Month: September 2021

សូមឧទ្ទិសបួងសួងដល់គុណបុណ្យព្រះរតនត្រ័យ និងទេវតាដ៏មានតេជៈឬទ្ធានុភាព សក្តិសិទ្ធក្នុង លោក មានទេវតាថែរក្សាព្រះមហាស្វេតច្ឆត្រ ទេវតាថែរក្សាព្រះរាជាណាចក្រកម្ពុជា និងព្រះឥន្រ្ទ ព្រះព្រហ្មជាដើម សូមជួយបីបាច់ថែរក្សា និង ថ្វាយព្រះពរជ័យ ព្រះករុណាជាអម្ចាស់ជីវិតលើត្បូង ព្រះចៅក្រុងកម្ពុជាធិបតី ព្រមទាំងសម្តេច ព្រះមហាក្សត្រី ព្រះវររាជមាតាជាតិខ្មែរ ជាទីសក្ការៈ ដ៏ខ្ពង់ខ្ពស់បំផុតនៃប្រជាជាតិខ្មែរ សូមព្រះអង្គបាន ប្រកបនូវព្រះបរមសុខគ្រប់ប្រការ ចាកផុតពីព្រះរោគា ទាំងឡាយ មានព្រះរាជសុខភាពល្អ បរិបូណ៍ និងមានព្រះជន្មាយុយឺនយូរ ជាងរយព្រះវស្សា ដើម្បីគង់ប្រថាប់នៅជាម្លប់ដ៏ត្រជាក់ត្រជុំ ចម្រុងចម្រើន ដល់កូនចៅ ចៅទួតរបស់ព្រះអង្គ និងសូមឲ្យ ព្រះរាជាណាចក្រកម្ពុជា បានស្គាល់តែសេចក្តីសុខសន្តិភាព និងមានវិបុលភាពជាដរាបតរៀងទៅ ។ 🙏🙏🙏

នៅព្រឹកថ្ងៃទី 19 ខែកញ្ញា ឆ្នាំ 2021នេះ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ19 ក្នុងក្របខណ្ឌទូទាំងប្រទេស បានបន្តដំណើរអញ្ជើញជាអធិបតី បិទយុទ្ធនាការចាក់វ៉ាក់សាំងកូវីដ19 ជុំទី1 ជូនប្រជាពលរដ្ឋដែលមានអាយុ18ឆ្នាំឡើង នៅខេត្តស្ទឹងត្រែង។

គិតត្រឹមថ្ងៃទី18 ខែកញ្ញា ឆ្នំា 2021នេះ កំណើនអត្រានៃការចាក់វ៉ាក់សាំង covid-19 នៅកម្ពុជាមាន 98,22% ធៀបជាមួយចំនួនប្រជាជនគោលដៅ 10លាននាក់ និងលើកុមារ-យុវវ័យអាយុពី 12ឆ្នាំ ទៅក្រោម 18ឆ្នាំ មាន87,80% ធៀបជាមួយចំនួនប្រជាជនគោលដៅ1,966,931 នាក់ និងលើកុមារអាយុពី 6ឆ្នាំ ដល់ក្រោម 12ឆ្នាំ មាន 14,58% ធៀបជាមួយនឹងប្រជាជនគោលដៅ 1,897,382នាក់។

សម្រាប់ថ្ងៃទី 18 ខែកញ្ញា ឆ្នាំ 2021 នេះ សមត្ថកិច្ចបានបង្ហាញលទ្ធផលអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល។ កាអនុវត្តវិធានការច្បាប់មានចំនួន 103ករណី ៖ 1. ឃាត់ខ្លួន (អប់រំ និងពិន័យ) 319នាក់ ។   2. ឃាត់យានយន្ត (រថយន្ត 4គ្រឿង និងម៉ូតូ 44គ្រឿង)។   3. ពិន័យជាប្រាក់ ចំនួន 13,400,000រៀល។

ក្រសួងធនធានទឹកនិងឧតុនិយម ចេញសេចក្តីជូនដំណឹង ស្តីពី ស្ថានភាពអាកាសធាតុចាប់ពីថ្ងៃទី20 ដល់ថ្ងៃទី23 ខែកញ្ញា ឆ្នាំ2021។

សម្រាប់ថ្ងៃទី 17 ខែកញ្ញា ឆ្នាំ 2021នេះ មានករណីឆ្លងវីរុស covid-19 ថ្មី ចំនួន 648 នាក់ និងមានករណីជាសះស្បើយចំនួន 492 នាក់ ហើយនឹងករណីស្លាប់ថ្មីចំនួន 7 នាក់ផងដែរ។

