រំ និងពិន័យ) 5នាក់ ។   2. ឃាត់យានយន្ត (គ្មាន)។   3. ពិន័យជាប្រាក់ ចំនួន 1,000,000រៀល។