ចាប់បានក្រុមអ្នកញៀនល្បែងបាញ់ត្រីនៅក្បែរស្ពានហង្ស និងឃាត់ខ្លួនបានមនុស្សប្រុសស្រីចំនួន 7 នាក់ផងដែរ។ មនុស្សប្រុសស្រីចំនួន 7 នាក់ ដែលជាអ្នកមើលការខុសត្រូវនិងអ្នកលេងហ្គេមបាញ់ត្រីខុសច្បាប់មួយកន្លែងនៅក្នុងមជ្ឈមណ្ឌល ជីន ស៊ីម៉ៅ នៅក្បែរស្ពានហង្សកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ត្រូវបានសមត្ថកិច្ចឆ្មក់ចូលចាប់កាលពីវេលាម៉ោង 10 និង 15 នាទីយប់ ថ្ងៃទី 17 ខែកញ្ញា ឆ្នាំ 2021 នេះ។ សូមជម្រាបថាទីតាំងល្បែងស៊ីសងខុសច្បាប់ហ្គេមបាញ់ត្រីដោយក្រុមអ្នកញៀនល្បែងប្រមូលផ្ដុំចូលលេងយ៉ាងសប្បាយរីករាយក្នុងក្នុងអំឡុងពេលដែលប្រជាពលរដ្ឋគ្រប់ៗគ្នាខ្លាចឆ្លងជំងឺកូវីដ19 តែយ៉ាងណាក៏ក្រុមអ្នកញៀនល្បែងទាំងនោះមិនខ្លាចញញើតនឹងជំងឺនេះឡើយ។ គិតមកទល់ពេលនេះអាជ្ញាធរខណ្ឌចំការមន បាននាំខ្លួនអ្នកញៀនល្បែងទៅអធិការដ្ថាននគរបាលខណ្ឌចំការមន ដើម្បីធ្វើការសាកសួរនិងធ្វើការការដកហូតសម្ភារៈផ្សេងៗ។

សម្រាប់បងប្អូនប្រជាពលរដ្ឋ ដែលរស់នៅក្នុងភូមិសាស្ត្រ (តំបន់ក្រហម)និង(តំបន់លឿង) រដ្ឋបាលខេត្តសៀមរាប ផ្ដល់ការដឹកជញ្ជូនទំនិញជាស្បៀងអាហារដោយឥតគិតថ្លៃ ជូនបងប្អូនប្រជាពលរដ្ឋចាប់ពីថ្ងៃទី 18 ដល់ថ្ងៃទី 23 ខែកញ្ញា ឆ្នាំ 2021 នេះ ដូច្នេះទំនាក់ទំនងលេខទូរសព្ទនៅខាងក្រោម។

គិតត្រឹមថ្ងៃទី17 ខែកញ្ញា ឆ្នាំ2021នេះ កំណើនអត្រានៃការចាក់វ៉ាក់សាំង covid-19 នៅកម្ពុជាមាន 98,15% ធៀបជាមួយចំនួនប្រជាជនគោលដៅ 10លាននាក់ និងលើកុមារ-យុវវ័យអាយុពី 12ឆ្នាំ ទៅក្រោម 18ឆ្នាំ មាន 87,72% ធៀបជាមួយចំនួនប្រជាជនគោលដៅ 1,966,931 នាក់ និងលើកុមារអាយុពី 6ឆ្នាំ ដល់ក្រោម 12ឆ្នាំ មាន 3,56% ធៀបជាមួយនឹងប្រជាជនគោលដៅ 1,897,382 នាក់។

សម្រាប់ថ្ងៃទី 17 ខែកញ្ញា ឆ្នាំ 2021 នេះ សមត្ថកិច្ចបានបង្ហាញលទ្ធផលអនុវត្តវិធានការច្បាប់ចំពោះបុគ្គលដែលល្មើសនឹងវិធានការសុខាភិបាល និងវិធានការរដ្ឋបាល។ កាអនុវត្តវិធានការច្បាប់មានចំនួន 70 ករណី ៖ 1. ឃាត់ខ្លួន (អប់រំ និងពិន័យ) 204នាក់ ។   2. ឃាត់យានយន្ត (រថយន្ត 6គ្រឿង និងម៉ូតូ 14គ្រឿង)។   3. ពិន័យជាប្រាក់ ចំនួន 6,400,000រៀល